- Айранын берсенг, челегин да къызгъанма.
- Ач келгенни – тойдур, кеч келгенни – къондур.
- Таугъа чыгъаллыкъ эсенг, тюзде къалма.
- Эл элде бирер малынг болгъандан эсе, бирер тенгинг болсун.
- Эки элинги тыйсанг, джети элде махталырса.
- Джашны джигитлиги сорулур, къызны джигерлиги сорулур.
- Биреуге аманлыкъны тилеме да, кесинге ашхылыкъны тиле.
- Аз айтсам, кёб ангылагъыз.
- Телиге от эт десенг, юйюнге от салыр.
- Къазанчы аман болса, къазаны къайнамаз.
- Байны оноуу, джарлыгъа джарамаз.
- Аман эсирсе, юйюн ояр.
- Керек ташны ауурлугъу джокъ.
- Къонакъ болсанг, ийнакъ бол.
- Чыбыкълыкъда бюгюлмеген, къазыкълыкъда бюгюлмей эди.
- Къууут – джелге, берне – бошха.
- Къыз чыгъаргъан – къызыл къымжа.
- Адамны адамлыгъы къыйынлыкъда айгъакъланады.
- Ашхы атаны – джашы ашхы, ашхы ананы – къызы ашхы.
- Тин – байлыгъынг, терен саулугъунг.
- Адам къыйынлыгъын кёлтюрюр, зауукълугъун кёлтюрмез.
- Къолунгдан къуймакъ ашатсанг да, атаны борчундан къутулмазса.
- Джюз элде джюз ёгюзюм болгъандан эсе, джюз джууугъум болсун.
- Тыш элде солтан болгъандан эсе, кесинги элде олтан болгъан игиди!
- Тюзлюк шохлукъну бегитир.
- Тойгъандан сора, ашны сёкме.
- Къая джолда джортма, ачыкъ сёзден къоркъма.
- Кесинге джетмегенни, кёб сёлешме.
- Келлик заман – къартлыкъ келтирир, кетген заман – джашлыкъ ёлтюрюр.
- Мал кёб болса, джууукъ кёб болур.
- Хоншуну тауугъу къаз кёрюнюр, келини къыз кёрюнюр.
- Терслик кетер, тюзлюк джетер.
- Ачыу алгъа келсе, акъыл артха къалады.
- Къоркъакъны кёзю экили кёрюр.
- Кечеси – аяз, кюню – къыш, джарлы къаргъагъа бир аш тюш!
- Биреуню эскиси биреуге джангы болмайды.
- Джаханимни кёрмей, джандетге кёл салмазса.
- Артына баргъанны, къатына барма.
- Атадан ёксюз – бир ёксюз, анадан ёксюз – эки ёксюз.
- Ишленмеген джаш – джюгенсиз ат, ишленмеген къыз – тузсуз хант.
- Ата Джуртча джер болмаз, туугъан элча эл болмаз.
- Акъыллы башны – тили къысха.
- Ана къойну – балагъа джандет.
- Экиндини кеч къылсанг, чабыб джетер ашхам.
- Сакъ юйюне сау барыр.
- Башы ишлегенни, ауузу да ишлер.
- Чомарт бергенин айтмаз.
- Билген билмегенни юретген адетди.
- Ёксюзню тилеги къабыл болур.
- Кёбден умут этиб, аздан къуру къалма.
Ошибка!
Для просмотра темы введите ваши логин и пароль.Пожалуйста, авторизуйтесь: