- Къонакъ хазыр болгъанлыкъгъа, къонакъбай хазыр тюлдю.
- Аман хансны – урлугъу кёб.
- Тай асырагъан, атха минер.
- Арбаз сайлама да, хоншу сайла.
- Ана къолу ачытмаз.
- Ачыу алгъа келсе, акъыл артха къалады.
- Ишге юренсин къоллары, халкъ бла болсун джоллары.
- Бал – татлы, балдан да бала – татлы.
- Душманны тышы – акъ, ичи – къара.
- Телиге акъыл салгъандан эсе, ёлгеннге джан салырса.
- Рысхы – сют юсюнде кёмюк кибикди.
- Халкъны юйю – туугъан джери.
- Ишлерге уял да, ашаргъа табма.
- Тилчиден кери бол.
- Атадан ёксюз – бир ёксюз, анадан ёксюз – эки ёксюз.
- Тилчи бир сагъатха айлыкъ хата этер.
- Джангызны оту джарыкъ джанмаз!
- Уллу къашыкъ эрин джыртар.
- Ашыкъгъан cуу, тенгизге джетмез.
- Таукелге нюр джауар.
- Ата Джуртуму башы болмасам да, босагъасында ташы болайым.
- Гитче джилтин уллу элни джандырыр.
- Адамны адамлыгъы къыйынлыкъда айгъакъланады.
- Ёлюр джаннга, ёкюл джокъ.
- Бастасын ашагъан, хантусун да ичер.
- Адам къыйынлыгъын кёлтюрюр, зауукълугъун кёлтюрмез.
- Ач къарным, тынч къулагъым.
- Зар адамны насыбы болмаз.
- Чыбыкълыкъда бюгюлмеген, къазыкълыкъда бюгюлмей эди.
- Башда акъыл болмаса, эки аякъгъа кюч джетер.
- Кёкдеги болмаса, джердегин кёрмейди.
- Бети – къучакълар, джюреги – бычакълар.
- Келлик заман – къартлыкъ келтирир, кетген заман – джашлыкъ ёлтюрюр.
- Алтыннга тот къонмаз.
- Ауругъан – джашаудан умутчу.
- Тили узунну, намысы – къысха.
- Адеби болмагъан къыз – тузсуз хант.
- Ашлыкъны арба юйге келтирир, чана базаргъа элтир.
- Къатын къылыкъсыз, эр тынчлыкъсыз.
- Башы ишлегенни, ауузу да ишлер.
- Эри аманны, къатыны – аман.
- Адамны бетине къарама, адетине къара.
- Ата Джуртча джер болмаз, туугъан элча эл болмаз.
- Аууз сакълагъан – джан сакълар.
- Намысы джокъну – дуниясы джокъ.
- Айтылгъан буйрукъ, сёгюлмез
- Тыш элде солтан болгъандан эсе, кесинги элде олтан болгъан игиди!
- Ата – билек, ана – джюрек!
- Ётюрюкню къуйругъу – бир тутум.
- Ач – эснер, ат – кишнер.
Ошибка!
Для просмотра темы введите ваши логин и пароль.Пожалуйста, авторизуйтесь: