- Адам сёзге тынгыла, акъыл сёзню ангыла.
- Ётюрюкню башын керти кесер.
- Джети тилни билген джети кишиди.
- Джарлыны тону джаз битер.
- Кийимни бир кюнню аясанг, минг кюннге джарар.
- Аууздан келген, къолдан келсе, ким да патчах болур эди.
- Мен да «сен», дейме, сен да «кесим», дейсе.
- Иги адамны бир сёзю эки болмаз.
- Тамчы таш тешер.
- Орундукъ тюбюнде атылсам да, орта джиликме, де да айлан.
- Эри аманны, къатыны – аман.
- Юреннген ауруу къалмаз.
- Къуру гыбыт бек дыгъырдар.
- Джарлы тюеге минсе да, ит къабар.
- Ачылгъан эт джабылыр, кёрген кёз унутмаз.
- Кимни – тили, тиши онглу, кимни – къолу, иши онглу.
- Тёрени джагъы джокъ.
- Биреу къой излей, биреу той излей.
- Нарт сёз – тилни бети.
- Таукел къуру къалмаз.
- Окъуу – билимни ачхычы, окъуу – дунияны бачхычы.
- Аууз сакълагъан – джан сакълар.
- Элде адам къалмаса, ит тахтагъа минер.
- Кеси юйюмде мен да ханма.
- Къыз келсе, джумуш эте келеди, къатын келсе, ушакъ эте келеди.
- Ушамагъан – джукъмаз.
- Чабакъ башындан чирийди.
- Агъач халкъгъа алтынды, иссиликге салкъынды.
- Тил – кесген бычакъ, сёз – атылгъан окъ.
- Бети – къучакълар, джюреги – бычакълар.
- Ёлмесенг да, къарт дамы болмазса?
- Босагъагъа джууукъ орун болса, ашыгъыб тёрге озма.
- Ата Джуртуму башы болмасам да, босагъасында ташы болайым.
- Кёб къычыргъандан – къоркъма, тынч олтургъандан – къоркъ.
- Хата – гитчеден.
- Къонагъынгы артмагъын алма да, алгъышын ал.
- Эркиши – от, тиширыу – суу.
- Къарнынг ауруса, ауузунгу тый
- Билим къая тешер.
- Айныгъанлы алты кюн, тогъайгъанлы тогъуз кюн.
- Джол бла сёзню къыйыры джокъ.
- Алма терегинден кери кетмез.
- Къаллай салам берсенг, аллай джууаб алырса.
- Джогъун бар этген, барын бал этген.
- Кюл тюбюндеги от кёрюнмейди.
- Бёрю да ач къалмасын, эчки да ашалмасын.
- Джыланны къуйругъундан басарынг келсе, аны башы болгъанын унутма.
- Ёлген эшек бёрюден къоркъмайды.
- Къонакъ хазыр болгъанлыкъгъа, къонакъбай хазыр тюлдю.
- Джыгъылгъанны сырты джерден тоймаз.
Ошибка!
Для просмотра темы введите ваши логин и пароль.Пожалуйста, авторизуйтесь: