- Ашхы – джыяр, аман – джояр.
- Ата джурт – алтын бешик.
- Эски джаугъа ышанма.
- Ёксюзню къалачы уллу кёрюнюр.
- Хата – гитчеден.
- Юйюнг бла джау болгъандан эсе, элинг бла джау бол.
- Чомартны къолун джокълукъ байлар.
- Телини эшигин, махтау джабар.
- Къыйынлы джети элге оноу этер.
- Чомарт бергенин айтмаз.
- Аманны тукъумуна къарама, игини тукъумун сорма.
- Кёпюр салгъан кеси ётер, уру къазгъан кеси кетер.
- Уллу айтханны этмеген – уллаймаз.
- Таякъ этден ётер, тил сюекден ётер.
- Байлыкъ адамны сокъур этер.
- Кёб джашагъан – кёб билир.
- Къаллай салам берсенг, аллай джууаб алырса.
- Тилде сюек болмаса да, сюек сындырыр.
- Экиндини кеч къылсанг, чабыб джетер ашхам.
- Адамны аты башхача, акъылы да башхады.
- Адам боллукъ, атламындан белгили болур.
- Чабар ат – джетген къыз.
- Билимсиз иш бармаз.
- Ач къалгъандан, кеч къалгъан къолай.
- Тамырсыз терекге таянма – джыгъылырса.
- Бермеген къол, алмайды.
- Ач уят къоймаз.
- Эринчекни аурууу – кёб.
- Къолунгдан къуймакъ ашатсанг да, атаны борчундан къутулмазса.
- Башынга джетмегенни сорма.
- Чакъырылмагъан къонакъ къачан кетерин сормаз.
- Таш ата билмеген, башына урур.
- Халкъны джырын джырласанг, халкъ санга эжиу этер.
- Ишлемеген – тишлемез.
- Тёзген – тёш ашар!
- Къыз чыгъаргъан – къызыл къымжа.
- Мал ёлсе, сюек къалыр, адам ёлсе, иши къалыр.
- Мухардан ач ычхынмаз.
- Ёлмесенг да, къарт дамы болмазса?
- Биреу ашаб къутулур, биреу джалаб тутулур.
- Юйюнгден чыкъдынг – кюнюнгден чыкъдынг.
- Адеб джокъда, намыс джокъ.
- Орундукъ тюбюнде атылсам да, орта джиликме, де да айлан.
- Ичимден чыкъды хата, къайры барайым сата?
- Байны оноуу, джарлыгъа джарамаз.
- Билимден уллу байлыкъ джокъду.
- Чёбню кёлтюрсенг, тюбюнден сёз чыгъар.
- Адамны аманы адамны бети бла ойнар.
- Къарнынг ауруса, ауузунгу тый
- Баш болса, бёрк табылыр.
Ошибка!
Для просмотра темы введите ваши логин и пароль.Пожалуйста, авторизуйтесь: