- Къартны сыйын кёрмеген, къартлыгъында сыйлы болмаз.
- Битмегеннге сакъал – танг.
- Ашаса, ашамаса да, бёрюню ауузу – къан.
- Уруну арты – къуру.
- Сёз къанатсыз учар.
- Кёб джат да, бек чаб.
- Биреуге аманлыкъны тилеме да, кесинге ашхылыкъны тиле.
- Къуру гыбыт бек дыгъырдар.
- Къонакъ кёб келюучю юйню, къазаны отдан тюшмез.
- Рысхы джалгъанды: келген да этер, кетген да этер.
- Биреу къой излей, биреу той излей.
- Аякъларынгы джууургъанынга кёре узат.
- Зар адам ашынгы ашар, кесинги сатар.
- Уллу сёлешме да, уллу къаб.
- Ашда уялгъан – мухар, ишде уялгъан – хомух.
- Шекер бла туз – бир болмаз, ушамагъан – юй болмаз.
- Бёрю да ач къалмасын, эчки да ашалмасын.
- Эркишини аманы тиширыуну джылатыр.
- Эл бла кёргенинг эрелей.
- Билим ат болуб да чабар, къуш болуб да учар.
- Юйюнг бла джау болгъандан эсе, элинг бла джау бол.
- Ашхы атаны – джашы ашхы, ашхы ананы – къызы ашхы.
- «Ёгюз, джаргъа джууукъ барма, меннге джюк боллукъса», - дегенди эшек.
- Онгсузну – джакъла, тенгликни – сакъла.
- Къонакъ болсанг, ийнакъ бол.
- Халкъгъа джарагъан, джарлы къалмаз.
- Сютню башын джалагъан къутулур, тюбюн ичген тутулур.
- Адамны артындан къара сабан сюрме.
- Тыш элде солтан болгъандан эсе, кесинги элде олтан болгъан игиди!
- Ёлген аслан – сау чычхан.
- Хунаны тюбюн къазсанг, юсюнге ауар.
- Уллу атлама – абынырса, уллу къабма – къарылырса.
- Къралынгы – душмандан, башынгы от бла суудан сакъла.
- Тешигини къатында, чычхан да батыр болур.
- Къатын байлыкъны сюер, эр саулукъну сюер.
- Къонакъ аман болса, къонакъбай джунчур
- Къарыусузгъа кюлме, онгсузгъа тийме.
- Джарлыны эшигин махтагъан джабар.
- Иги сеники эсе да, сюйген кесимикин этеме.
- Акъыллы башны – тили къысха.
- Тойгъа алгъа да барма, тойда артха да къалма.
- Ёгюзню мюйюзюнден тутадыла, адамны сёзюнден тутадыла.
- Къызгъанчдан ычхыныр, мухардан ычхынмаз.
- Адам сёзге тынгыла, акъыл сёзню ангыла.
- Чёбню кёлтюрсенг, тюбюнден сёз чыгъар.
- Иги – алгъыш этер, аман – къаргъыш этер.
- Ариу – кёзге, акъыл – джюрекге.
- Къазанчы аман болса, къазаны къайнамаз.
- Ишленмеклик адамлыкъды.
- Суугъа – чабакъ, къаягъа – ыргъакъ.
Ошибка!
Для просмотра темы введите ваши логин и пароль.Пожалуйста, авторизуйтесь: