- Акъыл къартда, джашда тюйюлдю – башдады.
- Махтаннган къыз, тойда джукълар.
- Къонакъ аз олтурур, кёб сынар.
- Тыш элде солтан болгъандан эсе, кесинги элде олтан болгъан игиди!
- Келинин тута билмеген, къул этер, къызын тута билмеген, тул этер.
- Адамны аты башхача, акъылы да башхады.
- Намыс болмагъан джерде, насыб болмаз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Адеби болмагъан къыз – тузсуз хант.
- Айтылгъан сёз ызына къайтмаз.
- Сагъыш – къартлыкъгъа сюйюмчю.
- Ётюрюк хапар аякъ тюбю бла джюрюйдю.
- Ашхы адам – халкъ байлыгъы, ашхы джер – джашау байлыгъы.
- Бал – татлы, балдан да бала – татлы.
- Таукел адам тау тешер.
- Сангырау къулакъ эл бузар.
- Къоркъакъны кёзю экили кёрюр.
- Арбаз къынгырды да, ийнек сауалмайма.
- Къатыны харакетли болса, эри къымсыз болур.
- Ариу сёз аурууунгу алыр.
- Адамны сабийин сюйген джюреги, бычакъча, джитиди.
- Аман хансны – урлугъу кёб.
- Джигер – джаннга къыйынлыкъ.
- Тамбла алтындан бюгюн багъыр ашхы.
- Эри аманны, къатыны – аман.
- Итли къонакъ джарашмаз.
- Адам сёзге тынгыла, акъыл сёзню ангыла.
- Ауузу аманнга «иги», деме.
- Джети тилни билген джети кишиди.
- Уллу сёзде уят джокъ.
- Халкъны юйю – туугъан джери.
- Татлы тилде – сёз ариу, чемер къолда – иш ариу.
- Башсыз урчукъ тюзюне айланмаз.
- Магъанасыз сёз – тауушсуз сыбызгъы.
- Къыз тиширыу кеси юйюнде да къонакъды.
- Ариу сёзде ауруу джокъ.
- Къошда джокъгъа – юлюш джокъ.
- Акъыл аздырмаз, билим тоздурмаз.
- Киштикге къанат битсе, чыпчыкъ къалмаз эди.
- Ашхы тенг джолгъа салыр, аман тенг джолдан тайдырыр.
- Тойгъан джерге джети къайт.
- Чакъырылмай келген къонакъ сыйланмай кетер.
- Иги сёз – джаннга азыкъ, аман сёз башха – къазыкъ.
- Адебсиз адам – джюгенсиз ат.
- Хар сёзню орну барды.
- «Ёгюз, джаргъа джууукъ барма, меннге джюк боллукъса», - дегенди эшек.
- Къанны къан бла джуума, аманны аман бла къуума.
- Чомарт джарлы болмаз.
- Тойну къарнашы – харс, джырны къарнашы – эжиу.
- Кёкдеги болмаса, джердегин кёрмейди.
Ошибка!
Для просмотра темы введите ваши логин и пароль.Пожалуйста, авторизуйтесь: