- Экеу тутушса, биреу джыгъылыр.
- Чомартны къолун джокълукъ байлар.
- Тилчи тилден къаныкъмаз.
- Кёбге таш атма.
- Арбаз сайлама да, хоншу сайла.
- Адамны джюреги нени кёрюрге сюйсе, кёзю да аны кёрюрге ёч болады.
- Ашхы атаны – джашы ашхы, ашхы ананы – къызы ашхы.
- Къошда джокъгъа – юлюш джокъ.
- Байны оноуу, джарлыгъа джарамаз.
- Кёлю джокъну – джолу джокъ.
- Дууулдаса – бал чибин, къонса – къара чибин.
- Нёгер болсанг, тенг бол, тенг болмасанг, кенг бол.
- Джашлыкъ этмеген, башлыкъ этмез.
- Ётюрюкден тюбю джокъ, кёлтюрюрге джиби джокъ.
- Таш бла ургъанны, аш бла ур.
- Билимден уллу байлыкъ джокъду.
- Сагъышы джокъ – джукъучу, акъылы джокъ – къаугъачы.
- Тойну къарнашы – харс, джырны къарнашы – эжиу.
- Тынгылагъан тынгы бузар.
- Аманнга игилик этсенг, юйюнге сау бармазса.
- Ётюрюкню башын керти кесер.
- Ишлегенде эринме, ишде чолакъ кёрюнме.
- Къайгъы тюбю – тенгиз.
- Эл тойса, тоймагъан, эл къойса, къоймагъан.
- Терек ауса, отунчу – кёб.
- Чомартны къолу берекет.
- Джумушакъ сёз къаты таякъны сындырыр.
- Кимни – тили, тиши онглу, кимни – къолу, иши онглу.
- Аллахдан тилесенг, кёб тиле.
- Иесиз малны бёрю ашар.
- Келлик заман – къартлыкъ келтирир, кетген заман – джашлыкъ ёлтюрюр.
- Биреуню къыйынлыгъы бла кесинге джол ишлеме.
- Джылар джаш, атасыны сакъалы бла ойнар.
- Окъугъанны бети джарыкъ.
- Ким бла джюрюсенг, аны кёзю бла кёрюнюрсе.
- Ёлген ийнек сютлю болур.
- Джангыз терек къынгыр ёсер.
- Къуру гыбыт бек дыгъырдар.
- Кирсизни – саны таза, халалны – къаны таза.
- Джаш болсун, къыз болсун, акъылы, саны тюз болсун.
- Мадар болса, къадар болур.
- Къуллукъчума, деб махтанма, къуллукъ – хаух джамчыды!
- Бир абыннган – минг сюрюнюр.
- Ач уят къоймаз.
- Магъанасыз сёз – тауушсуз сыбызгъы.
- Элиб деген, элге болушур.
- Ханы къызы буюгъа-буюгъа киштик болду.
- Тели турса – той бузар.
- Урама да – ёледи, сатама да – келеди.
- Ёнгкюч къууана барыр, джылай келир.
Ошибка!
Для просмотра темы введите ваши логин и пароль.Пожалуйста, авторизуйтесь: