- Мадар болса, къадар болур.
- Ариу сёз – къылычдан джити.
- Этим кетсе да, сюегим къалыр.
- Уллу атлама – абынырса, уллу къабма – къарылырса.
- Байлыкъ адамны сокъур этер.
- Харам къарнашдан, халал тенг ашхы.
- Ётюрюкню башын керти кесер.
- Бек ашыкъгъан меннге джетсин, дегенди аракъы.
- Къулакъдан эсе, кёзге ышан.
- Агъач – джерни чырайы, кийим – эрни чырайы.
- Акъылсызны джууукъгъа алма, акъыллыны кенгнге салма.
- Кёзю сокъурдан – къоркъма, кёлю сокъурдан – къоркъ.
- Кёз – сюйген джерде, къол – ауругъан джерде.
- Къыйынлы джети элге оноу этер.
- Эринчекни эр алмаз, эр алса да, кёл салмаз, кёл салса да, кёб бармаз!
- Эрине къаргъыш этген къатын, эрнин къабар.
- Рысхы джалгъанды: келген да этер, кетген да этер.
- Ач да бол, токъ да бол – намысынга бек бол.
- Чарсда алчыны эл кёреди.
- Хар зат кесини орнуна иги.
- Хантына кёре тузу, юйюне кёре къызы.
- Къая джолда джортма, ачыкъ сёзден къоркъма.
- Байма, деб да, къууанма, джарлыма, деб да, джылама.
- Таула не мийик болсала да, аууш табылыр.
- Аз айтсам, кёб ангылагъыз.
- Айтхан сёзюне табылгъан.
- Онгсузну – джакъла, тенгликни – сакъла.
- Тилчи бир сагъатха айлыкъ хата этер.
- Уллу суу бла уллу ауруудан башынгы сакъла.
- Ишлемеген – тишлемез.
- Джерни букъусу кёкге къонмаз.
- Эки къатын алгъан – эки ташны ортасына башын салгъан.
- Билмезни кёзю кёрмез, этмезни къулагъы эшитмез.
- Азыгъы аз, алгъа къабар, аты аман, алгъа чабар.
- Илму – джашауну джолу.
- Джылкъыдан – ат чыгъар, тукъумдан – джаш чыгъар.
- Чомарт джарлы болмаз.
- Тилчиден кери бол.
- Къонагъынгы артмагъын алма да, алгъышын ал.
- Джарлы тюеге минсе да, ит къабар.
- Чомартха хар кюн да байрамды.
- Ана къойну – балагъа джандет.
- Эл бла кёргенинг эрелей.
- Аш хазыр болса, иш харам болур.
- Ана кёлю – балада, бала кёлю – талада.
- Къыйынлы джети элни къайгъысын этер.
- Адам сёзге тынгыла, акъыл сёзню ангыла.
- Ариу сёзде ауруу джокъ.
- Къыз тиширыу кеси юйюнде да къонакъды.
- Эртде тургъан бла эртде юйленнген сокъуранмаз.
Ошибка!
Для просмотра темы введите ваши логин и пароль.Пожалуйста, авторизуйтесь: