- Уллу атлама – абынырса, уллу къабма – къарылырса.
- Ашаса, ашамаса да, бёрюню ауузу – къан.
- Тёзгеннге, джабылгъан эшик ачылыр.
- Эки ойлашыб, бир сёлешген.
- Ашлыкъны арба юйге келтирир, чана базаргъа элтир.
- Джолда аягъынга сакъ бол, ушакъда тилинге сакъ бол.
- Эки къатын алгъанны къулагъы тынгнгаймаз.
- Эте билген, этген этеди, эте билмеген, юретген этеди!
- Кёлсюзден сёзсюз тууар.
- Джылкъыдан – ат чыгъар, тукъумдан – джаш чыгъар.
- Эки къатын алгъан – эки ташны ортасына башын салгъан.
- Ишни аллы бла къууанма да, арты бла къууан.
- Аман адамны тепсинге олтуртсанг, къызынгы тилер.
- Ашыкъгъанны этеги бутуна чырмалыр.
- Ауругъаннга – кийик саулукъ, джетген къызгъа – чилле джаулукъ.
- Ушамагъан – джукъмаз.
- Рысхысына кёре, джаш ёсер, къышлыгъына кёре, мал ёсер.
- Телиге от эт десенг, юйюнге от салыр.
- Билимли ёлмез, билимсиз кёрмез.
- Тил – миллетни джаны.
- Ашарыкъда сайлагъаннга – чий гырджын.
- Джюз элде джюз ёгюзюм болгъандан эсе, джюз джууугъум болсун.
- Тюзню ётмеги тюзде къалса да, тас болмаз.
- Ата Джуртун танымагъан, атасын да танымаз.
- Чабакъгъа акъыл, табагъа тюшсе келеди.
- Элге къуллукъ этмеген, элге ие болмаз.
- Ауурну тюбю бла, дженгилни башы бла джюрюген.
- Ариу джол аджал келтирмез.
- Аш хазыр болса, иш харам болур.
- Сибиртки да сыйлы болду, кюрек да кюнлю болду.
- Акъыллы эркиши атын махтар, акъылсыз эркиши къатынын махтар.
- Чакъырылгъанны аты, чакъырылмагъанны багъасы болур.
- Айтханы чапыракъдан ётмеген.
- Халкъгъа джарагъан, джарлы къалмаз.
- Атлыны кёрсе, джаяуну буту талыр.
- Чомарт джарлы болмаз.
- Билимсиз иш бармаз.
- Ёлюр джаннга, ёкюл джокъ.
- Ётюрюкню башын керти кесер.
- Чарсда алчыны эл кёреди.
- Термилгенинги табмазса, кюлгенинге тюберсе.
- Джогъун бар этген, барын бал этген.
- Сыфатында болмагъаны, суратында болмаз.
- Миллетни бойну – базыкъ, аны бла кюрешген – джазыкъ.
- Къарнынг къанлынга кийирир.
- Ата джурт – алтын бешик.
- Ёгюзню мюйюзюнден тутадыла, адамны сёзюнден тутадыла.
- Къарт айтханны этмеген, къартаймаз.
- Къобан да къуру да къобханлай турмайды, адам да къуру да патчахлай турмайды.
- Тёрде – темир таякълы, къаяда – чыпчыкъ аякълы.
Ошибка!
Для просмотра темы введите ваши логин и пароль.Пожалуйста, авторизуйтесь: