- Айран тёгюлсе, джугъусу къалыр.
- Эллинг бла джау болсанг да, юйюнг бла джау болма.
- Босагъа таш юйге кирмей эди, тыбыр таш эшикге чыкъмай эди.
- Таукел тауну аудурур.
- Арпа, будай – ащды, алтын, кюмюш а – ташды.
- Тил – миллетни джаны.
- Тик ёргени, тик энгишгеси да болады.
- Арыгъан къош чамчы болур.
- Юйюнгден чыкъдынг – кюнюнгден чыкъдынг.
- Ата джурт – алтын бешик.
- Башынга джетмегенни сорма.
- Насыблы элин сюер, насыбсыз кесин сюер.
- Чоюнну башы ачыкъ болса, итге уят керекди.
- Таукел къуру къалмаз.
- Иги адамны бир сёзю эки болмаз.
- Иги джашны ышаны – аз сёлешиб, кёб тынгылар.
- Сютню башын джалагъан къутулур, тюбюн ичген тутулур.
- Тас болгъан бычакъны сабы – алтын.
- Къатын байлыкъны сюер, эр саулукъну сюер.
- Зар адам ашынгы ашар, кесинги сатар.
- Киштикге къанат битсе, чыпчыкъ къалмаз эди.
- Къартха ушагъан джаш – акъыллы, джашха ушагъан къарт – тели.
- Башсыз урчукъ тюзюне айланмаз.
- Ариу сёз – джаннга азыкъ, аман сёз – башха къазыкъ.
- Къууут – джелге, берне – бошха.
- Къайгъыны сюйген, къайгъы табар.
- Тынгылагъан тынгы бузар.
- Хар адамгъа кеси миннген тау кибик.
- Терслик кетер, тюзлюк джетер.
- Намысы болмагъанны, сыйы болмаз.
- Аджашханны ызындагъы кёреди, джангылгъанны джанындагъы биледи.
- Биреуню къыйынлыгъы бла кесинге джол ишлеме.
- Къан бла кирген, джан бла чыгъар.
- Тилде сюек болмаса да, сюек сындырыр.
- Нарт сёз къарт болмаз.
- Терек ауса, отунчу – кёб.
- Ёпкелегенни ашы татлы болады.
- Айтханы чапыракъдан ётмеген.
- Аман къатын сабий табса, бий болур…
- Акъыл сабырлыкъ берир.
- Тил джюрекге джол ишлейди.
- Ёлмесенг да, къарт дамы болмазса?
- Телини эшигин, махтау джабар.
- Окъугъан – асыу, окъумагъан – джарсыу.
- Ишлегенде эринме, ишде чолакъ кёрюнме.
- Тойчу джашха къарама, къойчу джашха къара.
- Бек анасы джыламаз.
- Тойгъа алгъа да барма, тойда артха да къалма.
- Тили узунну, намысы – къысха.
- Ашыкъгъанны этеги бутуна чырмалыр.
Ошибка!
Для просмотра темы введите ваши логин и пароль.Пожалуйста, авторизуйтесь: