- Джангыз терек къынгыр ёсер.
- Намыс болмагъан джерде, насыб болмаз.
- Суугъа – таянма, джаугъа – ийнанма.
- Ким бла джюрюсенг, аны кёзю бла кёрюнюрсе.
- Халкъгъа джарагъан, джарлы къалмаз.
- Джырчы джырчыгъа – къарнаш.
- Къонакъ хазыр болгъанлыкъгъа, къонакъбай хазыр тюлдю.
- Тёрени джагъы джокъ.
- Чакъырылмагъан къонакъ тёрге атламаз.
- Чакъырылмагъан джерге барма, чакъырылгъан джерден къалма.
- Элге къуллукъ этмеген, элге ие болмаз.
- Эркишини аманы тиширыуну джылатыр.
- Билимден уллу байлыкъ джокъду.
- Сютден ауузу кюйген, суугъа юфгюре эди.
- Хантына кёре тузу, юйюне кёре къызы.
- Аууздан келген, къолдан келсе, ким да патчах болур эди.
- Юйюнг бла джау болгъандан эсе, элинг бла джау бол.
- Аджал соруб келмез, келсе, къайтыб кетмез.
- Ашхы атаны – джашы ашхы, ашхы ананы – къызы ашхы.
- Тил джюрекге джол ишлейди.
- Тойгъа алгъа да барма, тойда артха да къалма.
- Юре билмеген ит, къонакъ келтирир.
- Чомарт бергенин айтмаз.
- Окъугъан – асыу, окъумагъан – джарсыу.
- Келлик заман – къартлыкъ келтирир, кетген заман – джашлыкъ ёлтюрюр.
- Джаз бир кюнню джатсанг, къыш талай кюнню абынырса.
- Адам къаллай бир ишленмесе, аллай бир кесин уллу кёреди.
- Юй кюйдю да, кюйюз чыкъды, ортасындан тюйюш чыкъды.
- Насыб бютеу халкъны юлюшюдю.
- Уллу къашыкъ эрин джыртар.
- Ёзденликни джайгъан – джокълукъ.
- Аман адамны тепсинге олтуртсанг, къызынгы тилер.
- Чабакъ башындан чирийди.
- Къая джолда джортма, ачыкъ сёзден къоркъма.
- Уруну арты – къуру.
- Хоншуну тауугъу къаз кёрюнюр, келини къыз кёрюнюр.
- Иги болса, тамадама – махтау, аман болса, меннге – айыб.
- Кийим тукъум сордурур.
- Чомартха Тейри да борчлуду.
- Джюз элде джюз ёгюзюм болгъандан эсе, джюз джууугъум болсун.
- Накъырда – кертини келечиси.
- Билимли ёлмез, билимсиз кёрмез.
- Джарлыны тону джаз битер.
- Джашны джигитлиги сорулур, къызны джигерлиги сорулур.
- Чоюнну башы ачыкъ болса, итге уят керекди.
- Ариу джол аджал келтирмез.
- Ариу сёз – джаннга азыкъ, аман сёз – башха къазыкъ.
- Кёрмегеннге кебек – танг, битмегеннге сакъал – танг.
- Кёл ашады да, кеси ашады.
- Айтылгъан сёз ызына къайтмаз.
Ошибка!
Для просмотра темы введите ваши логин и пароль.Пожалуйста, авторизуйтесь: