- Акъыллы эркиши атын махтар, акъылсыз эркиши къатынын махтар.
- Ауузу аманнга «иги», деме.
- Тил джюрекге джол ишлейди.
- Тёзген – тёш ашар!
- Окъуусуз билим – джокъ, билимсиз кюнюнг – джокъ.
- Байны оноуу, джарлыгъа джарамаз.
- Телиге акъыл салгъандан эсе, ёлгеннге джан салырса.
- Туз, гырджын аша, тюзлюк бла джаша.
- Ишлегенден, къарагъан уста.
- Эки итни арасына сюек атма, эки адамны арасында сёз чыгъарма.
- Ёлюк кебинсиз къалмаз.
- Кёрмегеннге кебек – танг, битмегеннге сакъал – танг.
- Сабий болмагъан джерде, мёлек болмаз.
- Тюз сёз баргъан сууну тыяр.
- Къанны къан бла джуума, аманны аман бла къуума.
- Игиге айтсанг – билир, аманнга айтсанг – кюлюр.
- Ач да бол, токъ да бол – намысынга бек бол.
- Мухардан ач ычхынмаз.
- Ишлемеген – тишлемез.
- Ашхы болсанг, атынг чыгъар, аман болсанг, джанынг чыгъар.
- Бал чибинни ургъаны – ачы, балы – татлы.
- Aдам боллукъ, сыфатындан белгили.
- Агъач халкъгъа алтынды, иссиликге салкъынды.
- Ишлерге уял да, ашаргъа табма.
- Ата джурт – алтын бешик.
- Рысхы – насыбха къор.
- Адам боллукъ, атламындан белгили болур.
- Адамны аманы адамны бети бла ойнар.
- Чакъырылгъанны аты, чакъырылмагъанны багъасы болур.
- Тешик этген тынчды, аны джамагъан къыйынды.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ашыкъгъанны этеги бутуна чырмалыр.
- Сакъ юйюне сау барыр.
- Ач отунчуну ачыуу – бурнунда.
- Эркишини аманы тиширыуну джылатыр.
- Байма, деб да, къууанма, джарлыма, деб да, джылама.
- Окъ къызбайны джокълайды.
- Акъыллы айтыр эди, акъылсыз къоймайды.
- Атлыны ашхысы, ат тизгининден билинир
- Терек ауса, отунчу – кёб.
- Тили узунну, намысы – къысха.
- Къызбайны юйюне дери сюрсенг, батыр болур.
- Иги – алгъыш этер, аман – къаргъыш этер.
- Булут кёкге джарашыу, уят бетге джарашыу.
- Уясында не кёрсе, учханында аны этер.
- Тойгъа барсанг, тоюб бар, эски тонунгу къоюб бар.
- Мал ёлсе, сюек къалыр, адам ёлсе, иши къалыр.
- Джахил болса анасы, не билликди баласы?
- Хар ишни да аллы къыйынды.
- Аджашханны ызындагъы кёреди, джангылгъанны джанындагъы биледи.
Ошибка!
Для просмотра темы введите ваши логин и пароль.Пожалуйста, авторизуйтесь: