- Аз айтсам, кёб ангылагъыз.
- Окъдан джара эртде-кеч болса да бителир, сёз джара, ёмюрге къалыр.
- Аш кетер да бет къалыр.
- Аман къатын сабий табса, бий болур…
- Адам къаллай бир ишленмесе, аллай бир кесин уллу кёреди.
- Ёзденликни кёбю ётюрюк.
- Сагъыш – къартлыкъгъа сюйюмчю.
- Бет бетге къараса, бет да джерге къарар.
- Ач отунчуну ачыуу – бурнунда.
- Ашда уялгъан – мухар, ишде уялгъан – хомух.
- Адамны сыфатына къарама, сёзюне къара.
- Окъугъан – асыу, окъумагъан – джарсыу.
- Аман хансны – урлугъу кёб.
- Ашхы – джыяр, аман – джояр.
- Дуния аламаты сен эсенг да, игиме деб айтма.
- Къонакъ кёб келюучю юйню, къазаны отдан тюшмез.
- Къатын байлыкъны сюер, эр саулукъну сюер.
- Тёрде – темир таякълы, къаяда – чыпчыкъ аякълы.
- Эртде тургъан джылкъычыны эркек аты тай табар.
- Ашлыкъ – бюртюкден, джюн – тюкден.
- Аш берме да, къаш бер.
- Кюн – узун, ёмюр – къысха.
- Чакъырылмагъан къонакъ къачан кетерин сормаз.
- Байны къызы баймакъ болса да, юйде къалмаз!
- Тойгъандан сора, ашны сёкме.
- Окъугъан озар, окъумагъан тозар.
- Къарт айтханны этмеген, къартаймаз.
- Ишни аллы бла къууанма да, арты бла къууан.
- Джумушакъ сёз къаты таякъны сындырыр.
- Аджал соруб келмез, келсе, къайтыб кетмез.
- Уясында не кёрсе, учханында аны этер.
- Джюрекге ариу – кёзге да ариу.
- Сакъламагъан затынга джолукъсанг, не бек къууанаса, не бек ачыйса.
- Байлыкъ адамны сокъур этер.
- Тойну къарнашы – харс, джырны къарнашы – эжиу.
- Адеб джокъда, намыс джокъ.
- Юре билмеген ит, къонакъ келтирир.
- Аман эсирсе, юйюн ояр.
- Кийимни бичсенг, кенг бич, тар этген къыйын тюлдю.
- Эртде тургъан бла эртде юйленнген сокъуранмаз.
- Харам къарнашдан, халал тенг ашхы.
- Иги болса, тамадама – махтау, аман болса, меннге – айыб.
- Ачылгъан эт джабылыр, кёрген кёз унутмаз.
- Кёкдеги болмаса, джердегин кёрмейди.
- Тилсиз миллет джокъ болур.
- Хантына кёре тузу, юйюне кёре къызы.
- Эки итни арасына сюек атма, эки адамны арасында сёз чыгъарма.
- Ханы къызы буюгъа-буюгъа киштик болду.
- Хар ишни да аллы къыйынды.
- Билмейме деген – бир сёз
Ошибка!
Для просмотра темы введите ваши логин и пароль.Пожалуйста, авторизуйтесь: