- Ач – эснер, ат – кишнер.
- Таш бла ургъанны, аш бла ур.
- Ёксюзню къалачы уллу кёрюнюр.
- Къайгъыны сюйген, къайгъы табар.
- Къарт айтханны этмеген, къартаймаз.
- Башланнган иш битер, къымылдагъан тиш тюшер.
- Тёгюлген тюгел джыйылмайды.
- Келинни – келгинчи, бёркню кийгинчи кёр.
- Уллу айтханны этмеген – уллаймаз.
- Адеб базарда сатылмаз.
- Акъыл къартда, джашда тюйюлдю – башдады.
- Юйлю уругъа ит чабмаз.
- Огъурлуну сёзю – суу, огъурсузну сёзю – уу.
- Чомарт къолда мал къалмаз.
- Тешигини къатында, чычхан да батыр болур.
- Джахил болса анасы, не билликди баласы?
- Кёл – къызбай, къол – батыр.
- Игини сыйлагъан адетди.
- Суугъа – таянма, джаугъа – ийнанма.
- Чакъырылмагъан къонакъ тёрге атламаз.
- Дженгил джетерикме деб, узун джолну къоюб, къысхасын барма.
- Бир онгсуз адам адет чыгъарды, деб эштирик тюлсе.
- Байны къызы баймакъ болса да, юйде къалмаз!
- Акъыл аздырмаз, билим тоздурмаз.
- Этек чакъмакълары баш джаргъан, сёлешген сёзлери таш джаргъан.
- Тюзлюк тас болмайды.
- Ариу джол аджал келтирмез.
- Эли джокъну – кёлю джокъ.
- Алгъанда – джууукъ, бергенде – джау.
- Кийим тукъум сордурур.
- Татлы тилде – сёз ариу, чемер къолда – иш ариу.
- Айныгъанлы алты кюн, тогъайгъанлы тогъуз кюн.
- Джерни букъусу кёкге къонмаз.
- Махтаннган къыз, тойда джукълар.
- Тин – байлыгъынг, терен саулугъунг.
- Алтыда кюлмеген, алтмышда кюлмез.
- Тура эдим джата, къайдан чыкъды хата?
- Ач уят къоймаз.
- Кёпюр салгъан кеси ётер, уру къазгъан кеси кетер.
- Тик ёргени, тик энгишгеси да болады.
- Узун джолну барсанг, бюгюн келирсе, къысха джолну барсанг, тамбла келирсе.
- Этни бети бла шорпасы.
- Къошда джокъгъа – юлюш джокъ.
- Баланы адам этген анады.
- Дуния аламаты сен эсенг да, игиме деб айтма.
- Джыланны къуйругъундан басарынг келсе, аны башы болгъанын унутма.
- Ачлыкъда тары гырджын халыуадан татлы.
- Тенги кёбню джау алмаз, акъылы кёбню дау алмаз.
- Адеб джокъда, намыс джокъ.
- Чыкълы кюнде чыкъмагъан, чыкъса къуру кирмеген.
Ошибка!
Для просмотра темы введите ваши логин и пароль.Пожалуйста, авторизуйтесь: