- Ач къарным, тынч къулагъым.
- Эм ашхы къайын ана мамукъ бла башынгы тешер.
- Айраннга суу къош, телиге джол бош.
- Кийим тукъум сордурур.
- Джети тилни билген джети кишиди.
- Эл тойса, тоймагъан, эл къойса, къоймагъан.
- Джылар джаш, атасыны сакъалы бла ойнар.
- Ачлыкъда тары гырджын халыуадан татлы.
- Дуния малгъа сатылма, кесингден телиге къатылма.
- Аджашхан тёгерек айланыр.
- Аман адамны тепсинге олтуртсанг, къызынгы тилер.
- Билгенни къолу къарны джандырыр.
- Мадар болса, къадар болур.
- Ышармагъан – кюлмез, кюлмеген – къууанчны билмез.
- Адамны джюреги нени кёрюрге сюйсе, кёзю да аны кёрюрге ёч болады.
- Сакъалы текени да бар, мыйыгъы киштикни да бар.
- Ёксюзню тилеги къабыл болур.
- Бетинги сатма, малынгы сат.
- Эринчекни аурууу – кёб.
- Билим – акъылны чырагъы.
- Эл элде бирер малынг болгъандан эсе, бирер тенгинг болсун.
- Хансыз джомакъ болмаз.
- Эки къатын алгъан – эки ташны ортасына башын салгъан.
- Иги бла джюрюсенг, джетерсе муратынга, аман бла джюрюсенг, къалырса уятха.
- Акъыллы айтыр эди, акъылсыз къоймайды.
- Башланнган иш битер, къымылдагъан тиш тюшер.
- Ишге юренсин къоллары, халкъ бла болсун джоллары.
- Ашхы сёз таш тешер.
- Сангырау къулакъ эл бузар.
- Билмейме деген – бир сёз
- Аджал соруб келмез, келсе, къайтыб кетмез.
- Намыс болмагъан джерде, насыб болмаз.
- Ашатыргъа иш – ашхы, ишлетирге аш – ашхы.
- Къарны аманнга къазан такъдырма, къолу аманнга от джакъдырма.
- Шекер бла туз – бир болмаз, ушамагъан – юй болмаз.
- Кёл – къызбай, къол – батыр.
- Этни бети бла шорпасы.
- Джарлы джети элни сёзюн этер.
- Абынмазлыкъ аякъ джокъ, джангылмазлыкъ джаякъ джокъ.
- Тюзлюк тас болмайды.
- Кёбден умут этиб, аздан къуру къалма.
- Ханнга да келеди хариблик.
- Кёбге таш атма.
- Ишлегенден, къарагъан уста.
- Алтыда кюлмеген, алтмышда кюлмез.
- Акъыл бла адеб эгизледиле.
- Байлыкъ тауусулур, билим тауусулмаз.
- Тил – миллетни джаны.
- Окъуу – билимни ачхычы, окъуу – дунияны бачхычы.
- Ким бла джюрюсенг, аны кёзю бла кёрюнюрсе.
Ошибка!
Для просмотра темы введите ваши логин и пароль.Пожалуйста, авторизуйтесь: