- Джуртун къоругъан озар.
- Аман адамны тепсинге олтуртсанг, къызынгы тилер.
- Адамны адамлыгъы къыйынлыкъда айгъакъланады.
- Кирсизни – саны таза, халалны – къаны таза.
- Джангыз терек къынгыр ёсер.
- Мухардан ач ычхынмаз.
- Аджашхан тёгерек айланыр.
- Арбаз сайлама да, хоншу сайла.
- Сормай – алма, чакъырылмай – барма.
- Акъыл къартда, джашда тюйюлдю – башдады.
- Аджашханны ызындагъы кёреди, джангылгъанны джанындагъы биледи.
- Тилчи бир сагъатха айлыкъ хата этер.
- Кесине оноу эте билмеген, халкъына да эте билмез.
- Джыланны къуйругъундан басарынг келсе, аны башы болгъанын унутма.
- Къыз тиширыу кеси юйюнде да къонакъды.
- Тыш элде солтан болгъандан эсе, кесинги элде олтан болгъан игиди!
- Мал ёлсе, сюек къалыр, адам ёлсе, иши къалыр.
- Джетген къыз джерли эшекни танымаз.
- Аманнга да, игиге да оноусуз къатышма.
- Тойгъан антын унутур.
- Джумушакъ терекни къурт ашар.
- Бал чибинни ургъаны – ачы, балы – татлы.
- Чакъырылмай келген къонакъ сыйланмай кетер.
- Ашлыкъ – бюртюкден, джюн – тюкден.
- Биреуню къыйынлыгъы бла кесинге джол ишлеме.
- Окъумагъан сокъурду, сокъур ташха абыныр!
- Орундукъ тюбюнде атылсам да, орта джиликме, де да айлан.
- Ашлыкъны арба юйге келтирир, чана базаргъа элтир.
- Этек чакъмакълары баш джаргъан, сёлешген сёзлери таш джаргъан.
- Къууут – джелге, берне – бошха.
- Арба аугъандан сора, джол кёргюзтюучю кёб болур.
- Халкъгъа джарагъан, джарлы къалмаз.
- Малны кют, джерни тюрт.
- Хар зат кесини орнуна иги.
- Адам боллукъ, атламындан белгили болур.
- Баланы адам этген анады.
- Ёлмесенг да, къарт дамы болмазса?
- Къайгъыны сюйген, къайгъы табар.
- Ашыкъгъан cуу, тенгизге джетмез.
- Гыдай эчки суугъа къараб, мюйюзле кёрмесе, джашма алкъын, дегенди.
- Аз айтсам, кёб ангылагъыз.
- Сабийни джумушха джибер да, ызындан бар.
- Къолу уллу – асыу, аягъы уллу – джарсыу.
- Къуллукъчума, деб махтанма, къуллукъ – хаух джамчыды!
- Джаханимни кёрмей, джандетге кёл салмазса.
- Тойгъандан сора, ашны сёкме.
- Хар адамгъа кеси миннген тау кибик.
- Дуния малгъа сатылма, кесингден телиге къатылма.
- Иесиз малны бёрю ашар.
- Хар ишни да аллы къыйынды.
Ошибка!
Для просмотра темы введите ваши логин и пароль.Пожалуйста, авторизуйтесь: