- Эртде тургъан бла эртде юйленнген сокъуранмаз.
- Ашыкъгъан cуу, тенгизге джетмез.
- Эм ашхы къайын ана мамукъ бла башынгы тешер.
- Чакъырылмай келген къонакъ сыйланмай кетер.
- Башынга джетмегенни сорма.
- Онгсузну – джакъла, тенгликни – сакъла.
- Тулпарлыкъ, билекден тюл – джюрекден.
- Келинни – келгинчи, бёркню кийгинчи кёр.
- Джарлы джети элни сёзюн этер.
- Экеу тутушса, биреу джыгъылыр.
- Къатын байлыкъны сюер, эр саулукъну сюер.
- Окъумагъан сокъурду, сокъур ташха абыныр!
- Къонакъ аман болса, къонакъбай джунчур
- Эски джаугъа ышанма.
- Чомарт джарлы болмаз.
- Билеги кючлю, бирни джыгъар, билими кючлю, мингни джыгъар.
- Кёб джат да, бек чаб.
- Ариу сёз – джаннга азыкъ, аман сёз – башха къазыкъ.
- Кёл – къызбай, къол – батыр.
- Шекер бла туз – бир болмаз, ушамагъан – юй болмаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Эки къатын алгъанны къулагъы тынгнгаймаз.
- Ана кёлю – балада, бала кёлю – талада.
- Ашына кёре табагъы, балына кёре къалагъы.
- Рысхы – насыбха къор.
- Кёбден умут этиб, аздан къуру къалма.
- Кёзюнде тереги болгъан, чёбю болгъаннга кюле эди.
- Къарыусузгъа кюлме, онгсузгъа тийме.
- Харам къарнашдан, халал тенг ашхы.
- Джети тилни билген джети кишиди.
- Айыбны суу бла джууалмазса.
- Иги болса, тамадама – махтау, аман болса, меннге – айыб.
- Чакъырылмагъан къонакъ тёрге атламаз.
- Эл тойса, тоймагъан, эл къойса, къоймагъан.
- Термилгенинги табмазса, кюлгенинге тюберсе.
- Иги джашны ышаны – аз сёлешиб, кёб тынгылар.
- Аууздан келген, къолдан келсе, ким да патчах болур эди.
- Босагъа таш юйге кирмей эди, тыбыр таш эшикге чыкъмай эди.
- Мени джылытмагъан кюн, меннге тиймесин!
- Адамны артындан къара сабан сюрме.
- Минг тенг да азды, бир джау да кёбдю.
- Ишлерге уял да, ашаргъа табма.
- Аллахдан тилесенг, кёб тиле.
- Иги бла джюрюсенг, джетерсе муратынга, аман бла джюрюсенг, къалырса уятха.
- Къыз тиширыу кеси юйюнде да къонакъды.
- Къарын къуру болса, джюрек уру болур.
- Азыкълы ат арымаз, къатыны аман джарымаз.
- Адамны бетине къарама, адетине къара.
- Ашатыргъа иш – ашхы, ишлетирге аш – ашхы.
- Эрни эр этерик да, къара джер этерик да, тиширыуду.
Ошибка!
Для просмотра темы введите ваши логин и пароль.Пожалуйста, авторизуйтесь: