- Аш кетер да бет къалыр.
- Игини сыйлагъан адетди.
- Хар ишни да аллы къыйынды.
- Джигер – джаннга къыйынлыкъ.
- Мал кёб болса, джууукъ кёб болур.
- Айран тёгюлсе, джугъусу къалыр.
- Ашаса, ашамаса да, бёрюню ауузу – къан.
- Насыблы элин сюер, насыбсыз кесин сюер.
- Рысхы джалгъанды: келген да этер, кетген да этер.
- Байны оноуу, джарлыгъа джарамаз.
- Тилде сюек болмаса да, сюек сындырыр.
- Кийим тукъум сордурур.
- Башланнган иш битер, къымылдагъан тиш тюшер.
- Башы ишлегенни, ауузу да ишлер.
- Огъурлуну сёзю – суу, огъурсузну сёзю – уу.
- Сибиртки да сыйлы болду, кюрек да кюнлю болду.
- Окъумагъан сокъурду, сокъур ташха абыныр!
- Эм ашхы къайын ана мамукъ бла башынгы тешер.
- Ашхы адам – халкъ байлыгъы, ашхы джер – джашау байлыгъы.
- Ач къалгъандан, кеч къалгъан къолай.
- Тюзлюк тас болмайды.
- Эр абынмай, эл танымаз.
- Къонагъы джокъну – шоху джокъ.
- Келлик заман – къартлыкъ келтирир, кетген заман – джашлыкъ ёлтюрюр.
- От кюйдюрген, сау болса да, тот кюйдюрген, сау болмаз.
- Аз сёлеш, кёб ишле.
- Билимли ёлмез, билимсиз кёрмез.
- Иги сёз – джаннга азыкъ, аман сёз башха – къазыкъ.
- Къыйынлы джети элге оноу этер.
- Ёгюзню мюйюзюнден тутадыла, адамны сёзюнден тутадыла.
- Адам къаллай бир ишленмесе, аллай бир кесин уллу кёреди.
- Аджалсыз ёлюм болмаз.
- Ата Джуртун танымагъан, атасын да танымаз.
- Ашха уста, юйюнде болсун
- Адеб базарда сатылмаз.
- Чомарт къолда мал къалмаз.
- Таукел адам тау тешер.
- Билими азны – ауузунда кирит.
- Экеулен сёлеше тура эселе, орталарына барыб кирме.
- Акъыл сабырлыкъ берир.
- Бозаны арты дауур болур.
- Чомартха Тейри да борчлуду.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ашхы болсанг, атынг чыгъар, аман болсанг, джанынг чыгъар.
- Аманны эки битли тону болур, бирин сеннге кийдирир, бирин кеси киер.
- Абынмазлыкъ аякъ джокъ, джангылмазлыкъ джаякъ джокъ.
- Къанны къан бла джуума, аманны аман бла къуума.
- Сакъ юйюне сау барыр.
- Джюрек кёзден алгъа кёрюр.
- Билимден уллу байлыкъ джокъду.
Ошибка!
Для просмотра темы введите ваши логин и пароль.Пожалуйста, авторизуйтесь: