- Тешигини къатында, чычхан да батыр болур.
- Иги бла джюрюсенг, джетерсе муратынга, аман бла джюрюсенг, къалырса уятха.
- Сабий болмагъан джерде, мёлек болмаз.
- Джети тилни билген джети кишиди.
- Узун джолну барсанг, бюгюн келирсе, къысха джолну барсанг, тамбла келирсе.
- Кесине оноу эте билмеген, халкъына да эте билмез.
- Бет бетге къараса, бет да джерге къарар.
- Терслик кетер, тюзлюк джетер.
- Байны къызы баймакъ болса да, юйде къалмаз!
- Джумушакъ терекни къурт ашар.
- Ишге юренсин къоллары, халкъ бла болсун джоллары.
- Уруну арты – къуру.
- Арба аугъандан сора, джол кёргюзтюучю кёб болур.
- Бичгенде ашыкъма, тикгенде ашыкъ.
- Джетген къыз джерли эшекни танымаз.
- Эки ойлашыб, бир сёлешген.
- Окъумагъан сокъурду, сокъур ташха абыныр!
- Бек анасы джыламаз.
- Джюрекден джюрекге джол барды.
- Накъырданы арты керти болур.
- Ана къолу ачытмаз.
- Тыш элде солтан болгъандан эсе, кесинги элде олтан болгъан игиди!
- Аманнга алтын чыдамаз.
- Биреуге аманлыкъны тилеме да, кесинге ашхылыкъны тиле.
- Чомартха Тейри да борчлуду.
- Келгинчи, къонакъ уялыр, келгенден сора, къонакъбай уялыр.
- Адамны джюреги нени кёрюрге сюйсе, кёзю да аны кёрюрге ёч болады.
- Къулакъдан эсе, кёзге ышан.
- Ана къойну – балагъа джандет.
- Чыкълы кюнде чыкъмагъан, чыкъса къуру кирмеген.
- Бастасын ашагъан, хантусун да ичер.
- Билимли ёлмез, билимсиз кёрмез.
- Акъылсызны джууукъгъа алма, акъыллыны кенгнге салма.
- Ачлыкъда тары гырджын халыуадан татлы.
- Окъугъанны бети джарыкъ.
- Накъырда – кертини келечиси.
- Биреуню къыйынлыгъы бла кесинге джол ишлеме.
- Кюн – узун, ёмюр – къысха.
- Биреу къой излей, биреу той излей.
- Чакъырылмагъан къонакъ – орунсуз.
- Ашхы тенг джолгъа салыр, аман тенг джолдан тайдырыр.
- Ёзденликни джайгъан – джокълукъ.
- Мал ёлсе, сюек къалыр, адам ёлсе, иши къалыр.
- Кюлме джашха – келир башха.
- Эллинг бла джау болсанг да, юйюнг бла джау болма.
- Джолунга кёре – джюрюшюнг, джагъанга кёре – юлюшюнг.
- Босагъа таш юйге кирмей эди, тыбыр таш эшикге чыкъмай эди.
- Aдам боллукъ, сыфатындан белгили.
- Онгсузну – джакъла, тенгликни – сакъла.
- Къан бла кирген, джан бла чыгъар.
Ошибка!
Для просмотра темы введите ваши логин и пароль.Пожалуйста, авторизуйтесь: