- Бичгенде ашыкъма, тикгенде ашыкъ.
- Адамны адамлыгъы къыйынлыкъда айгъакъланады.
- Джерни букъусу кёкге къонмаз.
- Къозулугъунда тоймагъан, къойлугъунда тоймаз.
- Насыб бютеу халкъны юлюшюдю.
- Чыбыкълыкъда бюгюлмеген, къазыкълыкъда бюгюлмей эди.
- Бюгюн дуния кибик, тамбла ахыратды.
- Уллу айтханны этмеген – уллаймаз.
- Аджаллыгъа окъсуз шкок атылыр.
- Джырчы ёлсе, джыры къалыр.
- Къарнынг ауруса, ауузунгу тый
- Ёгюзню мюйюзюнден тутадыла, адамны сёзюнден тутадыла.
- Ат басханны джер билед.
- Окъумагъан сокъурду, сокъур ташха абыныр!
- Чомартны къолун джокълукъ байлар.
- Джуртун къоругъан озар.
- Сагъыш – къартлыкъгъа сюйюмчю.
- Джангызны оту джарыкъ джанмаз!
- Таукел къуру къалмаз.
- Кёбге таш атма.
- Юреннген ауруу къалмаз.
- Окъуу – билимни ачхычы, окъуу – дунияны бачхычы.
- Этни бети бла шорпасы.
- Минг тенг да азды, бир джау да кёбдю.
- Ашхы болсанг, атынг чыгъар, аман болсанг, джанынг чыгъар.
- Ауругъан – джашаудан умутчу.
- Ёксюзню къалачы уллу кёрюнюр.
- Аллахха ийнаннган кишини, Аллах онгдурур ишин.
- Ариу сёз – къылычдан джити.
- Къан бла кирген, джан бла чыгъар.
- Тил – кесген бычакъ, сёз – атылгъан окъ.
- Кийиминг бла танылма, адамлыкъ бла таныл.
- Танг атмайма десе да, кюн къоярыкъ тюйюлдю.
- Сууда джау джокъ, кёб сёзде магъана джокъ.
- Билим – акъылны чырагъы.
- Сакъ юйюне сау барыр.
- Аман хансны – урлугъу кёб.
- Бал ашаргъа сюе эсенг, чибин ургъаннга тёз.
- Уллу атлама – абынырса, уллу къабма – къарылырса.
- Таула не мийик болсала да, аууш табылыр.
- Ашхылыкъ джерде джатмайды, аманлыкъ суугъа батмайды.
- Джюрек кёзден алгъа кёрюр.
- Алма терегинден кери кетмез.
- Эринчекни эр алмаз, эр алса да, кёл салмаз, кёл салса да, кёб бармаз!
- Ётген ёмюр – акъгъан суу.
- Азыкълы ат арымаз, къатыны аман джарымаз.
- Иги – алгъыш этер, аман – къаргъыш этер.
- Адебни адебсизден юрен.
- Накъырданы арты керти болур.
- Кёл ашады да, кеси ашады.
Ошибка!
Для просмотра темы введите ваши логин и пароль.Пожалуйста, авторизуйтесь: