- Харам къарнашдан, халал тенг ашхы.
- Эте билген, этген этеди, эте билмеген, юретген этеди!
- Игини сыйлагъан адетди.
- Байны оноуу, джарлыгъа джарамаз.
- Махтаннган къыз, тойда джукълар.
- Ариу джол аджал келтирмез.
- Адамны джюреги нени кёрюрге сюйсе, кёзю да аны кёрюрге ёч болады.
- Тойгъан джерден туугъан джер игиди.
- Биреу ашаб къутулур, биреу джалаб тутулур.
- Рысхы – насыбха къор.
- Атадан ёксюз – бир ёксюз, анадан ёксюз – эки ёксюз.
- Ач отунчуну ачыуу – бурнунда.
- Джолда аягъынга сакъ бол, ушакъда тилинге сакъ бол.
- Ариуну – ауруу кёб.
- Терслик кетер, тюзлюк джетер.
- Агъач – джерни чырайы, кийим – эрни чырайы.
- Чыбыкълыкъда бюгюлмеген, къазыкълыкъда бюгюлмей эди.
- Къумурсхала джыйылсала, пилни да джыгъадыла.
- Булут кёкге джарашыу, уят бетге джарашыу.
- Иги болса, тамадама – махтау, аман болса, меннге – айыб.
- Сабыр джетер муратха, сабырсыз къалыр уятха.
- Джыгъылгъанны сырты джерден тоймаз.
- Баш – акъыл ючюн, акъылман – халкъ ючюн.
- Ата – баланы уясы.
- Тюзлюк шохлукъну бегитир.
- Таукел адам тау тешер.
- Джиби бир къат джетмей эди да, эки къат тарта эди.
- Насыб бютеу халкъны юлюшюдю.
- Ашхылыкъ джерде джатмайды, аманлыкъ суугъа батмайды.
- Сёз сёзню айтдырыр.
- Хазыр ашха – терен къашыкъ.
- Акъыл сабырлыкъ берир.
- Адамны бетине къарама, адетине къара.
- Аман адам элни бир-бирине джау этер.
- Къарны аманнга къазан такъдырма, къолу аманнга от джакъдырма.
- Аман киши кеси юйюнде – къонакъ.
- Эм уллу байлыкъ – джан саулукъ.
- Бети къызарыучу адамны, джюреги харам болмаз.
- Тилсиз миллет джокъ болур.
- Садакъачыны джаны – къапчыгъында.
- Джангыз терек къынгыр ёсер.
- Хансыз джомакъ болмаз.
- Ариу сёз джыланны орнундан чыгъарыр.
- Бастасын ашагъан, хантусун да ичер.
- Кёб ант этген, кёб ётюрюк айтыр.
- Кесине гебен этелмеген, биреуге черен эте эди.
- Ёнгкюч къууана барыр, джылай келир.
- Джарлыны эшигин махтагъан джабар.
- Эллинг бла джау болсанг да, юйюнг бла джау болма.
- Тойну къарнашы – харс, джырны къарнашы – эжиу.
Ошибка!
Для просмотра темы введите ваши логин и пароль.Пожалуйста, авторизуйтесь: