- Эртде тургъан бла эртде юйленнген сокъуранмаз.
- Ишлемеген – тишлемез.
- Этек чакъмакълары баш джаргъан, сёлешген сёзлери таш джаргъан.
- Тойгъан антын унутур.
- Чомартха хар кюн да байрамды.
- Джырына кёре эжиую.
- Къартны бурнун сюрт да, оноугъа тут.
- Къарын къуру болса, джюрек уру болур.
- Иги адамны бир сёзю эки болмаз.
- Къарнынг тойгъунчу аша да, белинг талгъынчы ишле.
- Баш – акъыл ючюн, акъылман – халкъ ючюн.
- Сакъалы текени да бар, мыйыгъы киштикни да бар.
- Джаным-тиним – окъуу, билим.
- Ойнай билмеген, оюн бузар.
- Джашынгы кесинг юретмесенг, джашау юретир.
- Аджашхан тёгерек айланыр.
- Байдан умут эте, джарлыдан ёгюз багъасы къорады.
- Арбаз сайлама да, хоншу сайла.
- Къозулугъунда тоймагъан, къойлугъунда тоймаз.
- Хар зат кесини орнуна иги.
- Халкъны джырын джырласанг, халкъ санга эжиу этер.
- Тилчи бир сагъатха айлыкъ хата этер.
- Шайтан алдады, тюзлюк къаргъады.
- Джарлы джети элни сёзюн этер.
- Байлыкъ келсе, акъыл кетер.
- Тёрени джагъы джокъ.
- Эл бла кёргенинг эрелей.
- Сангырау къулакъ эл бузар.
- Айтхан – тынч, этген – къыйын.
- Бойнуму джети джерден кессенг да, мен ол ишни этеллик тюлме.
- Аш берме да, къаш бер.
- Къарт айтханны этмеген, къартаймаз.
- Ач, тоймам, дейди, тойгъан, ач болмам, дейди.
- Къайтырыкъ эшигинги, къаты уруб чыкъма.
- Айырылмаз джууугъунга, унутмаз сёзню айтма.
- Тёрдеги кюлсе, эшикдеги ышарыр.
- Гугук кесини атын айтыб къычыргъанча, мен, мен деб нек тураса?
- Джюрекден джюрекге джол барды.
- Кёб джат да, бек чаб.
- Джангызны оту джарыкъ джанмаз!
- Ёлген эшек бёрюден къоркъмайды.
- Джаз бир кюнню джатсанг, къыш талай кюнню абынырса.
- Ач бёрюге мекям джокъ.
- Сёз садакъдан кючлюдю.
- Билим насыб берир, билим джолну керир.
- Илму – джашауну джолу.
- Тин – байлыгъынг, терен саулугъунг.
- Тойну къарнашы – харс, джырны къарнашы – эжиу.
- Иесиз малны бёрю ашар.
- Гырджын – тепсини тамадасы.
Ошибка!
Для просмотра темы введите ваши логин и пароль.Пожалуйста, авторизуйтесь: