- Аманны эки битли тону болур, бирин сеннге кийдирир, бирин кеси киер.
- Къонагъынгы артмагъын алма да, алгъышын ал.
- Тынгылагъан тынгы бузар.
- Къайгъы тюбю – тенгиз.
- Окъугъанны бети джарыкъ.
- Эки итни арасына сюек атма, эки адамны арасында сёз чыгъарма.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Оюмсуз атлагъан, аджалсыз ёлюр.
- Ана къойну – балагъа джандет.
- Чалманны аллы къалай башланса, арты да алай барады.
- Келлик заман – къартлыкъ келтирир, кетген заман – джашлыкъ ёлтюрюр.
- Нафысынгы айтханын этме, намысынгы айтханын эт.
- Таукел адам тау тешер.
- Ёнгкюч къууана барыр, джылай келир.
- Къулакъдан эсе, кёзге ышан.
- Тура эдим джата, къайдан чыкъды хата?
- Ариу сёз аурууунгу алыр.
- Ётюрюкчюню шагъаты – къатында.
- Къатын къылыкъсыз, эр тынчлыкъсыз.
- Таула не мийик болсала да, аууш табылыр.
- Телиге от эт десенг, юйюнге от салыр.
- Джангыз торгъай джырламаз.
- Ёзденликни джайгъан – джокълукъ.
- Къалгъан ишге къар джауар.
- Чыбыкълыкъда бюгюлмеген, къазыкълыкъда бюгюлмей эди.
- Ашхы болсанг, атынг чыгъар, аман болсанг, джанынг чыгъар.
- Эм уллу байлыкъ – джан саулукъ.
- Ышармагъан – кюлмез, кюлмеген – къууанчны билмез.
- Мухарны эси – ашарыкъда.
- Билим къая тешер.
- Къар – келтирди, суу – элтди.
- Ёмюрлюк шохлукъну джел элтмез.
- Атлыны ашхысы, ат тизгининден билинир
- Тил – кесген бычакъ, сёз – атылгъан окъ.
- Эшекге миннген – биринчи айыб, андан джыгъылгъан – экинчи айыб.
- Байны оноуу, джарлыгъа джарамаз.
- Ачылгъан эт джабылыр, кёрген кёз унутмаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тойну къарнашы – харс, джырны къарнашы – эжиу.
- Ашда – бёрю, ишде – ёлю.
- Бек анасы джыламаз.
- Джарлыны эшигин махтагъан джабар.
- Аджалсыз ёлюм болмаз.
- Къозулугъунда тоймагъан, къойлугъунда тоймаз.
- Булут кёкге джарашыу, уят бетге джарашыу.
- Сибиртки да сыйлы болду, кюрек да кюнлю болду.
- Эки къатын алгъанны къулагъы тынгнгаймаз.
- Тин – байлыгъынг, терен саулугъунг.
- Намысы болмагъанны, сыйы болмаз.
- Акъыл къартда, джашда тюйюлдю – башдады.
Ошибка!
Для просмотра темы введите ваши логин и пароль.Пожалуйста, авторизуйтесь: