Войти на сайт
11 Апреля  2021 года

 

  • Эки къатын алгъан – эки ташны ортасына башын салгъан.
  • Аман хансны – урлугъу кёб.
  • Дууулдаса – бал чибин, къонса – къара чибин.
  • Ашлыкъ – бюртюкден, джюн – тюкден.
  • Тойгъан антын унутур.
  • Садакъачыны джаны – къапчыгъында.
  • Татлы тилде – сёз ариу, чемер къолда – иш ариу.
  • Биреуню тёрюнден, кесинги эшик артынг игиди.
  • Юйюнг бла джау болгъандан эсе, элинг бла джау бол.
  • Билген билмегенни юретген адетди.
  • Джарлыны эшигин махтагъан джабар.
  • Ач – эснер, ат – кишнер.
  • Ишленмеген джаш – джюгенсиз ат, ишленмеген къыз – тузсуз хант.
  • Халкъны юйю – туугъан джери.
  • Азыгъы аз, алгъа къабар, аты аман, алгъа чабар.
  • Кийим тукъум сордурур.
  • Адебни адебсизден юрен.
  • Акъыл къартда, джашда тюйюлдю – башдады.
  • Тойчу джашха къарама, къойчу джашха къара.
  • Къазанны башы ачыкъ болса, итге уят керекди.
  • Оюмсуз атлагъан, аджалсыз ёлюр.
  • Игини сыйлагъан адетди.
  • Бетинги сатма, малынгы сат.
  • Нёгер болсанг, тенг бол, тенг болмасанг, кенг бол.
  • Олтуруб кёрюнмей эди да, ёрге туруб кёрюне эди.
  • Билими азны – ауузунда кирит.
  • Накъырданы арты керти болур.
  • Бети – къучакълар, джюреги – бычакълар.
  • Ишленмеклик адамлыкъды.
  • Ашыкъгъан cуу, тенгизге джетмез.
  • Къаллай салам берсенг, аллай джууаб алырса.
  • Ишни ахырын ойламай, аллын башлама.
  • Къатын къылыкъсыз, эр тынчлыкъсыз.
  • Эрни эр этерик да, къара джер этерик да, тиширыуду.
  • Кюлме джашха – келир башха.
  • Ойнай билмеген, уруб къачар.
  • Айраннга суу къош, телиге джол бош.
  • Азыкъ аз болса, эртде орун сал.
  • Тили узунну, намысы – къысха.
  • Джюз элде джюз ёгюзюм болгъандан эсе, джюз джууугъум болсун.
  • Аман адам этегингден тутса, кес да къач.
  • Айранын берсенг, челегин да къызгъанма.
  • Ишлегенде эринме, ишде чолакъ кёрюнме.
  • Алим болгъандан эсе, адам болгъан къыйынды.
  • Акъыл неден да кючлюдю.
  • Орундукъ тюбюнде атылсам да, орта джиликме, де да айлан.
  • Байма, деб да, къууанма, джарлыма, деб да, джылама.
  • Юй кюйдю да, кюйюз чыкъды, ортасындан тюйюш чыкъды.
  • Джарашыу сюйген – джалынчакъ.
  • Болджал ишни бёрю ашар.

 

Ошибка!

Для просмотра темы введите ваши логин и пароль.
Пожалуйста, авторизуйтесь:
Логин:
Пароль:

Забыли свой пароль?

Зарегистрироваться
Если вы впервые на сайте, заполните, пожалуйста, регистрационную форму.

Написать нам