Войти на сайт
16 Февраля  2019 года

 

  • Эки къатын алгъан – эки ташны ортасына башын салгъан.
  • Кёкдеги болмаса, джердегин кёрмейди.
  • Акъыллы эркиши атын махтар, акъылсыз эркиши къатынын махтар.
  • Бек ашыкъгъан меннге джетсин, дегенди аракъы.
  • Сууда джау джокъ, кёб сёзде магъана джокъ.
  • Кёб ант этген, кёб ётюрюк айтыр.
  • Башынга джетмегенни сорма.
  • Аманны къуугъан, аманлыкъ табар.
  • Джыйырма къойну юч джыйырма эбзе кюте эди.
  • Керти сёзге тёре джокъ.
  • Миллетни бойну – базыкъ, аны бла кюрешген – джазыкъ.
  • Кёбню кёрген – кёб билир.
  • Кёб джат да, бек чаб.
  • Адеб этмеген, адеб кёрмез.
  • Биреуге кёлтюрген таягъынг, кесинги башынга урур.
  • Эки итни арасына сюек атма, эки адамны арасында сёз чыгъарма.
  • Окъуусуз билим – джокъ, билимсиз кюнюнг – джокъ.
  • Аджал соруб келмез, келсе, къайтыб кетмез.
  • Малны кют, джерни тюрт.
  • Къууут – джелге, берне – бошха.
  • Чомарт бергенин айтмаз.
  • Кимни – тили, тиши онглу, кимни – къолу, иши онглу.
  • Накъырданы арты керти болур.
  • Аш иеси бла татлыды.
  • Кёлю джокъну – джолу джокъ.
  • Адам къаллай бир ишленмесе, аллай бир кесин уллу кёреди.
  • Джюрекге ариу – кёзге да ариу.
  • Байлыкъдан саулукъ ашхыды.
  • Тойгъа алгъа да барма, тойда артха да къалма.
  • Къартны бурнун сюрт да, оноугъа тут.
  • Тас болгъан бычакъны сабы – алтын.
  • Тура эдим джата, къайдан чыкъды хата?
  • Билим – акъылны чырагъы.
  • Аз сёлешген, къайгъысыз турур.
  • Сангырау къулакъ эл бузар.
  • Уллу къазанда бишген эт, чий къалмаз.
  • Магъанасыз сёз – тауушсуз сыбызгъы.
  • Илму – джашауну джолу.
  • Атлыны кёрсе, джаяуну буту талыр.
  • Тойгъанлыкъ къойгъа джарашады.
  • Байны къызы баймакъ болса да, юйде къалмаз!
  • Бет бетге къараса, бет да джерге къарар.
  • Хата – гитчеден.
  • Бермеген къол, алмайды.
  • Сакъ юйюне сау барыр.
  • Асхат ашлыкъ сата, юйдегиси ачдан къата.
  • Тюзню ётмеги тюзде къалса да, тас болмаз.
  • Бичгенде ашыкъма, тикгенде ашыкъ.
  • Ач да бол, токъ да бол – намысынга бек бол.
  • Ариу джол аджал келтирмез.

 

Ошибка!

Для просмотра темы введите ваши логин и пароль.
Пожалуйста, авторизуйтесь:
Логин:
Пароль:

Забыли свой пароль?

Зарегистрироваться
Если вы впервые на сайте, заполните, пожалуйста, регистрационную форму.

Написать нам