- От этилмеген джерден тютюн чыкъмайды.
- Ауругъаннга – кийик саулукъ, джетген къызгъа – чилле джаулукъ.
- Урама да – ёледи, сатама да – келеди.
- Хаухну атма, ёнгкючню сатма.
- Ачылгъан эт джабылыр, кёрген кёз унутмаз.
- Ичимден чыкъды хата, къайры барайым сата?
- Ата Джуртуму башы болмасам да, босагъасында ташы болайым.
- Адеб джокъда, намыс джокъ.
- Ата – билек, ана – джюрек!
- Бети – къучакълар, джюреги – бычакълар.
- Ариу – кёзге, акъыл – джюрекге.
- Итли къонакъ джарашмаз.
- Ойнай-ойнай кёз чыгъар.
- Дуния аламаты сен эсенг да, игиме деб айтма.
- Ачыкъ джюрекге джол – ачыкъ.
- Ач – эснер, ат – кишнер.
- Ач уят къоймаз.
- Бастасын ашагъан, хантусун да ичер.
- Аман киши кеси юйюнде – къонакъ.
- Адамны сыфатына къарама, сёзюне къара.
- Рысхы – сют юсюнде кёмюк кибикди.
- Сабий болмагъан джерде, мёлек болмаз.
- Кийимни бичсенг, кенг бич, тар этген къыйын тюлдю.
- Гырджын – тепсини тамадасы.
- Джашда акъыл джокъ, къартда къарыу джокъ.
- Башда акъыл болмаса, эки аякъгъа кюч джетер.
- Чомартха Тейри да борчлуду.
- Тёрде – темир таякълы, къаяда – чыпчыкъ аякълы.
- Ауругъанны сау билмез, ач къарынны токъ билмез.
- Илму – джашауну джолу.
- Ач, тоймам, дейди, тойгъан, ач болмам, дейди.
- Тойгъан джерге джети къайт.
- Джарлы эскисин джамаса, къууаныр.
- Джаз бир кюнню джатсанг, къыш талай кюнню абынырса.
- Къарт бла баш аша, джаш бла аякъ аша.
- Алим болгъандан эсе, адам болгъан къыйынды.
- Ачлыкъ отха секиртир.
- Кютгени беш эчки, сызгъыргъаны уа, джерни джарады.
- Урунуу – насыбны анасы.
- Тас болгъан бычакъны сабы – алтын.
- Чоюнну башы ачыкъ болса, итге уят керекди.
- Телини эшигин, махтау джабар.
- Ач отунчуну ачыуу – бурнунда.
- Накъырда – кертини келечиси.
- Байлыкъ келсе, акъыл кетер.
- Эшекни не къадар тюйсенг да, ат болмаз.
- Босагъагъа джууукъ орун болса, ашыгъыб тёрге озма.
- Джыланны къуйругъундан басарынг келсе, аны башы болгъанын унутма.
- Мухарны эси – ашарыкъда.
- Гитче джилтин уллу элни джандырыр.
Ошибка!
Для просмотра темы введите ваши логин и пароль.Пожалуйста, авторизуйтесь: