Войти на сайт
11 Апреля  2021 года

 

  • Аз сёлешген, къайгъысыз турур.
  • Кесине гебен этелмеген, биреуге черен эте эди.
  • Аман адамны тепсинге олтуртсанг, къызынгы тилер.
  • Ёлюр джаннга, ёкюл джокъ.
  • Окъуусуз билим – джокъ, билимсиз кюнюнг – джокъ.
  • Джолунга кёре – джюрюшюнг, джагъанга кёре – юлюшюнг.
  • Билим ат болуб да чабар, къуш болуб да учар.
  • Тойгъанлыкъ къойгъа джарашады.
  • Тойгъа барсанг, тоюб бар, эски тонунгу къоюб бар.
  • Хата – гитчеден.
  • От этилмеген джерден тютюн чыкъмайды.
  • Къартны сыйын кёрмеген, къартлыгъында сыйлы болмаз.
  • Кёзден кетген, кёлден да кетеди.
  • Эшекни не къадар тюйсенг да, ат болмаз.
  • Чабар ат – джетген къыз.
  • Айтылгъан буйрукъ, сёгюлмез
  • Айраннга суу къош, телиге джол бош.
  • Уллу сёлешме да, уллу къаб.
  • Баш болса, бёрк табылыр.
  • Ата Джуртун танымагъан, атасын да танымаз.
  • Ач къарным, тынч къулагъым.
  • Махтаннган къыз, тойда джукълар.
  • Тамбла алтындан бюгюн багъыр ашхы.
  • Ашха уста, юйюнде болсун
  • Тенгни тенглиги джашай барсанг билинир.
  • Нафысынгы айтханын этме, намысынгы айтханын эт.
  • Биреуню эскиси биреуге джангы болмайды.
  • Малны кют, джерни тюрт.
  • Джетген къыз джерли эшекни танымаз.
  • Башынга джетмегенни сорма.
  • Кюн – узун, ёмюр – къысха.
  • Къарыусузгъа кюлме, онгсузгъа тийме.
  • Алма терегинден кери кетмез.
  • Башы джабылгъан челекге, кир тюшмез.
  • Мен да «сен», дейме, сен да «кесим», дейсе.
  • Ишлегенде эринме, ишде чолакъ кёрюнме.
  • Атадан ёксюз – бир ёксюз, анадан ёксюз – эки ёксюз.
  • Ач – эснер, ат – кишнер.
  • Джашлыкъ этмеген, башлыкъ этмез.
  • Таш ата билмеген, башына урур.
  • Чыбыкълыкъда бюгюлмеген, къазыкълыкъда бюгюлмей эди.
  • Ишге юренсин къоллары, халкъ бла болсун джоллары.
  • Джашда акъыл джокъ, къартда къарыу джокъ.
  • Игиге айтсанг – билир, аманнга айтсанг – кюлюр.
  • Адам бла мюлк юлешмеген эсенг, ол адамны билиб бошагъанма, деб кесинги алдама.
  • Адеб джокъда, намыс джокъ.
  • Кёб ант этген, кёб ётюрюк айтыр.
  • Шапа кёб болса, аш татымсыз болур.
  • Джашны джигитлиги сорулур, къызны джигерлиги сорулур.
  • Урунуу – насыбны анасы.

 

Ошибка!

Для просмотра темы введите ваши логин и пароль.
Пожалуйста, авторизуйтесь:
Логин:
Пароль:

Забыли свой пароль?

Зарегистрироваться
Если вы впервые на сайте, заполните, пожалуйста, регистрационную форму.

Написать нам