- Къызын тута билмеген, тул этер, джашын тута билмеген, къул этер.
- Сууда джау джокъ, кёб сёзде магъана джокъ.
- Тулпарлыкъ, билекден тюл – джюрекден.
- Ана къолу ачытмаз.
- Ёпкелегенни ашы татлы болады.
- Ач къарынны, токъ билмез
- Терслик кетер, тюзлюк джетер.
- Къуллукъчума, деб махтанма, къуллукъ – хаух джамчыды!
- Бюгюн дуния кибик, тамбла ахыратды.
- Терек ауса, отунчу – кёб.
- Къонагъы джокъну – шоху джокъ.
- Ишлегенден, къарагъан уста.
- Ашаса, ашамаса да, бёрюню ауузу – къан.
- Тау башында, тау болмаз, джангыз терек, бау болмаз.
- Суугъа – таянма, джаугъа – ийнанма.
- Къазанчы аман болса, къазаны къайнамаз.
- Бермеген къол, алмайды.
- Джети тилни билген джети кишиди.
- Керек ташны ауурлугъу джокъ.
- Уллу къашыкъ эрин джыртар.
- Таула не мийик болсала да, аууш табылыр.
- Харам къарнашдан, халал тенг ашхы.
- Адам къаллай бир ишленмесе, аллай бир кесин уллу кёреди.
- Адам боллукъ, атламындан белгили болур.
- Джарлы джети элни сёзюн этер.
- Билимден уллу байлыкъ джокъду.
- Айтхан – тынч, этген – къыйын.
- Керилген да, ургъан кибикди.
- Эл бла кёргенинг эрелей.
- Эринчекни аурууу – кёб.
- Байдан умут эте, джарлыдан ёгюз багъасы къорады.
- Атынг аманнга чыкъгъандан эсе, джанынг тамагъынгдан чыкъсын.
- Иги сёз – джаннга азыкъ, аман сёз башха – къазыкъ.
- Адамны сыфатына къарама, сёзюне къара.
- Адамны джюреги нени кёрюрге сюйсе, кёзю да аны кёрюрге ёч болады.
- Тенгни тенглиги джашай барсанг билинир.
- Байлыкъ тауусулур, билим тауусулмаз.
- Тура эдим джата, къайдан чыкъды хата?
- Таукел къуру къалмаз.
- Къуру гыбыт бек дыгъырдар.
- Бетинги сатма, малынгы сат.
- Нарт сёз – тилни бети.
- Къартны сыйын кёрмеген, къартлыгъында сыйлы болмаз.
- Ётюрюкчюню шагъаты – къатында.
- Тёзгеннге, джабылгъан эшик ачылыр.
- Ариу сёз аурууунгу алыр.
- Адам къыйынлыгъын кёлтюрюр, зауукълугъун кёлтюрмез.
- Тилчи бир сагъатха айлыкъ хата этер.
- Къартха ушагъан джаш – акъыллы, джашха ушагъан къарт – тели.
- Сабыр джетер муратха, сабырсыз къалыр уятха.
Ошибка!
Для просмотра темы введите ваши логин и пароль.Пожалуйста, авторизуйтесь: