- Айранын берсенг, челегин да къызгъанма.
- Байма, деб да, къууанма, джарлыма, деб да, джылама.
- Аман эсирсе, юйюн ояр.
- Джумушакъ сёз къаты таякъны сындырыр.
- Кёб джат да, бек чаб.
- Дуния мал дунияда къалады.
- Аман къатын алгъан, арыр, иги къатын алгъан джарыр.
- Ашыкъгъанны этеги бутуна чырмалыр.
- Кёрмегеннге кебек – танг, битмегеннге сакъал – танг.
- Ётген ёмюр – акъгъан суу.
- Адамны джюреги нени кёрюрге сюйсе, кёзю да аны кёрюрге ёч болады.
- Джигер – джаннга къыйынлыкъ.
- Нёгер болсанг, тенг бол, тенг болмасанг, кенг бол.
- Узун джолну барсанг, бюгюн келирсе, къысха джолну барсанг, тамбла келирсе.
- Джолунга кёре – джюрюшюнг, джагъанга кёре – юлюшюнг.
- Зарда марда джокъ.
- Адам къаллай бир ишленмесе, аллай бир кесин уллу кёреди.
- Ашда – бёрю, ишде – ёлю.
- Ариу – кёзге, акъыл – джюрекге.
- Ойнаб айтсанг да, эслеб айт.
- Джарлы тюеге минсе да, ит къабар.
- Къошда джокъгъа – юлюш джокъ.
- Къайгъы тюбю – тенгиз.
- Къалгъан ишге къар джауар.
- Бёрю да ач къалмасын, эчки да ашалмасын.
- Ашыкъгъан cуу, тенгизге джетмез.
- Иги – алгъыш этер, аман – къаргъыш этер.
- Джашлыкъ этмеген, башлыкъ этмез.
- Гитче джилтин уллу элни джандырыр.
- Ата Джуртуму башы болмасам да, босагъасында ташы болайым.
- Окъугъанны бети джарыкъ.
- Агъач халкъгъа алтынды, иссиликге салкъынды.
- Чыбыкълыкъда бюгюлмеген, къазыкълыкъда бюгюлмей эди.
- Къолу уллу – асыу, аягъы уллу – джарсыу.
- Байлыкъ адамны сокъур этер.
- Ашхы болсанг, атынг чыгъар, аман болсанг, джанынг чыгъар.
- «Ёгюз, джаргъа джууукъ барма, меннге джюк боллукъса», - дегенди эшек.
- Башынга джетмегенни сорма.
- Тау башында, тау болмаз, джангыз терек, бау болмаз.
- Ашхылыкъ джерде джатмайды, аманлыкъ суугъа батмайды.
- Юреннген ауруу къалмаз.
- Суугъа – чабакъ, къаягъа – ыргъакъ.
- Бал чибинни ургъаны – ачы, балы – татлы.
- Уруну арты – къуру.
- Ойнай билмеген, уруб къачар.
- Уясында не кёрсе, учханында аны этер.
- Джюрекден джюрекге джол барды.
- Бир онгсуз адам адет чыгъарды, деб эштирик тюлсе.
- Таякъ этден ётер, тил сюекден ётер.
- Гырджын – тепсини тамадасы.
Ошибка!
Для просмотра темы введите ваши логин и пароль.Пожалуйста, авторизуйтесь: