- Сескекли кесин билдирир.
- Ишин билген, аны сыйын чыгъарады.
- Ашхы тенг джолгъа салыр, аман тенг джолдан тайдырыр.
- Ханы къызы буюгъа-буюгъа киштик болду.
- Эте билген, этген этеди, эте билмеген, юретген этеди!
- Чомарт къолда мал къалмаз.
- Сютню башын джалагъан къутулур, тюбюн ичген тутулур.
- Ач – эснер, ат – кишнер.
- Билмегенинги, билгеннге сор.
- Азыкълы ат арымаз, къатыны аман джарымаз.
- Уллу суу бла уллу ауруудан башынгы сакъла.
- Кийимни бир кюнню аясанг, минг кюннге джарар.
- Накъырда – кертини келечиси.
- Бетинги сатма, малынгы сат.
- Келгинчи, къонакъ уялыр, келгенден сора, къонакъбай уялыр.
- Бозанг болмагъан джерге, къалагъынгы сукъма.
- Сёлеш деб шай берген, тохта деб, сом берген.
- Ёлюр джаннга, ёкюл джокъ.
- Дженгил джетерикме деб, узун джолну къоюб, къысхасын барма.
- Бермеген къол, алмайды.
- Тилчи тилден къаныкъмаз.
- Ойнай-ойнай кёз чыгъар.
- Къонакъны къачан кетерин сорма, къачан келлигин сор.
- Акъыл къартда, джашда тюйюлдю – башдады.
- Бек ашыкъгъан меннге джетсин, дегенди аракъы.
- Джашны джигитлиги сорулур, къызны джигерлиги сорулур.
- Бал ашаргъа сюе эсенг, чибин ургъаннга тёз.
- Хар ишни да аллы къыйынды.
- Ач къарным, тынч къулагъым.
- Уясында не кёрсе, учханында аны этер.
- Ышармагъан – кюлмез, кюлмеген – къууанчны билмез.
- Ёнгкюч къууана барыр, джылай келир.
- Ёлмесенг да, къарт дамы болмазса?
- Джылыгъа джылан илешир.
- Къайтырыкъ эшигинги, къаты уруб чыкъма.
- Къайгъы тюбю – тенгиз.
- Телини эшигин, махтау джабар.
- Намыс сатылыб алынмайды.
- Аджашханны ызындагъы кёреди, джангылгъанны джанындагъы биледи.
- Тура эдим джата, къайдан чыкъды хата?
- Ашаса, ашамаса да, бёрюню ауузу – къан.
- Агъач халкъгъа алтынды, иссиликге салкъынды.
- Джолунга кёре – джюрюшюнг, джагъанга кёре – юлюшюнг.
- Бети – къучакълар, джюреги – бычакълар.
- Эл тойса, тоймагъан, эл къойса, къоймагъан.
- Билим ат болуб да чабар, къуш болуб да учар.
- Окъ къызбайны джокълайды.
- Тюзлюк тас болмайды.
- Гугурук къычырмаса да, тангны атары къалмаз.
- Кёзден кетген, кёлден да кетеди.
Ошибка!
Для просмотра темы введите ваши логин и пароль.Пожалуйста, авторизуйтесь: