- Ачыкъ джюрекге джол – ачыкъ.
- Кимни – тили, тиши онглу, кимни – къолу, иши онглу.
- Ата джурт – алтын бешик.
- Уллу атлама – абынырса, уллу къабма – къарылырса.
- Тилчиден кери бол.
- Тил – миллетни джаны.
- Ач келгенни – тойдур, кеч келгенни – къондур.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Хатерли къул болур.
- Ач къарынны, токъ билмез
- Айырылмаз джууугъунга, унутмаз сёзню айтма.
- Джашны джигитлиги сорулур, къызны джигерлиги сорулур.
- Джангыз торгъай джырламаз.
- Халкъгъа джарагъан, джарлы къалмаз.
- Окъумагъан сокъурду, сокъур ташха абыныр!
- Сёлеш деб шай берген, тохта деб, сом берген.
- Тилчи бир сагъатха айлыкъ хата этер.
- Бал – татлы, балдан да бала – татлы.
- Аман адам этегингден тутса, кес да къач.
- Адамны адамлыгъы къыйынлыкъда айгъакъланады.
- Айранны сюйген, ийнек тутар.
- Аш иеси бла татлыды.
- Къазанда болса, чолпугъа чыгъар.
- Чомартны къолун джокълукъ байлар.
- Къазанчы аман болса, къазаны къайнамаз.
- Уллу айтханны этмеген – уллаймаз.
- Тик ёргени, тик энгишгеси да болады.
- Элни кючю – эмеген.
- Ишни ахырын ойламай, аллын башлама.
- Ишин билген, аны сыйын чыгъарады.
- Байлыкъ келсе, акъыл кетер.
- Тойчу джашха къарама, къойчу джашха къара.
- Ариу – кёзге, акъыл – джюрекге.
- Таукелге нюр джауар.
- Къызын тута билмеген, тул этер, джашын тута билмеген, къул этер.
- Джарашыу сюйген – джалынчакъ.
- Тынгылагъан тынгы бузар.
- Ауузу аманнга «иги», деме.
- Ишленмеклик адамлыкъды.
- Ана къойну – балагъа джандет.
- Джан саулукъ бермей, сан саулукъ бермезсе.
- Узун джолну барсанг, бюгюн келирсе, къысха джолну барсанг, тамбла келирсе.
- Таукел адам тау тешер.
- Халкъны джырын джырласанг, халкъ санга эжиу этер.
- Келгинчи, къонакъ уялыр, келгенден сора, къонакъбай уялыр.
- Илму – джашауну джолу.
- Аман хансны – урлугъу кёб.
- Адамны артындан къара сабан сюрме.
- Айраннга суу къош, телиге джол бош.
- Чомартха Тейри да борчлуду.
Ошибка!
Для просмотра темы введите ваши логин и пароль.Пожалуйста, авторизуйтесь: