- Болджал ишни бёрю ашар.
- Эшекни не къадар тюйсенг да, ат болмаз.
- Эки итни арасына сюек атма, эки адамны арасында сёз чыгъарма.
- Татлы тилде – сёз ариу, чемер къолда – иш ариу.
- Джылыгъа джылан илешир.
- Ургъан суудан башынгы сакъла.
- Кёрмегеннге кебек – танг, битмегеннге сакъал – танг.
- Баргъанынга кёре болур келгенинг.
- Къарт бла баш аша, джаш бла аякъ аша.
- Къарнынг бла ёч алма.
- Къарны аманнга къазан такъдырма, къолу аманнга от джакъдырма.
- Эринчекни эр алмаз, эр алса да, кёл салмаз, кёл салса да, кёб бармаз!
- Окъдан джара эртде-кеч болса да бителир, сёз джара, ёмюрге къалыр.
- Къыйынлы джети элни къайгъысын этер.
- Ашыкъгъанны этеги бутуна чырмалыр.
- Адамны джюреги нени кёрюрге сюйсе, кёзю да аны кёрюрге ёч болады.
- Борчунг бар эсе, хурджунунга ойлаб узал.
- Айранын берсенг, челегин да къызгъанма.
- Тёзгеннге, джабылгъан эшик ачылыр.
- Нёгерсизни джолу узун.
- Ёксюзню тилеги къабыл болур.
- Аманны эки битли тону болур, бирин сеннге кийдирир, бирин кеси киер.
- Тюзлюк тас болмайды.
- Баш болса, бёрк табылыр.
- Ана – юйню кюн джарыгъы.
- Нарт сёз – тилни бети.
- Сууда джау джокъ, кёб сёзде магъана джокъ.
- Ачлыкъ отха секиртир.
- Кёб джашагъан – кёб билир.
- «Ёгюз, джаргъа джууукъ барма, меннге джюк боллукъса», - дегенди эшек.
- Сёлеш деб шай берген, тохта деб, сом берген.
- Билимсиз иш бармаз.
- Тойгъан антын унутур.
- Мал тутхан – май джалар.
- Тёрде – темир таякълы, къаяда – чыпчыкъ аякълы.
- Къалгъан ишге къар джауар.
- Ашарыкъда сайлагъаннга – чий гырджын.
- Ишленмеклик адамлыкъды.
- Чомартны къолу берекет.
- Кёл ашады да, кеси ашады.
- Ашлыкъны арба юйге келтирир, чана базаргъа элтир.
- Къуллукъчума, деб махтанма, къуллукъ – хаух джамчыды!
- Таш ата билмеген, башына урур.
- Берекет берсин деген джерде, берекет болур.
- Бал чибинни ургъаны – ачы, балы – татлы.
- Хатерли къул болур.
- Къулакъдан эсе, кёзге ышан.
- Ушамагъан – джукъмаз.
- Хансыз джомакъ болмаз.
- Айтылгъан сёз ызына къайтмаз.
Ошибка!
Для просмотра темы введите ваши логин и пароль.Пожалуйста, авторизуйтесь: