- Эски джаугъа ышанма.
- Тамбла алтындан бюгюн багъыр ашхы.
- Эллинг бла джау болсанг да, юйюнг бла джау болма.
- Кийимни бичсенг, кенг бич, тар этген къыйын тюлдю.
- Орундукъ тюбюнде атылсам да, орта джиликме, де да айлан.
- Ашаса, ашамаса да, бёрюню ауузу – къан.
- Бал – татлы, балдан да бала – татлы.
- Билмезни кёзю кёрмез, этмезни къулагъы эшитмез.
- Аууз сакълагъан – джан сакълар.
- Хар ишни да аллы къыйынды.
- Билмейме деген – бир сёз
- Билмегенинги, билгеннге сор.
- Аманны тукъумуна къарама, игини тукъумун сорма.
- Билимсиз иш бармаз.
- Окъдан джара эртде-кеч болса да бителир, сёз джара, ёмюрге къалыр.
- Къайгъы тюбю – тенгиз.
- Иги болса, тамадама – махтау, аман болса, меннге – айыб.
- Къар – келтирди, суу – элтди.
- Чомарт къолда мал къалмаз.
- Къалгъан ишге къар джауар.
- Чомартны къолу берекет.
- Булут кёкге джарашыу, уят бетге джарашыу.
- Таш ата билмеген, башына урур.
- Аман адам этегингден тутса, кес да къач.
- Ишни ахырын ойламай, аллын башлама.
- Джеринден айырылгъан – джети джылар, джуртундан айырылгъан – ёлгюнчю джылар.
- Айныгъанлы алты кюн, тогъайгъанлы тогъуз кюн.
- Юйюнгден чыкъдынг – кюнюнгден чыкъдынг.
- Бир абыннган – минг сюрюнюр.
- Къарнынг къанлынга кийирир.
- Тёгюлген тюгел джыйылмайды.
- Зарда марда джокъ.
- Чыкълы кюнде чыкъмагъан, чыкъса къуру кирмеген.
- Аманнга да, игиге да оноусуз къатышма.
- Кёзден кетген, кёлден да кетеди.
- Танг атмайма десе да, кюн къоярыкъ тюйюлдю.
- Бети къызарыучу адамны, джюреги харам болмаз.
- Тойгъандан сора, ашны сёкме.
- Болджал ишни бёрю ашар.
- Тюз сёз баргъан сууну тыяр.
- Кесине гебен этелмеген, биреуге черен эте эди.
- Аякъларынгы джууургъанынга кёре узат.
- Джангыз торгъай джырламаз.
- Джырчы ёлсе, джыры къалыр.
- Тил бла келеди джыр да.
- Бёрю да ач къалмасын, эчки да ашалмасын.
- Намыс болмагъан джерде, насыб болмаз.
- Асхат ашлыкъ сата, юйдегиси ачдан къата.
- Аман къатын алгъан, арыр, иги къатын алгъан джарыр.
- Кёб джашагъан – кёб билир.
Ошибка!
Для просмотра темы введите ваши логин и пароль.Пожалуйста, авторизуйтесь: