- Уллу атлама – абынырса, уллу къабма – къарылырса.
- Суу да къайтады чыкъгъан джерине.
- Тойчу джашха къарама, къойчу джашха къара.
- Аууз сакълагъан – джан сакълар.
- Адам сёзюнден белгили.
- Ёлген ийнек сютлю болур.
- Хар адамгъа кеси миннген тау кибик.
- Къарны аманнга къазан такъдырма, къолу аманнга от джакъдырма.
- Татлы сёз – балдан татлы.
- Чакъырылмагъан джерге барма, чакъырылгъан джерден къалма.
- Бир абыннган – минг сюрюнюр.
- Урунуу – насыбны анасы.
- Ачлыкъда тары гырджын халыуадан татлы.
- Ашхы болсанг, атынг чыгъар, аман болсанг, джанынг чыгъар.
- Зар адамны насыбы болмаз.
- Джыйырма къойну юч джыйырма эбзе кюте эди.
- Тили узунну, намысы – къысха.
- Рысхы джалгъанды: келген да этер, кетген да этер.
- Къошда джокъгъа – юлюш джокъ.
- Айраннга суу къош, телиге джол бош.
- Сагъышы джокъ – джукъучу, акъылы джокъ – къаугъачы.
- Байлыкъ тауусулур, билим тауусулмаз.
- Ач къарным, тынч къулагъым.
- Аджалсыз ёлюм болмаз.
- Кёкдеги болмаса, джердегин кёрмейди.
- Тюкюрюк баш джармаз, налат кёз чыгъармаз!
- Джарлы эскисин джамаса, къууаныр.
- Джауумдан сора, кюн кюйдюрюр, ётюрюкден сора, айыб кюйдюрюр.
- Кимни – тили, тиши онглу, кимни – къолу, иши онглу.
- Тилчи бир сагъатха айлыкъ хата этер.
- От кюйдюрген, сау болса да, тот кюйдюрген, сау болмаз.
- Тенгинг джокъ эсе – изле, бар эсе – сакъла!
- Бек ашыкъгъан меннге джетсин, дегенди аракъы.
- Джюрекге ариу – кёзге да ариу.
- Хоншуну тауугъу къаз кёрюнюр, келини къыз кёрюнюр.
- Билмейме деген – бир сёз
- Джырчы джырчыгъа – къарнаш.
- Уруну арты – къуру.
- Къонакъ аз олтурур, кёб сынар.
- Биреуню эскиси биреуге джангы болмайды.
- Ата Джуртун танымагъан, атасын да танымаз.
- Ач да бол, токъ да бол – намысынга бек бол.
- Джерни букъусу кёкге къонмаз.
- Намысы болмагъанны, сыйы болмаз.
- Ойнай билмеген, оюн бузар.
- Эллинг бла джау болсанг да, юйюнг бла джау болма.
- Окъдан джара эртде-кеч болса да бителир, сёз джара, ёмюрге къалыр.
- Намысы джокъну – дуниясы джокъ.
- Эл тойса, тоймагъан, эл къойса, къоймагъан.
- Ойнаб айтсанг да, эслеб айт.
Ошибка!
Для просмотра темы введите ваши логин и пароль.Пожалуйста, авторизуйтесь: