- Башынга джетмегенни сорма.
- Ким бла джюрюсенг, аны кёзю бла кёрюнюрсе.
- Таукел адам тау тешер.
- Керти сёзге тёре джокъ.
- Джигер – джаннга къыйынлыкъ.
- Сакъ юйюне сау барыр.
- Адамны аманы адамны бети бла ойнар.
- Тынгылагъан тынгы бузар.
- Джолда аягъынга сакъ бол, ушакъда тилинге сакъ бол.
- Къарын къуру болса, джюрек уру болур.
- Ауругъан – джашаудан умутчу.
- Аурууну келиую тынч, кетиую – къыйын.
- Алтыннга тот къонмаз.
- Тойну къарнашы – харс, джырны къарнашы – эжиу.
- Къыз келсе, джумуш эте келеди, къатын келсе, ушакъ эте келеди.
- Джерни букъусу кёкге къонмаз.
- Мураты болгъанны джюрек тебюую башхады.
- Ата джурт – алтын бешик.
- Тау башында, тау болмаз, джангыз терек, бау болмаз.
- Сангырау къулакъ эл бузар.
- Айранын берсенг, челегин да къызгъанма.
- Ёпкелегенни ашы татлы болады.
- Ашда – бёрю, ишде – ёлю.
- Ишни ахырын ойламай, аллын башлама.
- Ханнга да келеди хариблик.
- Эки ойлашыб, бир сёлешген.
- Эркишиге тары кебек танг кёрюнюр.
- Ёлген аслан – сау чычхан.
- Джангыз торгъай джырламаз.
- Кёзден кетген, кёлден да кетеди.
- Сакъалы текени да бар, мыйыгъы киштикни да бар.
- Ауузу аманнга «иги», деме.
- Этни да ашады, бетни да ашады.
- Адамны сыфатына къарама, сёзюне къара.
- Телиге акъыл салгъандан эсе, ёлгеннге джан салырса.
- Аман хансны – урлугъу кёб.
- Джаш къарыу бла кючлю, къарт акъыл бла кючлю.
- Башланнган иш битер, къымылдагъан тиш тюшер.
- Къонакъ болсанг, ийнакъ бол.
- Хантына кёре тузу, юйюне кёре къызы.
- Джыланны къуйругъундан басарынг келсе, аны башы болгъанын унутма.
- Олтуруб кёрюнмей эди да, ёрге туруб кёрюне эди.
- Чёбню кёлтюрсенг, тюбюнден сёз чыгъар.
- Ашатыргъа иш – ашхы, ишлетирге аш – ашхы.
- Намысы болмагъанны, сыйы болмаз.
- Джылар джаш, атасыны сакъалы бла ойнар.
- Башы джабылгъан челекге, кир тюшмез.
- Къатын байлыкъны сюер, эр саулукъну сюер.
- Ёзденликни кёбю ётюрюк.
- Къыйынлы джети элни къайгъысын этер.
Ошибка!
Для просмотра темы введите ваши логин и пароль.Пожалуйста, авторизуйтесь: