- Кийимни бир кюнню аясанг, минг кюннге джарар.
- Къаллай салам берсенг, аллай джууаб алырса.
- Аманнга алтын чыдамаз.
- Тилсиз миллет джокъ болур.
- Терек ауса, отунчу – кёб.
- Эринчекни аурууу – кёб.
- Уллу суу бла уллу ауруудан башынгы сакъла.
- Ишин билген, аны сыйын чыгъарады.
- Биреуню тёрюнден, кесинги эшик артынг игиди.
- Агъач халкъгъа алтынды, иссиликге салкъынды.
- Джумушакъ сёз къаты таякъны сындырыр.
- Тойгъанлыкъ къойгъа джарашады.
- Бермеген къол, алмайды.
- Юреннген ауруу къалмаз.
- Джаз бир кюнню джатсанг, къыш талай кюнню абынырса.
- Джетген къыз джерли эшекни танымаз.
- Хар сёзню орну барды.
- Къызгъанчдан ычхыныр, мухардан ычхынмаз.
- Бети къызарыучу адамны, джюреги харам болмаз.
- Арпа, будай – ащды, алтын, кюмюш а – ташды.
- Билимсиз иш бармаз.
- Адеб этмеген, адеб кёрмез.
- Къонакъ аман болса, къонакъбай джунчур
- Иги джашны ышаны – аз сёлешиб, кёб тынгылар.
- Аякъларынгы джууургъанынга кёре узат.
- Термилгенинги табмазса, кюлгенинге тюберсе.
- Эринчекни эр алмаз, эр алса да, кёл салмаз, кёл салса да, кёб бармаз!
- Айраннга суу къош, телиге джол бош.
- Юйюнг бла джау болгъандан эсе, элинг бла джау бол.
- Этим кетсе да, сюегим къалыр.
- Чалманны аллы къалай башланса, арты да алай барады.
- Ёнгкюч къууана барыр, джылай келир.
- Къая джолда джортма, ачыкъ сёзден къоркъма.
- Ариу джол аджал келтирмез.
- Аш иеси бла татлыды.
- Къолу уллу – асыу, аягъы уллу – джарсыу.
- Ашхылыкъ джерде джатмайды, аманлыкъ суугъа батмайды.
- Тенгинг джокъ эсе – изле, бар эсе – сакъла!
- Къуллукъчума, деб махтанма, къуллукъ – хаух джамчыды!
- Таула не мийик болсала да, аууш табылыр.
- Гырджын – тепсини тамадасы.
- Сабий кёргенин унутмаз.
- Игилик игилик бла сингдирилиучю затды.
- Билим насыб берир, билим джолну керир.
- Тюзлюк шохлукъну бегитир.
- Эки итни арасына сюек атма, эки адамны арасында сёз чыгъарма.
- Байлыкъдан саулукъ ашхыды.
- Юйюнгден чыкъдынг – кюнюнгден чыкъдынг.
- Орундукъ тюбюнде атылсам да, орта джиликме, де да айлан.
- Джарлы эскисин джамаса, къууаныр.
Ошибка!
Для просмотра темы введите ваши логин и пароль.Пожалуйста, авторизуйтесь: