- Юреннген ауруу къалмаз.
- Айтылгъан сёз ызына къайтмаз.
- Джумушакъ терекни къурт ашар.
- Тенгни тенглиги джашай барсанг билинир.
- Къыйынлы джети элни къайгъысын этер.
- Бети – къучакълар, джюреги – бычакълар.
- Эки къатын алгъан – эки ташны ортасына башын салгъан.
- Мадар болса, къадар болур.
- Ауругъаннга – кийик саулукъ, джетген къызгъа – чилле джаулукъ.
- Ишленмеген джаш – джюгенсиз ат, ишленмеген къыз – тузсуз хант.
- Къая джолда джортма, ачыкъ сёзден къоркъма.
- Халкъны юйю – туугъан джери.
- Баланы адам этген анады.
- Бир онгсуз адам адет чыгъарды, деб эштирик тюлсе.
- Хунаны тюбюн къазсанг, юсюнге ауар.
- Чабакъгъа акъыл, табагъа тюшсе келеди.
- Сагъыш – къартлыкъгъа сюйюмчю.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Эли джокъну – кёлю джокъ.
- Келлик заман – къартлыкъ келтирир, кетген заман – джашлыкъ ёлтюрюр.
- Къар – келтирди, суу – элтди.
- Ачыкъ джюрекге джол – ачыкъ.
- Таугъа чыгъаллыкъ эсенг, тюзде къалма.
- Къонагъынгы артмагъын алма да, алгъышын ал.
- Малны кют, джерни тюрт.
- Билмегенинги, билгеннге сор.
- Бек ашыкъгъан меннге джетсин, дегенди аракъы.
- Асхат ашлыкъ сата, юйдегиси ачдан къата.
- Акъыл къартда, джашда тюйюлдю – башдады.
- Босагъа таш юйге кирмей эди, тыбыр таш эшикге чыкъмай эди.
- Тюзлюк тас болмайды.
- Аз сёлеш, кёб ишле.
- Ашына кёре табагъы, балына кёре къалагъы.
- Махтаннган къыз, тойда джукълар.
- Таякъ этден ётер, тил сюекден ётер.
- Ишлегенде эринме, ишде чолакъ кёрюнме.
- Кёбню кёрген – кёб билир.
- Терслик кетер, тюзлюк джетер.
- Башланнган иш битер, къымылдагъан тиш тюшер.
- Тойгъа барсанг, тоюб бар, эски тонунгу къоюб бар.
- Кюн кёрмеген, кюн кёрсе, кюндюз чыракъ джандырыр.
- Хаухну атма, ёнгкючню сатма.
- Иги болса, тамадама – махтау, аман болса, меннге – айыб.
- Ишин билген, аны сыйын чыгъарады.
- Бал чибинни ургъаны – ачы, балы – татлы.
- Тёзген – тёш ашар!
- Чомартны къолу берекет.
- Джашлыкъ этмеген, башлыкъ этмез.
- Къобан да къуру да къобханлай турмайды, адам да къуру да патчахлай турмайды.
- Юй кюйдю да, кюйюз чыкъды, ортасындан тюйюш чыкъды.
Ошибка!
Для просмотра темы введите ваши логин и пароль.Пожалуйста, авторизуйтесь: