- Окъугъанны бети джарыкъ.
- Кёз – сюйген джерде, къол – ауругъан джерде.
- Тил бла келеди джыр да.
- Бойнуму джети джерден кессенг да, мен ол ишни этеллик тюлме.
- Гугук кесини атын айтыб къычыргъанча, мен, мен деб нек тураса?
- Джыланны къуйругъундан басарынг келсе, аны башы болгъанын унутма.
- Сагъышы джокъ – джукъучу, акъылы джокъ – къаугъачы.
- Ауругъаннга – кийик саулукъ, джетген къызгъа – чилле джаулукъ.
- Айранын берсенг, челегин да къызгъанма.
- Байны оноуу, джарлыгъа джарамаз.
- Билмегенинги, билгеннге сор.
- Хата – гитчеден.
- Азыкъ аз болса, эртде орун сал.
- Иги сёз – джаннга азыкъ, аман сёз башха – къазыкъ.
- Кесинге джетмегенни, кёб сёлешме.
- Къууут – джелге, берне – бошха.
- Келлик заман – къартлыкъ келтирир, кетген заман – джашлыкъ ёлтюрюр.
- Аман адамны тепсинге олтуртсанг, къызынгы тилер.
- Адам туугъан джеринде, ит тойгъан джеринде.
- Накъырданы арты керти болур.
- Ач къалгъандан, кеч къалгъан къолай.
- Ашхы болсанг, атынг чыгъар, аман болсанг, джанынг чыгъар.
- Айтылгъан буйрукъ, сёгюлмез
- Эрине къаргъыш этген къатын, эрнин къабар.
- Тойгъандан сора, ашны сёкме.
- Къыз келсе, джумуш эте келеди, къатын келсе, ушакъ эте келеди.
- Рысхы – насыбха къор.
- Аманнга игилик этсенг, юйюнге сау бармазса.
- Биреуге аманлыкъ этиб, кесинге игилик табмазса.
- Ариу сёз – джаннга азыкъ, аман сёз – башха къазыкъ.
- Къыйынлы джети элге оноу этер.
- Зар адам ашынгы ашар, кесинги сатар.
- Тюзлюк тас болмайды.
- Бюгюн дуния кибик, тамбла ахыратды.
- Хансыз джомакъ болмаз.
- Зарда марда джокъ.
- Ачыу алгъа келсе, акъыл артха къалады.
- Ариуну – ауруу кёб.
- Джахил болса анасы, не билликди баласы?
- Тилчи бир сагъатха айлыкъ хата этер.
- Ишлегенде эринме, ишде чолакъ кёрюнме.
- Садакъачыны джаны – къапчыгъында.
- «Ма», - дегенни билмесенг, «бер», - дегенни билмезсе.
- Чакъырылмай келген къонакъ сыйланмай кетер.
- Кёл – къызбай, къол – батыр.
- Таугъа чыгъаллыкъ эсенг, тюзде къалма.
- Биреуню тёрюнден, кесинги эшик артынг игиди.
- Баш болса, бёрк табылыр.
- Тай асырагъан, атха минер.
- Тёзгеннге, джабылгъан эшик ачылыр.
Ошибка!
Для просмотра темы введите ваши логин и пароль.Пожалуйста, авторизуйтесь: