- Элде адам къалмаса, ит тахтагъа минер.
- Кесинг сынамагъан затны, адамгъа буюрма.
- Намыс сатылыб алынмайды.
- Алтыннга тот къонмаз.
- Гугук кесини атын айтыб къычыргъанча, мен, мен деб нек тураса?
- Башсыз урчукъ тюзюне айланмаз.
- Аз сёлешген, къайгъысыз турур.
- Тешигини къатында, чычхан да батыр болур.
- Ана кёлю – балада, бала кёлю – талада.
- Къонакъ кёб келюучю юйню, къазаны отдан тюшмез.
- Аурууну келиую тынч, кетиую – къыйын.
- Джыйырма къойну юч джыйырма эбзе кюте эди.
- Тил бла келеди джыр да.
- Биреуню тёрюнден, кесинги эшик артынг игиди.
- Акъылсызны джууукъгъа алма, акъыллыны кенгнге салма.
- Байлыкъ тауусулур, билим тауусулмаз.
- Ариу – кёзге, акъыл – джюрекге.
- Къазанны башы ачыкъ болса, итге уят керекди.
- Адеби болмагъан къыз – тузсуз хант.
- Джарлы тюеге минсе да, ит къабар.
- Сагъыш – къартлыкъгъа сюйюмчю.
- Аууздан келген, къолдан келсе, ким да патчах болур эди.
- Айтхан сёзюне табылгъан.
- Аякъларынгы джууургъанынга кёре узат.
- Байлыкъ болгъан джерде, тынчлыкъ джокъду.
- Ауругъаннга – кийик саулукъ, джетген къызгъа – чилле джаулукъ.
- Кюл тюбюндеги от кёрюнмейди.
- Ашха уста, юйюнде болсун
- Джангыз терек къынгыр ёсер.
- Рысхы – насыбха къор.
- Таула не мийик болсала да, аууш табылыр.
- Бал чибинни ургъаны – ачы, балы – татлы.
- Ат басханны джер билед.
- Тойгъан джерге джети къайт.
- Окъугъан – асыу, окъумагъан – джарсыу.
- Шекер бла туз – бир болмаз, ушамагъан – юй болмаз.
- Ургъан суудан башынгы сакъла.
- Арбаз къынгырды да, ийнек сауалмайма.
- Эртде тургъан бла эртде юйленнген сокъуранмаз.
- Бёрю да ач къалмасын, эчки да ашалмасын.
- Келгинчи, къонакъ уялыр, келгенден сора, къонакъбай уялыр.
- Терслик кетер, тюзлюк джетер.
- Эрни эр этерик да, къара джер этерик да, тиширыуду.
- Ёнгкюч къууана барыр, джылай келир.
- Ишлемеген – тишлемез.
- Игиге айтсанг – билир, аманнга айтсанг – кюлюр.
- Билим – акъылны чырагъы.
- Тилчи тилден къаныкъмаз.
- Чомартха Тейри да борчлуду.
- Къумурсхала джыйылсала, пилни да джыгъадыла.
Ошибка!
Для просмотра темы введите ваши логин и пароль.Пожалуйста, авторизуйтесь: