- Намыс болмагъан джерде, насыб болмаз.
- Сибиртки да сыйлы болду, кюрек да кюнлю болду.
- Адамны джюреги нени кёрюрге сюйсе, кёзю да аны кёрюрге ёч болады.
- Атадан ёксюз – бир ёксюз, анадан ёксюз – эки ёксюз.
- Рысхы – насыбха къор.
- Мухар, кеси тойса да, кёзю тоймаз.
- Тойну къарнашы – харс, джырны къарнашы – эжиу.
- Эртде тургъан бла эртде юйленнген сокъуранмаз.
- Къуллукъчума, деб махтанма, къуллукъ – хаух джамчыды!
- Тау башында, тау болмаз, джангыз терек, бау болмаз.
- Сакъ юйюне сау барыр.
- Эрине къаргъыш этген къатын, эрнин къабар.
- Къарны аманнга къазан такъдырма, къолу аманнга от джакъдырма.
- Къан бла кирген, джан бла чыгъар.
- Джырчы ёлсе, джыры къалыр.
- Къонагъынгы артмагъын алма да, алгъышын ал.
- Биреуге аманлыкъны тилеме да, кесинге ашхылыкъны тиле.
- Джогъун бар этген, барын бал этген.
- Окъугъан – асыу, окъумагъан – джарсыу.
- Джыланны къуйругъундан басарынг келсе, аны башы болгъанын унутма.
- Адебсиз адам – джюгенсиз ат.
- Билген билмегенни юретген адетди.
- Къыз келсе, джумуш эте келеди, къатын келсе, ушакъ эте келеди.
- Ач да бол, токъ да бол – намысынга бек бол.
- Кёбден умут этиб, аздан къуру къалма.
- Джюз элде джюз ёгюзюм болгъандан эсе, джюз джууугъум болсун.
- Мал кёб болса, джууукъ кёб болур.
- Ариу сёз – джаннга азыкъ, аман сёз – башха къазыкъ.
- Адамгъа аман кюн соруб келмейди.
- Ашхы сёз таш тешер.
- Ашхы атаны – джашы ашхы, ашхы ананы – къызы ашхы.
- Халкъны джырын джырласанг, халкъ санга эжиу этер.
- Накъырданы арты керти болур.
- Байлыкъ келсе, акъыл кетер.
- Адамны адамлыгъы къыйынлыкъда айгъакъланады.
- Бозаны арты дауур болур.
- Акъыллы айтыр эди, акъылсыз къоймайды.
- Адеб этмеген, адеб кёрмез.
- Танг атмайма десе да, кюн къоярыкъ тюйюлдю.
- Телиге акъыл салгъандан эсе, ёлгеннге джан салырса.
- Джарлыны эшигин махтагъан джабар.
- Тынгылагъан тынгы бузар.
- Гыдай эчки суугъа къараб, мюйюзле кёрмесе, джашма алкъын, дегенди.
- Кенгеш болса, уруш болмаз.
- Айран тёгюлсе, джугъусу къалыр.
- Терек ауса, отунчу – кёб.
- Алгъанда – джууукъ, бергенде – джау.
- Ауругъаннга – кийик саулукъ, джетген къызгъа – чилле джаулукъ.
- Айранын берсенг, челегин да къызгъанма.
- Башынга джетмегенни сорма.
Ошибка!
Для просмотра темы введите ваши логин и пароль.Пожалуйста, авторизуйтесь: