- Хоншуну тауугъу къаз кёрюнюр, келини къыз кёрюнюр.
- Берекет берсин деген джерде, берекет болур.
- Битмегеннге сакъал – танг.
- Уллу сёзде уят джокъ.
- Кёзюнде тереги болгъан, чёбю болгъаннга кюле эди.
- Чыбыкълыкъда бюгюлмеген, къазыкълыкъда бюгюлмей эди.
- От этилмеген джерден тютюн чыкъмайды.
- Байлыкъ адамны сокъур этер.
- Сормай – алма, чакъырылмай – барма.
- Тил – миллетни джаны.
- Гыдай эчки суугъа къараб, мюйюзле кёрмесе, джашма алкъын, дегенди.
- Юре билмеген ит, къонакъ келтирир.
- Аууздан келген, къолдан келсе, ким да патчах болур эди.
- Билим – акъылны чырагъы.
- Кюлме джашха – келир башха.
- Хар сёзню орну барды.
- Аз сёлеш, кёб ишле.
- Ариу сёзде ауруу джокъ.
- Ётюрюк хапар аякъ тюбю бла джюрюйдю.
- Зар адам ашынгы ашар, кесинги сатар.
- Нарт сёз – тилни бети.
- Бозаны арты дауур болур.
- Ашаса, ашамаса да, бёрюню ауузу – къан.
- Минг тенг да азды, бир джау да кёбдю.
- Къыйынлы джети элге оноу этер.
- Ёзденликни кёбю ётюрюк.
- Тёгюлген тюгел джыйылмайды.
- Намыс болмагъан джерде, насыб болмаз.
- Билеги кючлю, бирни джыгъар, билими кючлю, мингни джыгъар.
- Айтханы чапыракъдан ётмеген.
- Джол бла сёзню къыйыры джокъ.
- Тил бла келеди джыр да.
- Кютгени беш эчки, сызгъыргъаны уа, джерни джарады.
- Эл ауузу – элия.
- Байма, деб да, къууанма, джарлыма, деб да, джылама.
- Ёлген ийнек сютлю болур.
- Телиге акъыл салгъандан эсе, ёлгеннге джан салырса.
- Айраннга суу къош, телиге джол бош.
- Сыфатында болмагъаны, суратында болмаз.
- Аз айтсам, кёб ангылагъыз.
- Тилчи тилден къаныкъмаз.
- Аллахдан тилесенг, кёб тиле.
- Арбаз къынгырды да, ийнек сауалмайма.
- Ач къарным, тынч къулагъым.
- Чабакъсыз кёлге къармакъ салгъанлыкъгъа, чабакъ тутмазса.
- Ёлюк кебинсиз къалмаз.
- Акъыл сабырлыкъ берир.
- Къонакъ аз олтурур, кёб сынар.
- Къошда джокъгъа – юлюш джокъ.
- Ата Джуртуму башы болмасам да, босагъасында ташы болайым.
Ошибка!
Для просмотра темы введите ваши логин и пароль.Пожалуйста, авторизуйтесь: