- Ашлыкъ – бюртюкден, джюн – тюкден.
- Кечеси – аяз, кюню – къыш, джарлы къаргъагъа бир аш тюш!
- Билим насыб берир, билим джолну керир.
- Тёзген – тёш ашар!
- Къошда джокъгъа – юлюш джокъ.
- Ёксюзню тилеги къабыл болур.
- Кёл – къызбай, къол – батыр.
- Тёгюлген тюгел джыйылмайды.
- Суу кетер, таш къалыр.
- Бек анасы джыламаз.
- Азыкълы ат арымаз, къатыны аман джарымаз.
- Телини эшигин, махтау джабар.
- Аууздан келген, къолдан келсе, ким да патчах болур эди.
- Иги бла джюрюсенг, джетерсе муратынга, аман бла джюрюсенг, къалырса уятха.
- Уллу сёлешме да, уллу къаб.
- Къартны бурнун сюрт да, оноугъа тут.
- Ашыкъгъанны этеги бутуна чырмалыр.
- Чакъырылмагъан къонакъ – орунсуз.
- Адамгъа аман кюн соруб келмейди.
- Джылкъыдан – ат чыгъар, тукъумдан – джаш чыгъар.
- Шекер бла туз – бир болмаз, ушамагъан – юй болмаз.
- Юйюнг бла джау болгъандан эсе, элинг бла джау бол.
- Эринчекни эр алмаз, эр алса да, кёл салмаз, кёл салса да, кёб бармаз!
- Аз сёлешген, къайгъысыз турур.
- Адеби болмагъан къыз – тузсуз хант.
- Оюмсуз атлагъан, аджалсыз ёлюр.
- Акъыллы айтыр эди, акъылсыз къоймайды.
- Тойгъанлыкъ къойгъа джарашады.
- Алгъанда – джууукъ, бергенде – джау.
- Тешигини къатында, чычхан да батыр болур.
- Къонакъ кёб келюучю юйню, къазаны отдан тюшмез.
- Адамны артындан къара сабан сюрме.
- Байны къызы баймакъ болса да, юйде къалмаз!
- Орну джокъну – сыйы джокъ.
- Къайгъы тюбю – тенгиз.
- Абынмазлыкъ аякъ джокъ, джангылмазлыкъ джаякъ джокъ.
- Тин – байлыгъынг, терен саулугъунг.
- Таула не мийик болсала да, аууш табылыр.
- Къарнынг ауруса, ауузунгу тый
- Ач, тоймам, дейди, тойгъан, ач болмам, дейди.
- Сагъышы джокъ – джукъучу, акъылы джокъ – къаугъачы.
- Юйюнгден чыкъдынг – кюнюнгден чыкъдынг.
- Суугъа – таянма, джаугъа – ийнанма.
- Башсыз урчукъ тюзюне айланмаз.
- Джашлыкъ этмеген, башлыкъ этмез.
- Кюлме джашха – келир башха.
- Ёлген аслан – сау чычхан.
- Аджал соруб келмез, келсе, къайтыб кетмез.
- Ашхы сёз таш тешер.
- Джашда акъыл джокъ, къартда къарыу джокъ.
Ошибка!
Для просмотра темы введите ваши логин и пароль.Пожалуйста, авторизуйтесь: