- Адамгъа аман кюн соруб келмейди.
- Сабий болмагъан джерде, мёлек болмаз.
- Огъурлуну сёзю – суу, огъурсузну сёзю – уу.
- Кийим тукъум сордурур.
- Къарны аманнга къазан такъдырма, къолу аманнга от джакъдырма.
- Юйюнг бла джау болгъандан эсе, элинг бла джау бол.
- Тилчиден кери бол.
- Джаханимни кёрмей, джандетге кёл салмазса.
- Акъыллы айтыр эди, акъылсыз къоймайды.
- Джарлы эскисин джамаса, къууаныр.
- Иги сеники эсе да, сюйген кесимикин этеме.
- Эринчекни эр алмаз, эр алса да, кёл салмаз, кёл салса да, кёб бармаз!
- Этек чакъмакълары баш джаргъан, сёлешген сёзлери таш джаргъан.
- Шайтан алдады, тюзлюк къаргъады.
- Урунуу – насыбны анасы.
- Арбаз къынгырды да, ийнек сауалмайма.
- Сормай – алма, чакъырылмай – барма.
- Къуллукъчума, деб махтанма, къуллукъ – хаух джамчыды!
- Харам къарнашдан, халал тенг ашхы.
- Аман хансны – урлугъу кёб.
- Бети бедерден, намыс сакълама.
- Алтыннга тот къонмаз.
- Джиби бир къат джетмей эди да, эки къат тарта эди.
- Башланнган иш битер, къымылдагъан тиш тюшер.
- Иги адамны бир сёзю эки болмаз.
- Чабар ат – джетген къыз.
- Ёнгкюч къууана барыр, джылай келир.
- Мухарны эси – ашарыкъда.
- Акъыл сабырлыкъ берир.
- Джаш къарыу бла кючлю, къарт акъыл бла кючлю.
- Окъугъан озар, окъумагъан тозар.
- Джауумдан сора, кюн кюйдюрюр, ётюрюкден сора, айыб кюйдюрюр.
- Уллу сёлешме да, уллу къаб.
- Айтханы чапыракъдан ётмеген.
- Джумушакъ сёз къаты таякъны сындырыр.
- Ичимден чыкъды хата, къайры барайым сата?
- Кёзю сокъурдан – къоркъма, кёлю сокъурдан – къоркъ.
- Болджал ишни бёрю ашар.
- Хоншуну тауугъу къаз кёрюнюр, келини къыз кёрюнюр.
- Тамырсыз терекге таянма – джыгъылырса.
- Аман адам этегингден тутса, кес да къач.
- Къарт айтханны этмеген, къартаймаз.
- Сабий кёргенин унутмаз.
- Баланы адам этген анады.
- Ашыкъгъанны этеги бутуна чырмалыр.
- Окъ къызбайны джокълайды.
- Эри аманны, къатыны – аман.
- Насыблы элин сюер, насыбсыз кесин сюер.
- Къайгъыны сюйген, къайгъы табар.
- Гугурук къычырмаса да, тангны атары къалмаз.
Ошибка!
Для просмотра темы введите ваши логин и пароль.Пожалуйста, авторизуйтесь: