- Чомарт къолда мал къалмаз.
- Байлыкъ болгъан джерде, тынчлыкъ джокъду.
- Джюз элде джюз ёгюзюм болгъандан эсе, джюз джууугъум болсун.
- Кесине гебен этелмеген, биреуге черен эте эди.
- Мал ёлсе, сюек къалыр, адам ёлсе, иши къалыр.
- Кёз – сюйген джерде, къол – ауругъан джерде.
- Адамны бетине къарама, адетине къара.
- Ёмюрлюк шохлукъну джел элтмез.
- Ауузу бла къуш тута айланады.
- Хантына кёре тузу, юйюне кёре къызы.
- Оюмсуз атлагъан, аджалсыз ёлюр.
- Къызгъанчдан ычхыныр, мухардан ычхынмаз.
- Арба аугъандан сора, джол кёргюзтюучю кёб болур.
- Аллахдан тилесенг, кёб тиле.
- Тёрдеги кюлсе, эшикдеги ышарыр.
- Айырылмаз джууугъунга, унутмаз сёзню айтма.
- Элиб деген, элге болушур.
- Акъыл бла адеб эгизледиле.
- Мухар, кеси тойса да, кёзю тоймаз.
- Керти сёзге тёре джокъ.
- Эртде тургъан бла эртде юйленнген сокъуранмаз.
- Аманнга да, игиге да оноусуз къатышма.
- Сабийни джумушха джибер да, ызындан бар.
- Чомарт джарлы болмаз.
- Чакъырылмагъан джерге барма, чакъырылгъан джерден къалма.
- Ышармагъан – кюлмез, кюлмеген – къууанчны билмез.
- Таула не мийик болсала да, аууш табылыр.
- Къарт бла баш аша, джаш бла аякъ аша.
- Ойнай-ойнай кёз чыгъар.
- Байлыкъ келсе, акъыл кетер.
- Ариуну – ауруу кёб.
- Кёбден умут этиб, аздан къуру къалма.
- Джылыгъа джылан илешир.
- Кёб джат да, бек чаб.
- Джашлыкъ этмеген, башлыкъ этмез.
- Тил – миллетни джаны.
- Ашхы – джыяр, аман – джояр.
- Тюзлюк шохлукъну бегитир.
- Тилде сюек болмаса да, сюек сындырыр.
- Аджал соруб келмез, келсе, къайтыб кетмез.
- Джан саулукъ бермей, сан саулукъ бермезсе.
- Ата Джуртуму башы болмасам да, босагъасында ташы болайым.
- Эркишиге тары кебек танг кёрюнюр.
- Тойгъанлыкъ къойгъа джарашады.
- Ачыу алгъа келсе, акъыл артха къалады.
- Кийим тукъум сордурур.
- Байлыкъдан саулукъ ашхыды.
- Ана къолу ачытмаз.
- Джиби бир къат джетмей эди да, эки къат тарта эди.
- Тойгъандан сора, ашны сёкме.
Ошибка!
Для просмотра темы введите ваши логин и пароль.Пожалуйста, авторизуйтесь: