- Джырчы джырчыгъа – къарнаш.
- Аман къатын алгъан, арыр, иги къатын алгъан джарыр.
- Эр абынмай, эл танымаз.
- Бал – татлы, балдан да бала – татлы.
- Аджал соруб келмез, келсе, къайтыб кетмез.
- Ауругъаннга – кийик саулукъ, джетген къызгъа – чилле джаулукъ.
- Кёзю сокъурдан – къоркъма, кёлю сокъурдан – къоркъ.
- Уллу сёзде уят джокъ.
- Джырына кёре эжиую.
- Ишин билген, аны сыйын чыгъарады.
- Эски джаугъа ышанма.
- Урама да – ёледи, сатама да – келеди.
- Эркиши – от, тиширыу – суу.
- Адам къаллай бир ишленмесе, аллай бир кесин уллу кёреди.
- Чабакъ башындан чирийди.
- Чомарт джарлы болмаз.
- Аш берме да, къаш бер.
- Къонакъ болсанг, ийнакъ бол.
- Акъылсызны джууукъгъа алма, акъыллыны кенгнге салма.
- Кёрмегеннге кебек – танг, битмегеннге сакъал – танг.
- Хазыр ашха – терен къашыкъ.
- Аман адам элни бир-бирине джау этер.
- Ышармагъан – кюлмез, кюлмеген – къууанчны билмез.
- Тойгъанлыкъ къойгъа джарашады.
- Аманны эки битли тону болур, бирин сеннге кийдирир, бирин кеси киер.
- Сескекли кесин билдирир.
- Билимден уллу байлыкъ джокъду.
- Келгинчи, къонакъ уялыр, келгенден сора, къонакъбай уялыр.
- Борчунг бар эсе, хурджунунга ойлаб узал.
- Къартны сыйын кёрмеген, къартлыгъында сыйлы болмаз.
- Ариу сёз – къылычдан джити.
- Къарны аманнга къазан такъдырма, къолу аманнга от джакъдырма.
- Биреуге кёлтюрген таягъынг, кесинги башынга урур.
- Къыйынлы джети элге оноу этер.
- Киштикге къанат битсе, чыпчыкъ къалмаз эди.
- Тюзлюк шохлукъну бегитир.
- Битмегеннге сакъал – танг.
- Дуния аламаты сен эсенг да, игиме деб айтма.
- Ашына кёре табагъы, балына кёре къалагъы.
- Ата – баланы уясы.
- Аш хазыр болса, иш харам болур.
- Соргъан айыб тюлдю, билмеген айыбды.
- Тёгюлген тюгел джыйылмайды.
- Дууулдаса – бал чибин, къонса – къара чибин.
- Къобан да къуру да къобханлай турмайды, адам да къуру да патчахлай турмайды.
- Билмезни кёзю кёрмез, этмезни къулагъы эшитмез.
- Иги бла джюрюсенг, джетерсе муратынга, аман бла джюрюсенг, къалырса уятха.
- Таукел адам тау тешер.
- Кесине оноу эте билмеген, халкъына да эте билмез.
- Башланнган иш битер, къымылдагъан тиш тюшер.
Ошибка!
Для просмотра темы введите ваши логин и пароль.Пожалуйста, авторизуйтесь: