- Къызын тута билмеген, тул этер, джашын тута билмеген, къул этер.
- Ётюрюк хапар аякъ тюбю бла джюрюйдю.
- Ата Джуртча джер болмаз, туугъан элча эл болмаз.
- Тилсиз миллет джокъ болур.
- Чомартха Тейри да борчлуду.
- Сакъламагъан затынга джолукъсанг, не бек къууанаса, не бек ачыйса.
- Ашаса, ашамаса да, бёрюню ауузу – къан.
- Аманны эки битли тону болур, бирин сеннге кийдирир, бирин кеси киер.
- Акъыллы башны – тили къысха.
- Джумушакъ сёз къаты таякъны сындырыр.
- Айныгъанлы алты кюн, тогъайгъанлы тогъуз кюн.
- Ач къарынны, токъ билмез
- Алтыннга тот къонмаз.
- Экеулен сёлеше тура эселе, орталарына барыб кирме.
- Этек чакъмакълары баш джаргъан, сёлешген сёзлери таш джаргъан.
- Къазанчы аман болса, къазаны къайнамаз.
- Ишни аллы бла къууанма да, арты бла къууан.
- Адамгъа аман кюн соруб келмейди.
- Ариу сёзде ауруу джокъ.
- Таукел тауну аудурур.
- Тил – кесген бычакъ, сёз – атылгъан окъ.
- Ариу джол аджал келтирмез.
- Къулакъдан эсе, кёзге ышан.
- Ауузу аманнга «иги», деме.
- Ханы къызы буюгъа-буюгъа киштик болду.
- Иги болса, тамадама – махтау, аман болса, меннге – айыб.
- Чабакъгъа акъыл, табагъа тюшсе келеди.
- Эллинг бла джау болсанг да, юйюнг бла джау болма.
- Къууут – джелге, берне – бошха.
- Тойгъандан сора, ашны сёкме.
- Ишлерге уял да, ашаргъа табма.
- Татлы сёз – балдан татлы.
- Тёзгеннге, джабылгъан эшик ачылыр.
- Азыгъы аз, алгъа къабар, аты аман, алгъа чабар.
- Арбаз сайлама да, хоншу сайла.
- Дуния аламаты сен эсенг да, игиме деб айтма.
- Тойгъан антын унутур.
- Эл элде бирер малынг болгъандан эсе, бирер тенгинг болсун.
- Ач келгенни – тойдур, кеч келгенни – къондур.
- Айраннга суу къош, телиге джол бош.
- Орну джокъну – сыйы джокъ.
- Джюрекден джюрекге джол барды.
- Мураты болгъанны джюрек тебюую башхады.
- Къонакъ аз олтурур, кёб сынар.
- Эри аманны, къатыны – аман.
- Кёз – сюйген джерде, къол – ауругъан джерде.
- Ишленмеклик адамлыкъды.
- Эр сокъур болсун, къатын тилсиз болсун.
- Аман къатын алгъан, арыр, иги къатын алгъан джарыр.
- Чёбню кёлтюрсенг, тюбюнден сёз чыгъар.
Ошибка!
Для просмотра темы введите ваши логин и пароль.Пожалуйста, авторизуйтесь: