- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ёпкелегенни ашы татлы болады.
- «Ма», - дегенни билмесенг, «бер», - дегенни билмезсе.
- Тойгъан антын унутур.
- Сабыр джетер муратха, сабырсыз къалыр уятха.
- Къазанчы аман болса, къазаны къайнамаз.
- Экеулен сёлеше тура эселе, орталарына барыб кирме.
- Кёбден умут этиб, аздан къуру къалма.
- Адебни адебсизден юрен.
- Ата – билек, ана – джюрек!
- Аман киши кеси юйюнде – къонакъ.
- Ашына кёре табагъы, балына кёре къалагъы.
- Кирсизни – саны таза, халалны – къаны таза.
- Тойгъандан сора, ашны сёкме.
- Аллахдан тилесенг, кёб тиле.
- Джиби бир къат джетмей эди да, эки къат тарта эди.
- Ойнай билмеген, оюн бузар.
- Атадан ёксюз – бир ёксюз, анадан ёксюз – эки ёксюз.
- Ашыкъгъан cуу, тенгизге джетмез.
- Чомартха хар кюн да байрамды.
- Кесинг сынамагъан затны, адамгъа буюрма.
- Чабакъсыз кёлге къармакъ салгъанлыкъгъа, чабакъ тутмазса.
- Хар адамгъа кеси миннген тау кибик.
- Бастасын ашагъан, хантусун да ичер.
- Тили узунну, намысы – къысха.
- Къар – келтирди, суу – элтди.
- Аджал соруб келмез, келсе, къайтыб кетмез.
- Эринчекни эр алмаз, эр алса да, кёл салмаз, кёл салса да, кёб бармаз!
- Ойнай-ойнай кёз чыгъар.
- Ёгюзню мюйюзюнден тутадыла, адамны сёзюнден тутадыла.
- Тас болгъан бычакъны сабы – алтын.
- Юй кюйдю да, кюйюз чыкъды, ортасындан тюйюш чыкъды.
- Чомартха Тейри да борчлуду.
- Тойчу джашха къарама, къойчу джашха къара.
- Тенгни тенглиги джашай барсанг билинир.
- Эртде тургъан бла эртде юйленнген сокъуранмаз.
- Билимли ёлмез, билимсиз кёрмез.
- Тюзню ётмеги тюзде къалса да, тас болмаз.
- Оюмсуз атлагъан, аджалсыз ёлюр.
- Эрни эр этерик да, къара джер этерик да, тиширыуду.
- Мал тутхан – май джалар.
- Тюзлюк шохлукъну бегитир.
- Адамны адамлыгъы къыйынлыкъда айгъакъланады.
- Иги джашны ышаны – аз сёлешиб, кёб тынгылар.
- Бет бетге къараса, бет да джерге къарар.
- Чомартны къолун джокълукъ байлар.
- Тюкюрюк баш джармаз, налат кёз чыгъармаз!
- Туз, гырджын аша, тюзлюк бла джаша.
- Таула не мийик болсала да, аууш табылыр.
- Тойгъа алгъа да барма, тойда артха да къалма.
Ошибка!
Для просмотра темы введите ваши логин и пароль.Пожалуйста, авторизуйтесь: