- Тас болгъан бычакъны сабы – алтын.
- Ата Джуртуму башы болмасам да, босагъасында ташы болайым.
- Илму – джашауну джолу.
- Эллинг бла джау болсанг да, юйюнг бла джау болма.
- Берекет берсин деген джерде, берекет болур.
- Экиндини кеч къылсанг, чабыб джетер ашхам.
- Чакъырылмагъан къонакъ тёрге атламаз.
- Чыкълы кюнде чыкъмагъан, чыкъса къуру кирмеген.
- Билген билмегенни юретген адетди.
- Алим болгъандан эсе, адам болгъан къыйынды.
- Кийимни бир кюнню аясанг, минг кюннге джарар.
- Кёл – къызбай, къол – батыр.
- Ата – баланы уясы.
- Аш иеси бла татлыды.
- Сютден ауузу кюйген, суугъа юфгюре эди.
- Айныгъанлы алты кюн, тогъайгъанлы тогъуз кюн.
- Чарсда алчыны эл кёреди.
- Минг тенг да азды, бир джау да кёбдю.
- Къаллай салам берсенг, аллай джууаб алырса.
- Келлик заман – къартлыкъ келтирир, кетген заман – джашлыкъ ёлтюрюр.
- Юйюнгден чыкъдынг – кюнюнгден чыкъдынг.
- Тиширыусуз юй – отсуз от джагъа.
- Байны къызы баймакъ болса да, юйде къалмаз!
- Акъылсызны джууукъгъа алма, акъыллыны кенгнге салма.
- Орундукъ тюбюнде атылсам да, орта джиликме, де да айлан.
- Джыйырма къойну юч джыйырма эбзе кюте эди.
- Азыгъы аз, алгъа къабар, аты аман, алгъа чабар.
- Ётюрюкню башын керти кесер.
- Арпа, будай – ащды, алтын, кюмюш а – ташды.
- Тил джюрекге джол ишлейди.
- Чабакъсыз кёлге къармакъ салгъанлыкъгъа, чабакъ тутмазса.
- Байдан умут эте, джарлыдан ёгюз багъасы къорады.
- Керек ташны ауурлугъу джокъ.
- Джангызны оту джарыкъ джанмаз!
- Бетинги сатма, малынгы сат.
- Башда акъыл болмаса, эки аякъгъа кюч джетер.
- Аман къатын алгъан, арыр, иги къатын алгъан джарыр.
- Къарны аманнга къазан такъдырма, къолу аманнга от джакъдырма.
- Сескекли кесин билдирир.
- Келинин тута билмеген, къул этер, къызын тута билмеген, тул этер.
- Сёз – кюмюш, джыр – алтын.
- Джырчы ёлсе, джыры къалыр.
- Айырылмаз джууугъунга, унутмаз сёзню айтма.
- Ишлемеген – тишлемез.
- Джылыгъа джылан илешир.
- Чакъырылмай келген къонакъ сыйланмай кетер.
- Джумушакъ терекни къурт ашар.
- Иги джашны ышаны – аз сёлешиб, кёб тынгылар.
- Аууз сакълагъан – джан сакълар.
- Ётюрюкню къуйругъу – бир тутум.
Ошибка!
Для просмотра темы введите ваши логин и пароль.Пожалуйста, авторизуйтесь: