- Къонагъы джокъну – шоху джокъ.
- Биреуге кёлтюрген таягъынг, кесинги башынга урур.
- Сескекли кесин билдирир.
- Эки къатын алгъан – эки ташны ортасына башын салгъан.
- Хазыр ашха – терен къашыкъ.
- Къазанда болса, чолпугъа чыгъар.
- Къарыусузгъа кюлме, онгсузгъа тийме.
- Игини сыйлагъан адетди.
- Адамны аманы адамны бети бла ойнар.
- Урама да – ёледи, сатама да – келеди.
- Айран тёгюлсе, джугъусу къалыр.
- Туз, гырджын аша, тюзлюк бла джаша.
- Эл бла кёргенинг эрелей.
- Аууз сакълагъан – джан сакълар.
- Къарт бла баш аша, джаш бла аякъ аша.
- Адам къыйынлыгъын кёлтюрюр, зауукълугъун кёлтюрмез.
- Билимли ёлмез, билимсиз кёрмез.
- Тау башында, тау болмаз, джангыз терек, бау болмаз.
- Кёрмегеннге кебек – танг, битмегеннге сакъал – танг.
- Атлыны ашхысы, ат тизгининден билинир
- Кютгени беш эчки, сызгъыргъаны уа, джерни джарады.
- Айтылгъан сёз ызына къайтмаз.
- Байлыкъ болгъан джерде, тынчлыкъ джокъду.
- Кюн – узун, ёмюр – къысха.
- Аджал соруб келмез, келсе, къайтыб кетмез.
- Джангызны оту джарыкъ джанмаз!
- Артына баргъанны, къатына барма.
- Юйлю уругъа ит чабмаз.
- Ёпкелегенни ашы татлы болады.
- Уллу сёзде уят джокъ.
- Адам къаллай бир ишленмесе, аллай бир кесин уллу кёреди.
- Джаш болсун, къыз болсун, акъылы, саны тюз болсун.
- Сютню башын джалагъан къутулур, тюбюн ичген тутулур.
- Ашха уста, юйюнде болсун
- Сакъ юйюне сау барыр.
- Чыбыкълыкъда бюгюлмеген, къазыкълыкъда бюгюлмей эди.
- Аз айтсам, кёб ангылагъыз.
- Кёб джашагъан – кёб билир.
- Ётюрюкчюню шагъаты – къатында.
- Ачыкъ джюрекге джол – ачыкъ.
- Иги джашны ышаны – аз сёлешиб, кёб тынгылар.
- Тура эдим джата, къайдан чыкъды хата?
- Адам туугъан джеринде, ит тойгъан джеринде.
- Сабийликде юретмесенг, уллу болса – тюзелмез.
- Башынга джетмегенни сорма.
- Эркишиге тары кебек танг кёрюнюр.
- Ашхы сёз таш тешер.
- Кюл тюбюндеги от кёрюнмейди.
- Къонагъынгы артмагъын алма да, алгъышын ал.
- Кесинге джетмегенни, кёб сёлешме.
Ошибка!
Для просмотра темы введите ваши логин и пароль.Пожалуйста, авторизуйтесь: