- Тилчи тилден къаныкъмаз.
- Джюз элде джюз ёгюзюм болгъандан эсе, джюз джууугъум болсун.
- Кёзню ачылгъаны – иги, ауузну джабылгъаны – иги.
- Аман адам этегингден тутса, кес да къач.
- Эки элинги тыйсанг, джети элде махталырса.
- Иги джашны ышаны – аз сёлешиб, кёб тынгылар.
- Билим насыб берир, билим джолну керир.
- Хазыр ашха – терен къашыкъ.
- Телиге акъыл салгъандан эсе, ёлгеннге джан салырса.
- Эринчекге кюн узун.
- Ана къолу ачытмаз.
- Къарт болгъан джерде, берекет болур, сабий болгъан джерде, оюн болур.
- Ашарыкъда сайлагъаннга – чий гырджын.
- Адам боллукъ, атламындан белгили болур.
- Эки ойлашыб, бир сёлешген.
- «Ёгюз, джаргъа джууукъ барма, меннге джюк боллукъса», - дегенди эшек.
- Окъуусуз билим – джокъ, билимсиз кюнюнг – джокъ.
- Окъугъан – асыу, окъумагъан – джарсыу.
- Джыгъылгъанны сырты джерден тоймаз.
- Къая джолда джортма, ачыкъ сёзден къоркъма.
- Суу да къайтады чыкъгъан джерине.
- Къууут – джелге, берне – бошха.
- Къыйынлы джети элге оноу этер.
- Ётюрюкчюню шагъаты – къатында.
- Хоншуну тауугъу къаз кёрюнюр, келини къыз кёрюнюр.
- Aдам боллукъ, сыфатындан белгили.
- Тойгъандан сора, ашны сёкме.
- Аман адамны тепсинге олтуртсанг, къызынгы тилер.
- Тин – байлыгъынг, терен саулугъунг.
- Тил – миллетни джаны.
- Экеу тутушса, биреу джыгъылыр.
- Ауурну тюбю бла, дженгилни башы бла джюрюген.
- Кёл – къызбай, къол – батыр.
- Ач, тоймам, дейди, тойгъан, ач болмам, дейди.
- Кёкдеги болмаса, джердегин кёрмейди.
- Бети бедерден, намыс сакълама.
- Эр сокъур болсун, къатын тилсиз болсун.
- Ариу джол аджал келтирмез.
- Къайтырыкъ эшигинги, къаты уруб чыкъма.
- Эркишиге тары кебек танг кёрюнюр.
- Ат да турмайды бир териде.
- Ач да бол, токъ да бол – намысынга бек бол.
- Къонакъны къачан кетерин сорма, къачан келлигин сор.
- Башсыз урчукъ тюзюне айланмаз.
- Джыланны къуйругъундан басарынг келсе, аны башы болгъанын унутма.
- Кёзюнде тереги болгъан, чёбю болгъаннга кюле эди.
- Къартха ушагъан джаш – акъыллы, джашха ушагъан къарт – тели.
- Къазанчы аман болса, къазаны къайнамаз.
- Тюзню ётмеги тюзде къалса да, тас болмаз.
- Иги сёз – джаннга азыкъ, аман сёз башха – къазыкъ.
Ошибка!
Для просмотра темы введите ваши логин и пароль.Пожалуйста, авторизуйтесь: