- Орну джокъну – сыйы джокъ.
- Минг тенг да азды, бир джау да кёбдю.
- Келгинчи, къонакъ уялыр, келгенден сора, къонакъбай уялыр.
- Битмегеннге сакъал – танг.
- Олтуруб кёрюнмей эди да, ёрге туруб кёрюне эди.
- Киштикге къанат битсе, чыпчыкъ къалмаз эди.
- Байдан умут эте, джарлыдан ёгюз багъасы къорады.
- Аш берме да, къаш бер.
- Къулакъдан эсе, кёзге ышан.
- Ат да турмайды бир териде.
- Аджашхан тёгерек айланыр.
- Тойгъа алгъа да барма, тойда артха да къалма.
- Кесине оноу эте билмеген, халкъына да эте билмез.
- Ичимден чыкъды хата, къайры барайым сата?
- Джуртун къоругъан озар.
- Намысы джокъну – дуниясы джокъ.
- Къозулугъунда тоймагъан, къойлугъунда тоймаз.
- Къолунгдан къуймакъ ашатсанг да, атаны борчундан къутулмазса.
- От этилмеген джерден тютюн чыкъмайды.
- Босагъагъа джууукъ орун болса, ашыгъыб тёрге озма.
- Мен да «сен», дейме, сен да «кесим», дейсе.
- Ашыкъгъан cуу, тенгизге джетмез.
- Окъумагъан сокъурду, сокъур ташха абыныр!
- Ёлген эшек бёрюден къоркъмайды.
- Чомарт къолда мал къалмаз.
- Намысы болмагъанны, сыйы болмаз.
- Чабар ат – джетген къыз.
- Бастасын ашагъан, хантусун да ичер.
- Ата Джуртун танымагъан, атасын да танымаз.
- Ауругъанны сау билмез, ач къарынны токъ билмез.
- Эки элинги тыйсанг, джети элде махталырса.
- Ач къарынны, токъ билмез
- Терек ауса, отунчу – кёб.
- Ишни ахырын ойламай, аллын башлама.
- Чомартны къолун джокълукъ байлар.
- Бет бетге къараса, бет да джерге къарар.
- Ачлыкъ отха секиртир.
- Ёксюзню къалачы уллу кёрюнюр.
- Намыс сатылыб алынмайды.
- Уясында не кёрсе, учханында аны этер.
- Арбаз сайлама да, хоншу сайла.
- Адам сёзюнден белгили.
- Адеби болмагъан къыз – тузсуз хант.
- Ётюрюкню къуйругъу – бир тутум.
- Аман адам элни бир-бирине джау этер.
- Сагъышы джокъ – джукъучу, акъылы джокъ – къаугъачы.
- Эшекни не къадар тюйсенг да, ат болмаз.
- Кёпюр салгъан кеси ётер, уру къазгъан кеси кетер.
- Бети – къучакълар, джюреги – бычакълар.
- Ёлмесенг да, къарт дамы болмазса?
Ошибка!
Для просмотра темы введите ваши логин и пароль.Пожалуйста, авторизуйтесь: