- Алма терегинден кери кетмез.
- Ана къолу ачытмаз.
- Ата – баланы уясы.
- Чарсда алчыны эл кёреди.
- Юй ишлеген балта эшикде къалыр.
- Тынгылагъан тынгы бузар.
- Уллу айтханны этмеген – уллаймаз.
- Тойгъа барсанг, тоюб бар, эски тонунгу къоюб бар.
- Ётюрюкден тюбю джокъ, кёлтюрюрге джиби джокъ.
- Окъугъан – асыу, окъумагъан – джарсыу.
- Чомарт къонакъ юй иесин сыйлар.
- Керек ташны ауурлугъу джокъ.
- Къартны сыйын кёрмеген, къартлыгъында сыйлы болмаз.
- Атадан ёксюз – бир ёксюз, анадан ёксюз – эки ёксюз.
- Айырылмаз джууугъунга, унутмаз сёзню айтма.
- Айран ичген – къутулду, джугъусун джалагъан – тутулду.
- Акъдан къара болмаз.
- Айранны сюйген, ийнек тутар.
- Джолда аягъынга сакъ бол, ушакъда тилинге сакъ бол.
- Биреуню тёрюнден, кесинги эшик артынг игиди.
- Ойнай-ойнай кёз чыгъар.
- Тюкюрюк баш джармаз, налат кёз чыгъармаз!
- Чабакъ башындан чирийди.
- Чыкълы кюнде чыкъмагъан, чыкъса къуру кирмеген.
- Баргъанынга кёре болур келгенинг.
- Ишлегенде эринме, ишде чолакъ кёрюнме.
- Байлыкъдан саулукъ ашхыды.
- Ашхы адам – халкъ байлыгъы, ашхы джер – джашау байлыгъы.
- Уллу къашыкъ эрин джыртар.
- Къарнынг бла ёч алма.
- Тай асырагъан, атха минер.
- «Ёгюз, джаргъа джууукъ барма, меннге джюк боллукъса», - дегенди эшек.
- Мал тутхан – май джалар.
- Ариу сёз – къылычдан джити.
- Тойгъан джерден туугъан джер игиди.
- Насыблы элин сюер, насыбсыз кесин сюер.
- Уллу сёзде уят джокъ.
- Ауругъанны сау билмез, ач къарынны токъ билмез.
- Бойнуму джети джерден кессенг да, мен ол ишни этеллик тюлме.
- Эртде тургъан джылкъычыны эркек аты тай табар.
- Джаш болсун, къыз болсун, акъылы, саны тюз болсун.
- Сёз сёзню айтдырыр.
- Кёб джашагъан – кёб билир.
- Тилчиден кери бол.
- Бичгенде ашыкъма, тикгенде ашыкъ.
- Къайгъыны сюйген, къайгъы табар.
- Тас болгъан бычакъны сабы – алтын.
- Байма, деб да, къууанма, джарлыма, деб да, джылама.
- Уллу къазанда бишген эт, чий къалмаз.
- Къуллукъчума, деб махтанма, къуллукъ – хаух джамчыды!
Ошибка!
Для просмотра темы введите ваши логин и пароль.Пожалуйста, авторизуйтесь: