- Тёрде – темир таякълы, къаяда – чыпчыкъ аякълы.
- Джиби бир къат джетмей эди да, эки къат тарта эди.
- Баланы адам этген анады.
- Тил – миллетни джаны.
- Ким бла джюрюсенг, аны кёзю бла кёрюнюрсе.
- Джети тилни билген джети кишиди.
- Чомарт къонакъ юй иесин сыйлар.
- Кийим тукъум сордурур.
- Адамны аты башхача, акъылы да башхады.
- Аман адамны тепсинге олтуртсанг, къызынгы тилер.
- Эл элде бирер малынг болгъандан эсе, бирер тенгинг болсун.
- Адебни адебсизден юрен.
- Ханы къызы буюгъа-буюгъа киштик болду.
- Шекер бла туз – бир болмаз, ушамагъан – юй болмаз.
- Ата Джуртун танымагъан, атасын да танымаз.
- Айранны сюйген, ийнек тутар.
- Къонакъ кёб келюучю юйню, къазаны отдан тюшмез.
- Айран ичген – къутулду, джугъусун джалагъан – тутулду.
- Кеси юйюмде мен да ханма.
- Иги сёз – джаннга азыкъ, аман сёз башха – къазыкъ.
- Сакъламагъан затынга джолукъсанг, не бек къууанаса, не бек ачыйса.
- Ариуну – ауруу кёб.
- Ат да турмайды бир териде.
- Айырылмаз джууугъунга, унутмаз сёзню айтма.
- Билмегенинги, билгеннге сор.
- Чыбыкълыкъда бюгюлмеген, къазыкълыкъда бюгюлмей эди.
- Кечеси – аяз, кюню – къыш, джарлы къаргъагъа бир аш тюш!
- Бетинги сатма, малынгы сат.
- Окъугъан – асыу, окъумагъан – джарсыу.
- Гитче джилтин уллу элни джандырыр.
- Керек ташны ауурлугъу джокъ.
- Aдам боллукъ, сыфатындан белгили.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ата – билек, ана – джюрек!
- Адамны адамлыгъы къыйынлыкъда айгъакъланады.
- Ачылгъан эт джабылыр, кёрген кёз унутмаз.
- Аманнга да, игиге да оноусуз къатышма.
- Ишлегенден, къарагъан уста.
- Къонагъынгы артмагъын алма да, алгъышын ал.
- Билимден уллу байлыкъ джокъду.
- Ашатыргъа иш – ашхы, ишлетирге аш – ашхы.
- Адеби болмагъан къыз – тузсуз хант.
- Халкъны юйю – туугъан джери.
- Элиб деген, элге болушур.
- Азыкъ аз болса, эртде орун сал.
- Керти сёзге тёре джокъ.
- Асхат ашлыкъ сата, юйдегиси ачдан къата.
- Кёбден умут этиб, аздан къуру къалма.
- Чабакъ башындан чирийди.
- Джеринден айырылгъан – джети джылар, джуртундан айырылгъан – ёлгюнчю джылар.
Ошибка!
Для просмотра темы введите ваши логин и пароль.Пожалуйста, авторизуйтесь: