- Тёрде – темир таякълы, къаяда – чыпчыкъ аякълы.
- Джюрек кёзден алгъа кёрюр.
- Джумушакъ сёз къаты таякъны сындырыр.
- Игиге айтсанг – билир, аманнга айтсанг – кюлюр.
- Аурууну келиую тынч, кетиую – къыйын.
- Башынга джетмегенни сорма.
- Мухар, кеси тойса да, кёзю тоймаз.
- Айтхан – тынч, этген – къыйын.
- Алма терегинден кери кетмез.
- Эшекни не къадар тюйсенг да, ат болмаз.
- Рысхы джалгъанды: келген да этер, кетген да этер.
- Келгинчи, къонакъ уялыр, келгенден сора, къонакъбай уялыр.
- Аманнга игилик этсенг, юйюнге сау бармазса.
- Джаш болсун, къыз болсун, акъылы, саны тюз болсун.
- Ач, тоймам, дейди, тойгъан, ач болмам, дейди.
- Зарда марда джокъ.
- Ауругъанны сау билмез, ач къарынны токъ билмез.
- Аман киши кеси юйюнде – къонакъ.
- Иги сеники эсе да, сюйген кесимикин этеме.
- Эли джокъну – кёлю джокъ.
- Акъыл сабырлыкъ берир.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Нёгер болсанг, тенг бол, тенг болмасанг, кенг бол.
- Элни кючю – эмеген.
- Ата Джуртуму башы болмасам да, босагъасында ташы болайым.
- Дуния аламаты сен эсенг да, игиме деб айтма.
- Джарлы эскисин джамаса, къууаныр.
- Ата Джуртун танымагъан, атасын да танымаз.
- Къонакъ аз олтурур, кёб сынар.
- Адамны адамлыгъы къыйынлыкъда айгъакъланады.
- Джарашыу сюйген – джалынчакъ.
- Аманны эки битли тону болур, бирин сеннге кийдирир, бирин кеси киер.
- Татлы тилде – сёз ариу, чемер къолда – иш ариу.
- Къонакъ кёб келюучю юйню, къазаны отдан тюшмез.
- Аманны къуугъан, аманлыкъ табар.
- Ач бёрюге мекям джокъ.
- Байны оноуу, джарлыгъа джарамаз.
- Ишни ахырын ойламай, аллын башлама.
- Чыкълы кюнде чыкъмагъан, чыкъса къуру кирмеген.
- Джылар джаш, атасыны сакъалы бла ойнар.
- Ётюрюк хапар аякъ тюбю бла джюрюйдю.
- Этни бети бла шорпасы.
- Накъырданы арты керти болур.
- Иги болса, тамадама – махтау, аман болса, меннге – айыб.
- Болджал ишни бёрю ашар.
- Суу кетер, таш къалыр.
- Керти сёзге тёре джокъ.
- Кёзю сокъурдан – къоркъма, кёлю сокъурдан – къоркъ.
- Намысы джокъну – дуниясы джокъ.
- Мал ёлсе, сюек къалыр, адам ёлсе, иши къалыр.
Ошибка!
Для просмотра темы введите ваши логин и пароль.Пожалуйста, авторизуйтесь: