- Тура эдим джата, къайдан чыкъды хата?
- Тамырсыз терекге таянма – джыгъылырса.
- Ата – билек, ана – джюрек!
- Башсыз урчукъ тюзюне айланмаз.
- Сютню башын джалагъан къутулур, тюбюн ичген тутулур.
- Сёз сёзню айтдырыр.
- Малны кют, джерни тюрт.
- Телиге акъыл салгъандан эсе, ёлгеннге джан салырса.
- Джылыгъа джылан илешир.
- Биреуню тёрюнден, кесинги эшик артынг игиди.
- Джангыз терек къынгыр ёсер.
- Ат басханны джер билед.
- Хар зат кесини орнуна иги.
- Къазанда болса, чолпугъа чыгъар.
- Адебсиз адам – джюгенсиз ат.
- Ушамагъан – джукъмаз.
- Къуллукъчума, деб махтанма, къуллукъ – хаух джамчыды!
- Эл ауузу – элек, анга ийнаннган – халек.
- Аман къатын сабий табса, бий болур…
- Хар сёзню орну барды.
- Чёбню кёлтюрсенг, тюбюнден сёз чыгъар.
- Ётюрюк хапар аякъ тюбю бла джюрюйдю.
- Бал чибинни ургъаны – ачы, балы – татлы.
- Джаш къарыу бла кючлю, къарт акъыл бла кючлю.
- Тёрде – темир таякълы, къаяда – чыпчыкъ аякълы.
- Тил бла келеди джыр да.
- Эллинг бла джау болсанг да, юйюнг бла джау болма.
- Ашыкъгъанны этеги бутуна чырмалыр.
- Ауругъан – джашаудан умутчу.
- Адамны джюреги нени кёрюрге сюйсе, кёзю да аны кёрюрге ёч болады.
- Кесине гебен этелмеген, биреуге черен эте эди.
- Аууздан келген, къолдан келсе, ким да патчах болур эди.
- Ётюрюкню къуйругъу – бир тутум.
- Татлы сёз – балдан татлы.
- Иги болса, тамадама – махтау, аман болса, меннге – айыб.
- Уллу къазанда бишген эт, чий къалмаз.
- Ачны эсинде – аш.
- Рысхы – насыбха къор.
- Ауругъанны сау билмез, ач къарынны токъ билмез.
- Ёлген эшек бёрюден къоркъмайды.
- Кимни – тили, тиши онглу, кимни – къолу, иши онглу.
- Эм уллу байлыкъ – джан саулукъ.
- Узун джолну барсанг, бюгюн келирсе, къысха джолну барсанг, тамбла келирсе.
- Ишленмеген джаш – джюгенсиз ат, ишленмеген къыз – тузсуз хант.
- Къазанны башы ачыкъ болса, итге уят керекди.
- Ашхы – джыяр, аман – джояр.
- Рысхысына кёре, джаш ёсер, къышлыгъына кёре, мал ёсер.
- Бермеген къол, алмайды.
- Джол бла сёзню къыйыры джокъ.
- Шапа кёб болса, аш татымсыз болур.
Ошибка!
Для просмотра темы введите ваши логин и пароль.Пожалуйста, авторизуйтесь: