- Таула не мийик болсала да, аууш табылыр.
- Ана – юйню кюн джарыгъы.
- Аджашханны ызындагъы кёреди, джангылгъанны джанындагъы биледи.
- Кийимни бичсенг, кенг бич, тар этген къыйын тюлдю.
- Ишин билген, аны сыйын чыгъарады.
- Эринчекге кюн узун.
- Тойгъан антын унутур.
- Къыз келсе, джумуш эте келеди, къатын келсе, ушакъ эте келеди.
- Ариу – кёзге, акъыл – джюрекге.
- Кёкдеги болмаса, джердегин кёрмейди.
- Акъыллы айтыр эди, акъылсыз къоймайды.
- Баш болса, бёрк табылыр.
- Олтуруб кёрюнмей эди да, ёрге туруб кёрюне эди.
- Ачыкъ джюрекге джол – ачыкъ.
- Джаралыны джастыгъында сау ёлюр.
- Тёрде – темир таякълы, къаяда – чыпчыкъ аякълы.
- Ач да бол, токъ да бол – намысынга бек бол.
- Ашыкъгъанны этеги бутуна чырмалыр.
- Тас болгъан бычакъны сабы – алтын.
- Оюмсуз атлагъан, аджалсыз ёлюр.
- Онгсузну – джакъла, тенгликни – сакъла.
- Байлыкъдан саулукъ ашхыды.
- Тил джюрекге джол ишлейди.
- Суугъа – таянма, джаугъа – ийнанма.
- Ишлегенде эринме, ишде чолакъ кёрюнме.
- Игилик игилик бла сингдирилиучю затды.
- Къайтырыкъ эшигинги, къаты уруб чыкъма.
- Ёлмесенг да, къарт дамы болмазса?
- Берекет берсин деген джерде, берекет болур.
- Айырылмаз джууугъунга, унутмаз сёзню айтма.
- Ариу сёз – джаннга азыкъ, аман сёз – башха къазыкъ.
- Окъугъан – асыу, окъумагъан – джарсыу.
- Чакъырылгъанны аты, чакъырылмагъанны багъасы болур.
- Алтыда кюлмеген, алтмышда кюлмез.
- Джарлы джети элни сёзюн этер.
- Тёрени джагъы джокъ.
- Къартны сыйын кёрмеген, къартлыгъында сыйлы болмаз.
- Гыдай эчки суугъа къараб, мюйюзле кёрмесе, джашма алкъын, дегенди.
- Ачылгъан эт джабылыр, кёрген кёз унутмаз.
- Зарда марда джокъ.
- Къая джолда джортма, ачыкъ сёзден къоркъма.
- Иги – алгъыш этер, аман – къаргъыш этер.
- Байлыкъ болгъан джерде, тынчлыкъ джокъду.
- Кёб ант этген, кёб ётюрюк айтыр.
- Гырджын – тепсини тамадасы.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Келинин тута билмеген, къул этер, къызын тута билмеген, тул этер.
- Аш кетер да бет къалыр.
- Къатын къылыкъсыз, эр тынчлыкъсыз.
- Къонакъны къачан кетерин сорма, къачан келлигин сор.
Ошибка!
Для просмотра темы введите ваши логин и пароль.Пожалуйста, авторизуйтесь: