- Танг атмайма десе да, кюн къоярыкъ тюйюлдю.
- Ишге юренсин къоллары, халкъ бла болсун джоллары.
- Къалгъан ишге къар джауар.
- Ким бла джюрюсенг, аны кёзю бла кёрюнюрсе.
- Джаш къарыу бла кючлю, къарт акъыл бла кючлю.
- Эркишиге тары кебек танг кёрюнюр.
- Байма, деб да, къууанма, джарлыма, деб да, джылама.
- Босагъагъа джууукъ орун болса, ашыгъыб тёрге озма.
- Тамырсыз терекге таянма – джыгъылырса.
- Эркиши – от, тиширыу – суу.
- Эркишини аманы тиширыуну джылатыр.
- Тили узунну, намысы – къысха.
- Онгсузну – джакъла, тенгликни – сакъла.
- «Ма», - дегенни билмесенг, «бер», - дегенни билмезсе.
- Къатыны харакетли болса, эри къымсыз болур.
- Хар зат кесини орнуна иги.
- Аз айтсам, кёб ангылагъыз.
- Тил – кесген бычакъ, сёз – атылгъан окъ.
- Зар адамны насыбы болмаз.
- Тешигини къатында, чычхан да батыр болур.
- Кёб къычыргъандан – къоркъма, тынч олтургъандан – къоркъ.
- Ишлегенде эринме, ишде чолакъ кёрюнме.
- Акъыл неден да кючлюдю.
- Дженгил джетерикме деб, узун джолну къоюб, къысхасын барма.
- Термилгенинги табмазса, кюлгенинге тюберсе.
- Сормай – алма, чакъырылмай – барма.
- Ана кёлю – балада, бала кёлю – талада.
- Ёлген аслан – сау чычхан.
- Уруну арты – къуру.
- Джарлыны эшигин махтагъан джабар.
- Эки элинги тыйсанг, джети элде махталырса.
- Башда акъыл болмаса, эки аякъгъа кюч джетер.
- Кеси юйюмде мен да ханма.
- Хаухну атма, ёнгкючню сатма.
- Эрни эр этерик да, къара джер этерик да, тиширыуду.
- Аз сёлеш, кёб ишле.
- Сабийни джумушха джибер да, ызындан бар.
- Тойгъан джерге джети къайт.
- Келинин тута билмеген, къул этер, къызын тута билмеген, тул этер.
- Дуния мал дунияда къалады.
- Чабар ат – джетген къыз.
- Рысхысына кёре, джаш ёсер, къышлыгъына кёре, мал ёсер.
- От этилмеген джерден тютюн чыкъмайды.
- Къоркъакъны кёзю экили кёрюр.
- Къызны минг тилер, бир алыр.
- Тойчу джашха къарама, къойчу джашха къара.
- Ариу сёз джыланны орнундан чыгъарыр.
- Магъанасыз сёз – тауушсуз сыбызгъы.
- Адамны адамлыгъы къыйынлыкъда айгъакъланады.
- Ашатыргъа иш – ашхы, ишлетирге аш – ашхы.
Ошибка!
Для просмотра темы введите ваши логин и пароль.Пожалуйста, авторизуйтесь: