- Халкъны джырын джырласанг, халкъ санга эжиу этер.
- Билим ат болуб да чабар, къуш болуб да учар.
- Къар – келтирди, суу – элтди.
- Элиб деген, элге болушур.
- Хоншуну тауугъу къаз кёрюнюр, келини къыз кёрюнюр.
- Къулакъдан эсе, кёзге ышан.
- Иги бла джюрюсенг, джетерсе муратынга, аман бла джюрюсенг, къалырса уятха.
- Джангыз терек къынгыр ёсер.
- Кёзю сокъурдан – къоркъма, кёлю сокъурдан – къоркъ.
- Зар адамны насыбы болмаз.
- Тик ёргени, тик энгишгеси да болады.
- Бал чибинни ургъаны – ачы, балы – татлы.
- Эрине къаргъыш этген къатын, эрнин къабар.
- Тил – кесген бычакъ, сёз – атылгъан окъ.
- Хар адамгъа кеси миннген тау кибик.
- Иесиз малны бёрю ашар.
- Ёлюр джаннга, ёкюл джокъ.
- Тешик этген тынчды, аны джамагъан къыйынды.
- Ханнга да келеди хариблик.
- Душманны тышы – акъ, ичи – къара.
- Телиге акъыл салгъандан эсе, ёлгеннге джан салырса.
- Уруну арты – къуру.
- Эл бла кёргенинг эрелей.
- Бетинги сатма, малынгы сат.
- Эски джаугъа ышанма.
- Тилчиден кери бол.
- Къан бла кирген, джан бла чыгъар.
- Сескекли кесин билдирир.
- Татлы тилде – сёз ариу, чемер къолда – иш ариу.
- Ачыкъ джюрекге джол – ачыкъ.
- Босагъа таш юйге кирмей эди, тыбыр таш эшикге чыкъмай эди.
- Чарсда алчыны эл кёреди.
- Уллу атлама – абынырса, уллу къабма – къарылырса.
- Таукел тауну аудурур.
- Чомартха Тейри да борчлуду.
- Джарашыу сюйген – джалынчакъ.
- Aдам боллукъ, сыфатындан белгили.
- Тил – миллетни джаны.
- Атынг аманнга чыкъгъандан эсе, джанынг тамагъынгдан чыкъсын.
- Бек ашыкъгъан меннге джетсин, дегенди аракъы.
- Кёб ант этген, кёб ётюрюк айтыр.
- Джукъу тёшек сайламайды.
- Билимли ёлмез, билимсиз кёрмез.
- Асхат ашлыкъ сата, юйдегиси ачдан къата.
- Аз айтсам, кёб ангылагъыз.
- Юйюнгден чыкъдынг – кюнюнгден чыкъдынг.
- Байма, деб да, къууанма, джарлыма, деб да, джылама.
- Ашыкъгъанны этеги бутуна чырмалыр.
- Чакъырылмай келген къонакъ сыйланмай кетер.
- Къарнынг бла ёч алма.
Ошибка!
Для просмотра темы введите ваши логин и пароль.Пожалуйста, авторизуйтесь: