- Керти сёзге тёре джокъ.
- Эки къатын алгъан – эки ташны ортасына башын салгъан.
- Окъумагъан сокъурду, сокъур ташха абыныр!
- Ата Джуртча джер болмаз, туугъан элча эл болмаз.
- Бет бетге къараса, бет да джерге къарар.
- Сакъламагъан затынга джолукъсанг, не бек къууанаса, не бек ачыйса.
- Джаш къарыу бла кючлю, къарт акъыл бла кючлю.
- Айранны сюйген, ийнек тутар.
- Ётюрюкден тюбю джокъ, кёлтюрюрге джиби джокъ.
- Таукел къуру къалмаз.
- Иги джашны ышаны – аз сёлешиб, кёб тынгылар.
- Чабакъсыз кёлге къармакъ салгъанлыкъгъа, чабакъ тутмазса.
- Аман киши кеси юйюнде – къонакъ.
- Айран ичген – къутулду, джугъусун джалагъан – тутулду.
- Бозаны арты дауур болур.
- Кёлю джокъну – джолу джокъ.
- Экиндини кеч къылсанг, чабыб джетер ашхам.
- Нафысынгы айтханын этме, намысынгы айтханын эт.
- Орну джокъну – сыйы джокъ.
- Къуру гыбыт бек дыгъырдар.
- Бети бедерден, намыс сакълама.
- Эллинг бла джау болсанг да, юйюнг бла джау болма.
- Ойнаб айтсанг да, эслеб айт.
- Аман къатын сабий табса, бий болур…
- Махтаннган къыз, тойда джукълар.
- Къайгъы тюбю – тенгиз.
- Ёлюр джаннга, ёкюл джокъ.
- Игиге айтсанг – билир, аманнга айтсанг – кюлюр.
- Тёзген – тёш ашар!
- Къралынгы – душмандан, башынгы от бла суудан сакъла.
- Тели турса – той бузар.
- Адамны артындан къара сабан сюрме.
- Ана къойну – балагъа джандет.
- Кёл – къызбай, къол – батыр.
- Чабар ат – джетген къыз.
- Аш берме да, къаш бер.
- Ауругъаннга – кийик саулукъ, джетген къызгъа – чилле джаулукъ.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ёлген ийнек сютлю болур.
- Ёлген эшек бёрюден къоркъмайды.
- Азыгъы аз, алгъа къабар, аты аман, алгъа чабар.
- Иши джокъну, сыйы джокъ.
- Ишлерге уял да, ашаргъа табма.
- Узун джолну барсанг, бюгюн келирсе, къысха джолну барсанг, тамбла келирсе.
- Кёб джашагъан – кёб билир.
- Чалманны аллы къалай башланса, арты да алай барады.
- Эки элинги тыйсанг, джети элде махталырса.
- Айтылгъан буйрукъ, сёгюлмез
- Уллу айтханны этмеген – уллаймаз.
- Кесине оноу эте билмеген, халкъына да эте билмез.
Ошибка!
Для просмотра темы введите ваши логин и пароль.Пожалуйста, авторизуйтесь: