- Тин – байлыгъынг, терен саулугъунг.
- Телини эшигин, махтау джабар.
- Суу кетер, таш къалыр.
- Ашда – бёрю, ишде – ёлю.
- Зарда марда джокъ.
- Сабий кёргенин унутмаз.
- Аз сёлешген, къайгъысыз турур.
- Ата Джуртун танымагъан, атасын да танымаз.
- Ат басханны джер билед.
- Адамны аты башхача, акъылы да башхады.
- Акъыллы – эл иеси, тели – эл баласы.
- Джукъу тёшек сайламайды.
- Аман адамны тепсинге олтуртсанг, къызынгы тилер.
- Кёб ант этген, кёб ётюрюк айтыр.
- Къарт бла баш аша, джаш бла аякъ аша.
- Уллу суу бла уллу ауруудан башынгы сакъла.
- Мухар, кеси тойса да, кёзю тоймаз.
- Иесиз малны бёрю ашар.
- Туз, гырджын аша, тюзлюк бла джаша.
- Олтуруб кёрюнмей эди да, ёрге туруб кёрюне эди.
- Этни бети бла шорпасы.
- Тойгъа барсанг, тоюб бар, эски тонунгу къоюб бар.
- Оюмсуз атлагъан, аджалсыз ёлюр.
- Эки элинги тыйсанг, джети элде махталырса.
- Нафысынгы айтханын этме, намысынгы айтханын эт.
- Рысхы джалгъанды: келген да этер, кетген да этер.
- Акъылсызны джууукъгъа алма, акъыллыны кенгнге салма.
- Джылкъыдан – ат чыгъар, тукъумдан – джаш чыгъар.
- Бюгюн дуния кибик, тамбла ахыратды.
- Ишлегенден, къарагъан уста.
- Хар адамгъа кеси миннген тау кибик.
- Къартха ушагъан джаш – акъыллы, джашха ушагъан къарт – тели.
- Ишни аллы бла къууанма да, арты бла къууан.
- Джол бла сёзню къыйыры джокъ.
- Аджашхан тёгерек айланыр.
- «Ёгюз, джаргъа джууукъ барма, меннге джюк боллукъса», - дегенди эшек.
- Чомарт бергенин айтмаз.
- Игиге айтсанг – билир, аманнга айтсанг – кюлюр.
- Къарын къуру болса, джюрек уру болур.
- Иги – алгъыш этер, аман – къаргъыш этер.
- Агъач халкъгъа алтынды, иссиликге салкъынды.
- Ашда уялгъан – мухар, ишде уялгъан – хомух.
- Къайтырыкъ эшигинги, къаты уруб чыкъма.
- Джюз элде джюз ёгюзюм болгъандан эсе, джюз джууугъум болсун.
- Адам къаллай бир ишленмесе, аллай бир кесин уллу кёреди.
- Айран ичген – къутулду, джугъусун джалагъан – тутулду.
- Чакъырылмагъан джерге барма, чакъырылгъан джерден къалма.
- Джашны джигитлиги сорулур, къызны джигерлиги сорулур.
- Къалгъан ишге къар джауар.
- Сакъ юйюне сау барыр.
Ошибка!
Для просмотра темы введите ваши логин и пароль.Пожалуйста, авторизуйтесь: