- Ашаса, ашамаса да, бёрюню ауузу – къан.
- Ишленмеклик адамлыкъды.
- Къайгъыны сюйген, къайгъы табар.
- Джарлыны эшигин махтагъан джабар.
- Ач уят къоймаз.
- Ётюрюкден тюбю джокъ, кёлтюрюрге джиби джокъ.
- Ёгюзню мюйюзлери ауурлукъ этмейдиле.
- Намыс сатылыб алынмайды.
- Билмейме деген – бир сёз
- Экеу тутушса, биреу джыгъылыр.
- Элге къуллукъ этмеген, элге ие болмаз.
- Къонагъы джокъну – шоху джокъ.
- Аллахдан тилесенг, кёб тиле.
- Ашхы тенг джолгъа салыр, аман тенг джолдан тайдырыр.
- Аджаллыгъа окъсуз шкок атылыр.
- Ишни ахырын ойламай, аллын башлама.
- Ышармагъан – кюлмез, кюлмеген – къууанчны билмез.
- Берекет берсин деген джерде, берекет болур.
- Артына баргъанны, къатына барма.
- Ашхы болсанг, атынг чыгъар, аман болсанг, джанынг чыгъар.
- Орну джокъну – сыйы джокъ.
- Накъырданы арты керти болур.
- Гугук кесини атын айтыб къычыргъанча, мен, мен деб нек тураса?
- Иесиз малны бёрю ашар.
- Хаухну атма, ёнгкючню сатма.
- Къыйынлы джети элге оноу этер.
- Шекер бла туз – бир болмаз, ушамагъан – юй болмаз.
- Магъанасыз сёз – тауушсуз сыбызгъы.
- Эл бла кёргенинг эрелей.
- Кимни – тили, тиши онглу, кимни – къолу, иши онглу.
- Джашда акъыл джокъ, къартда къарыу джокъ.
- Ата – билек, ана – джюрек!
- Чалманны аллы къалай башланса, арты да алай барады.
- Айран тёгюлсе, джугъусу къалыр.
- Айранны сюйген, ийнек тутар.
- Ана къолу ачытмаз.
- Телини эшигин, махтау джабар.
- Бозаны арты дауур болур.
- Хунаны тюбюн къазсанг, юсюнге ауар.
- Азыкълы ат арымаз, къатыны аман джарымаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Байлыкъ тауусулур, билим тауусулмаз.
- Аман адам этегингден тутса, кес да къач.
- Кирсизни – саны таза, халалны – къаны таза.
- Башынга джетмегенни сорма.
- Джогъун бар этген, барын бал этген.
- Махтаннган къыз, тойда джукълар.
- Чыкълы кюнде чыкъмагъан, чыкъса къуру кирмеген.
- Этни да ашады, бетни да ашады.
- Эл ауузу – элия.
Ошибка!
Для просмотра темы введите ваши логин и пароль.Пожалуйста, авторизуйтесь: