- Джарашыу сюйген – джалынчакъ.
- Джаралыны джастыгъында сау ёлюр.
- Юйюнг бла джау болгъандан эсе, элинг бла джау бол.
- Джаным-тиним – окъуу, билим.
- Ана кёлю – балада, бала кёлю – талада.
- Чакъырылмагъан къонакъ – орунсуз.
- Ата – билек, ана – джюрек!
- Кёлсюзден сёзсюз тууар.
- Джарлы джети элни сёзюн этер.
- Накъырданы арты керти болур.
- Ачыкъ джюрекге джол – ачыкъ.
- Эринчекни эр алмаз, эр алса да, кёл салмаз, кёл салса да, кёб бармаз!
- Ашарыкъда сайлагъаннга – чий гырджын.
- Джарлы тюеге минсе да, ит къабар.
- Тыш элде солтан болгъандан эсе, кесинги элде олтан болгъан игиди!
- Джырчы джырчыгъа – къарнаш.
- Башсыз урчукъ тюзюне айланмаз.
- Сагъыш – къартлыкъгъа сюйюмчю.
- Байлыкъ тауусулур, билим тауусулмаз.
- Джашынгы кесинг юретмесенг, джашау юретир.
- Байлыкъдан саулукъ ашхыды.
- Ата Джуртун танымагъан, атасын да танымаз.
- Ашхы тенг джолгъа салыр, аман тенг джолдан тайдырыр.
- Артына баргъанны, къатына барма.
- Телини эшигин, махтау джабар.
- Ачны эсинде – аш.
- Намыс болмагъан джерде, насыб болмаз.
- Махтаннган къыз, тойда джукълар.
- Ауурну тюбю бла, дженгилни башы бла джюрюген.
- Таукелге нюр джауар.
- Айранны сюйген, ийнек тутар.
- Адеб джокъда, намыс джокъ.
- Борчунг бар эсе, хурджунунга ойлаб узал.
- Экеу тутушса, биреу джыгъылыр.
- Ана къолу ачытмаз.
- Адамны джюреги нени кёрюрге сюйсе, кёзю да аны кёрюрге ёч болады.
- Билимли ёлмез, билимсиз кёрмез.
- Иши джокъну, сыйы джокъ.
- Тамбла алтындан бюгюн багъыр ашхы.
- Аш иеси бла татлыды.
- Къарнынг ауруса, ауузунгу тый
- Ачлыкъда тары гырджын халыуадан татлы.
- Зар адам ашынгы ашар, кесинги сатар.
- Таш ата билмеген, башына урур.
- Къарт болгъан джерде, берекет болур, сабий болгъан джерде, оюн болур.
- Байма, деб да, къууанма, джарлыма, деб да, джылама.
- Атынг аманнга чыкъгъандан эсе, джанынг тамагъынгдан чыкъсын.
- Тюзню ётмеги тюзде къалса да, тас болмаз.
- Аман киши кеси юйюнде – къонакъ.
- Гугук кесини атын айтыб къычыргъанча, мен, мен деб нек тураса?
Ошибка!
Для просмотра темы введите ваши логин и пароль.Пожалуйста, авторизуйтесь: