- Къозулугъунда тоймагъан, къойлугъунда тоймаз.
- Алтыда кюлмеген, алтмышда кюлмез.
- Акъыл сабырлыкъ берир.
- Окъугъан озар, окъумагъан тозар.
- Ашыкъгъан cуу, тенгизге джетмез.
- Ашыкъгъанны этеги бутуна чырмалыр.
- Джашынгы кесинг юретмесенг, джашау юретир.
- Ашхылыкъ джерде джатмайды, аманлыкъ суугъа батмайды.
- Кесине гебен этелмеген, биреуге черен эте эди.
- Кёз – сюйген джерде, къол – ауругъан джерде.
- Эл бла кёргенинг эрелей.
- Юй кюйдю да, кюйюз чыкъды, ортасындан тюйюш чыкъды.
- Ашхы тенг джолгъа салыр, аман тенг джолдан тайдырыр.
- Адам боллукъ, атламындан белгили болур.
- Тилчи бир сагъатха айлыкъ хата этер.
- Ханы къызы буюгъа-буюгъа киштик болду.
- Ашын ашагъанынгы, башын да сыйла.
- Джумушакъ терекни къурт ашар.
- Эки итни арасына сюек атма, эки адамны арасында сёз чыгъарма.
- Орундукъ тюбюнде атылсам да, орта джиликме, де да айлан.
- Тёгюлген тюгел джыйылмайды.
- Сютден ауузу кюйген, суугъа юфгюре эди.
- Айтылгъан сёз ызына къайтмаз.
- Адамны аманы адамны бети бла ойнар.
- Бек ашыкъгъан меннге джетсин, дегенди аракъы.
- Арбаз сайлама да, хоншу сайла.
- Кёбден умут этиб, аздан къуру къалма.
- Къарын къуру болса, джюрек уру болур.
- Ётюрюкню башын керти кесер.
- Акъыл неден да кючлюдю.
- Адамгъа аман кюн соруб келмейди.
- Ашха уста, юйюнде болсун
- Ач отунчуну ачыуу – бурнунда.
- Мени джылытмагъан кюн, меннге тиймесин!
- Биреу ашаб къутулур, биреу джалаб тутулур.
- Джан саулукъ бермей, сан саулукъ бермезсе.
- Тенгинг джокъ эсе – изле, бар эсе – сакъла!
- Ёнгкюч къууана барыр, джылай келир.
- Иесиз малны бёрю ашар.
- Джаш къарыу бла кючлю, къарт акъыл бла кючлю.
- Тойгъа алгъа да барма, тойда артха да къалма.
- Ашына кёре табагъы, балына кёре къалагъы.
- Хунаны тюбюн къазсанг, юсюнге ауар.
- Эки ойлашыб, бир сёлешген.
- Эркиши – от, тиширыу – суу.
- Билим ат болуб да чабар, къуш болуб да учар.
- Джарлы тюеге минсе да, ит къабар.
- Мал ёлсе, сюек къалыр, адам ёлсе, иши къалыр.
- Кийимни бичсенг, кенг бич, тар этген къыйын тюлдю.
- Дуния аламаты сен эсенг да, игиме деб айтма.
Ошибка!
Для просмотра темы введите ваши логин и пароль.Пожалуйста, авторизуйтесь: