- Къобан да къуру да къобханлай турмайды, адам да къуру да патчахлай турмайды.
- Джарлы эскисин джамаса, къууаныр.
- Байны оноуу, джарлыгъа джарамаз.
- Ариу джол аджал келтирмез.
- Чакъырылмай келген къонакъ сыйланмай кетер.
- Кёрмегеннге кебек – танг, битмегеннге сакъал – танг.
- Юйюнг бла джау болгъандан эсе, элинг бла джау бол.
- Телиге акъыл салгъандан эсе, ёлгеннге джан салырса.
- Ашыкъгъанны этеги бутуна чырмалыр.
- Эки элинги тыйсанг, джети элде махталырса.
- Аурууну келиую тынч, кетиую – къыйын.
- Байдан умут эте, джарлыдан ёгюз багъасы къорады.
- Артына баргъанны, къатына барма.
- Ёзденликни кёбю ётюрюк.
- Эркишини аманы тиширыуну джылатыр.
- Бети – къучакълар, джюреги – бычакълар.
- Окъуу – билимни ачхычы, окъуу – дунияны бачхычы.
- Акъыл неден да кючлюдю.
- Эл тойса, тоймагъан, эл къойса, къоймагъан.
- Атынг аманнга чыкъгъандан эсе, джанынг тамагъынгдан чыкъсын.
- Намысы болмагъанны, сыйы болмаз.
- Уллу суу бла уллу ауруудан башынгы сакъла.
- Олтуруб кёрюнмей эди да, ёрге туруб кёрюне эди.
- Гугурук къычырмаса да, тангны атары къалмаз.
- Ишин билген, аны сыйын чыгъарады.
- Арбаз къынгырды да, ийнек сауалмайма.
- Байлыкъ тауусулур, билим тауусулмаз.
- Кёз – сюйген джерде, къол – ауругъан джерде.
- Кёл – къызбай, къол – батыр.
- Сагъыш – къартлыкъгъа сюйюмчю.
- Нёгер болсанг, тенг бол, тенг болмасанг, кенг бол.
- Ачыу алгъа келсе, акъыл артха къалады.
- Татлы тилде – сёз ариу, чемер къолда – иш ариу.
- Кёкдеги болмаса, джердегин кёрмейди.
- Мухарны эси – ашарыкъда.
- Билим насыб берир, билим джолну керир.
- Джашда акъыл джокъ, къартда къарыу джокъ.
- Аман эсирсе, юйюн ояр.
- Къоркъакъны кёзю экили кёрюр.
- Элге къуллукъ этмеген, элге ие болмаз.
- Сёз садакъдан кючлюдю.
- Чакъырылмагъан къонакъ – орунсуз.
- Джети тилни билген джети кишиди.
- Намыс сатылыб алынмайды.
- Азыгъы аз, алгъа къабар, аты аман, алгъа чабар.
- Келинин тута билмеген, къул этер, къызын тута билмеген, тул этер.
- Халкъны джырын джырласанг, халкъ санга эжиу этер.
- Ашарыкъда сайлагъаннга – чий гырджын.
- Азыкъ аз болса, эртде орун сал.
- Дуния аламаты сен эсенг да, игиме деб айтма.
Ошибка!
Для просмотра темы введите ваши логин и пароль.Пожалуйста, авторизуйтесь: