- Эм ашхы къайын ана мамукъ бла башынгы тешер.
- Айыбны суу бла джууалмазса.
- Адам сёзге тынгыла, акъыл сёзню ангыла.
- Джолда аягъынга сакъ бол, ушакъда тилинге сакъ бол.
- Сескекли кесин билдирир.
- Тойгъандан сора, ашны сёкме.
- Юйлю уругъа ит чабмаз.
- Ач да бол, токъ да бол – намысынга бек бол.
- Аш хазыр болса, иш харам болур.
- Кечеси – аяз, кюню – къыш, джарлы къаргъагъа бир аш тюш!
- Къызгъанчдан ычхыныр, мухардан ычхынмаз.
- Кийим тукъум сордурур.
- Ишлемеген – тишлемез.
- Эртде тургъан бла эртде юйленнген сокъуранмаз.
- Кёлсюзден сёзсюз тууар.
- Азыкъ аз болса, эртде орун сал.
- Юйюнгден чыкъдынг – кюнюнгден чыкъдынг.
- Садакъачыны джаны – къапчыгъында.
- Алтыннга тот къонмаз.
- Кийиминг бла танылма, адамлыкъ бла таныл.
- Тас болгъан бычакъны сабы – алтын.
- Къызын тута билмеген, тул этер, джашын тута билмеген, къул этер.
- Джыланны къуйругъундан басарынг келсе, аны башы болгъанын унутма.
- Кёзден кетген, кёлден да кетеди.
- Ариу сёз джыланны орнундан чыгъарыр.
- Зар адам ашынгы ашар, кесинги сатар.
- Кёзню ачылгъаны – иги, ауузну джабылгъаны – иги.
- Сёз сёзню айтдырыр.
- Рысхы – сют юсюнде кёмюк кибикди.
- Элге къуллукъ этмеген, элге ие болмаз.
- Кёз – сюйген джерде, къол – ауругъан джерде.
- Иги сёз – джаннга азыкъ, аман сёз башха – къазыкъ.
- Джырына кёре эжиую.
- Келгинчи, къонакъ уялыр, келгенден сора, къонакъбай уялыр.
- Кёб джашагъан – кёб билир.
- Нёгер болсанг, тенг бол, тенг болмасанг, кенг бол.
- Гырджын – тепсини тамадасы.
- Бастасын ашагъан, хантусун да ичер.
- Сууда джау джокъ, кёб сёзде магъана джокъ.
- Башсыз урчукъ тюзюне айланмаз.
- Ата – баланы уясы.
- Аш кетер да бет къалыр.
- Мал кёб болса, джууукъ кёб болур.
- Чабакъсыз кёлге къармакъ салгъанлыкъгъа, чабакъ тутмазса.
- Тенги кёбню джау алмаз, акъылы кёбню дау алмаз.
- Акъыллы айтыр эди, акъылсыз къоймайды.
- Къарыусузгъа кюлме, онгсузгъа тийме.
- Тешигини къатында, чычхан да батыр болур.
- Онгсузну – джакъла, тенгликни – сакъла.
- Джангыз терек къынгыр ёсер.
Ошибка!
Для просмотра темы введите ваши логин и пароль.Пожалуйста, авторизуйтесь: