- Тойгъа алгъа да барма, тойда артха да къалма.
- Келинни – келгинчи, бёркню кийгинчи кёр.
- Арыгъан къош чамчы болур.
- Юй кюйдю да, кюйюз чыкъды, ортасындан тюйюш чыкъды.
- Ач отунчуну ачыуу – бурнунда.
- Экеулен сёлеше тура эселе, орталарына барыб кирме.
- Киштикге къанат битсе, чыпчыкъ къалмаз эди.
- Аман къатын алгъан, арыр, иги къатын алгъан джарыр.
- Эл бла кёргенинг эрелей.
- Аджашхан тёгерек айланыр.
- Джерни букъусу кёкге къонмаз.
- Кюн кёрмеген, кюн кёрсе, кюндюз чыракъ джандырыр.
- Юре билмеген ит, къонакъ келтирир.
- Къая джолда джортма, ачыкъ сёзден къоркъма.
- Джырына кёре эжиую.
- Миллетни бойну – базыкъ, аны бла кюрешген – джазыкъ.
- Игини сыйлагъан адетди.
- Къартны сыйын кёрмеген, къартлыгъында сыйлы болмаз.
- Зар адамны насыбы болмаз.
- Къыз келсе, джумуш эте келеди, къатын келсе, ушакъ эте келеди.
- Этни бети бла шорпасы.
- Къатын къылыкъсыз, эр тынчлыкъсыз.
- Тас болгъан бычакъны сабы – алтын.
- Татлы тилде – сёз ариу, чемер къолда – иш ариу.
- Аман эсирсе, юйюн ояр.
- Къозулугъунда тоймагъан, къойлугъунда тоймаз.
- Эм уллу байлыкъ – джан саулукъ.
- Эри аманны, къатыны – аман.
- Азыгъы аз, алгъа къабар, аты аман, алгъа чабар.
- Ишлемеген – тишлемез.
- Суугъа – таянма, джаугъа – ийнанма.
- Ауузу аманнга «иги», деме.
- Биреуге аманлыкъ этиб, кесинге игилик табмазса.
- Къазанчы аман болса, къазаны къайнамаз.
- Ач къарным, тынч къулагъым.
- Зар адам ашынгы ашар, кесинги сатар.
- Аллахдан тилесенг, кёб тиле.
- Айтылгъан буйрукъ, сёгюлмез
- Ёлген эшек бёрюден къоркъмайды.
- Ата Джуртун танымагъан, атасын да танымаз.
- Чакъырылмагъан къонакъ къачан кетерин сормаз.
- Арба аугъандан сора, джол кёргюзтюучю кёб болур.
- Ашатыргъа иш – ашхы, ишлетирге аш – ашхы.
- Ашаса, ашамаса да, бёрюню ауузу – къан.
- Ата – баланы уясы.
- Терслик кетер, тюзлюк джетер.
- Аз сёлеш, кёб ишле.
- Алма терегинден кери кетмез.
- Эрни эр этерик да, къара джер этерик да, тиширыуду.
- Мени джылытмагъан кюн, меннге тиймесин!
Ошибка!
Для просмотра темы введите ваши логин и пароль.Пожалуйста, авторизуйтесь: