- Дженгил джетерикме деб, узун джолну къоюб, къысхасын барма.
- Аллахдан тилесенг, кёб тиле.
- Сагъышы джокъ – джукъучу, акъылы джокъ – къаугъачы.
- Ёнгкюч къууана барыр, джылай келир.
- Акъыл сабырлыкъ берир.
- Туз, гырджын аша, тюзлюк бла джаша.
- Чакъырылмагъан къонакъ къачан кетерин сормаз.
- Миллетни бойну – базыкъ, аны бла кюрешген – джазыкъ.
- Ашыкъгъан cуу, тенгизге джетмез.
- Эркиши – от, тиширыу – суу.
- Халкъгъа джарагъан, джарлы къалмаз.
- Джарлыны тону джаз битер.
- Ариу сёз аурууунгу алыр.
- Бети – къучакълар, джюреги – бычакълар.
- Ёпкелегенни ашы татлы болады.
- Айраннга суу къош, телиге джол бош.
- Айранны сюйген, ийнек тутар.
- Ауругъаннга – кийик саулукъ, джетген къызгъа – чилле джаулукъ.
- Чарсда алчыны эл кёреди.
- Къыз келсе, джумуш эте келеди, къатын келсе, ушакъ эте келеди.
- Адам сёзге тынгыла, акъыл сёзню ангыла.
- Къоркъакъны кёзю экили кёрюр.
- Айран тёгюлсе, джугъусу къалыр.
- Аджаллыгъа окъсуз шкок атылыр.
- Къызны минг тилер, бир алыр.
- Чакъырылмагъан джерге барма, чакъырылгъан джерден къалма.
- Зар адам ашынгы ашар, кесинги сатар.
- Айтылгъан сёз ызына къайтмаз.
- Мухарны эси – ашарыкъда.
- Аджалсыз ёлюм болмаз.
- Тойну къарнашы – харс, джырны къарнашы – эжиу.
- Аджал соруб келмез, келсе, къайтыб кетмез.
- Окъугъан – асыу, окъумагъан – джарсыу.
- Экеу тутушса, биреу джыгъылыр.
- Тёгюлген тюгел джыйылмайды.
- Окъуу – билимни ачхычы, окъуу – дунияны бачхычы.
- Джарлыны эшигин махтагъан джабар.
- Танг атмайма десе да, кюн къоярыкъ тюйюлдю.
- Кёкдеги болмаса, джердегин кёрмейди.
- Сёз садакъдан кючлюдю.
- Баш – акъыл ючюн, акъылман – халкъ ючюн.
- Таугъа чыгъаллыкъ эсенг, тюзде къалма.
- Ашхы адам – халкъ байлыгъы, ашхы джер – джашау байлыгъы.
- Адам боллукъ, атламындан белгили болур.
- Къарнынг бла ёч алма.
- Арбаз къынгырды да, ийнек сауалмайма.
- Адебсиз адам – джюгенсиз ат.
- Джылар джаш, атасыны сакъалы бла ойнар.
- Айранын берсенг, челегин да къызгъанма.
- Иесиз малны бёрю ашар.
Ошибка!
Для просмотра темы введите ваши логин и пароль.Пожалуйста, авторизуйтесь: