- Окъуусуз билим – джокъ, билимсиз кюнюнг – джокъ.
- Сормай – алма, чакъырылмай – барма.
- Акъыллы башны – тили къысха.
- Ашаса, ашамаса да, бёрюню ауузу – къан.
- Кесине гебен этелмеген, биреуге черен эте эди.
- Уясында не кёрсе, учханында аны этер.
- Джогъун бар этген, барын бал этген.
- Джан саулукъ бермей, сан саулукъ бермезсе.
- Аман адамны тепсинге олтуртсанг, къызынгы тилер.
- Игини сыйлагъан адетди.
- Билими азны – ауузунда кирит.
- Хансыз джомакъ болмаз.
- Ашхы тенг джолгъа салыр, аман тенг джолдан тайдырыр.
- Хантына кёре тузу, юйюне кёре къызы.
- Эл ауузу – элия.
- Эки итни арасына сюек атма, эки адамны арасында сёз чыгъарма.
- Къонагъы джокъну – шоху джокъ.
- Ханнга да келеди хариблик.
- Халкъны юйю – туугъан джери.
- Аш кетер да бет къалыр.
- Адамны бетине къарама, адетине къара.
- Артына баргъанны, къатына барма.
- Адеби болмагъан къыз – тузсуз хант.
- Айран тёгюлсе, джугъусу къалыр.
- Тау башында, тау болмаз, джангыз терек, бау болмаз.
- Тюз сёз баргъан сууну тыяр.
- Ханы къызы буюгъа-буюгъа киштик болду.
- Бозанг болмагъан джерге, къалагъынгы сукъма.
- Юйюнгден чыкъдынг – кюнюнгден чыкъдынг.
- Джигер – джаннга къыйынлыкъ.
- Хазыр ашха – терен къашыкъ.
- Туз, гырджын аша, тюзлюк бла джаша.
- Джетген къыз джерли эшекни танымаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Къыз чыгъаргъан – къызыл къымжа.
- Эм уллу байлыкъ – джан саулукъ.
- Бир онгсуз адам адет чыгъарды, деб эштирик тюлсе.
- Насыб бютеу халкъны юлюшюдю.
- Кёрмегеннге кебек – танг, битмегеннге сакъал – танг.
- Джашлыкъ этмеген, башлыкъ этмез.
- Къанны къан бла джуума, аманны аман бла къуума.
- Хата – гитчеден.
- Ашхылыкъ джерде джатмайды, аманлыкъ суугъа батмайды.
- Билим ат болуб да чабар, къуш болуб да учар.
- Джарлы эскисин джамаса, къууаныр.
- Джюрекге ариу – кёзге да ариу.
- Иги адамны бир сёзю эки болмаз.
- Мухар, кеси тойса да, кёзю тоймаз.
- Аманнга игилик этсенг, юйюнге сау бармазса.
- Суугъа – чабакъ, къаягъа – ыргъакъ.
Ошибка!
Для просмотра темы введите ваши логин и пароль.Пожалуйста, авторизуйтесь: