- Тин – байлыгъынг, терен саулугъунг.
- Джырчы ёлсе, джыры къалыр.
- Бермеген къол, алмайды.
- Тешик этген тынчды, аны джамагъан къыйынды.
- Юй ишлеген балта эшикде къалыр.
- Онгсузну – джакъла, тенгликни – сакъла.
- Аджаллыгъа окъсуз шкок атылыр.
- Джукъу тёшек сайламайды.
- Сыфатында болмагъаны, суратында болмаз.
- Баланы адам этген анады.
- Иесиз малны бёрю ашар.
- Гитче джилтин уллу элни джандырыр.
- Тил бла келеди джыр да.
- Кюл тюбюндеги от кёрюнмейди.
- Ёмюрлюк шохлукъну джел элтмез.
- Борчунг бар эсе, хурджунунга ойлаб узал.
- Билим насыб берир, билим джолну керир.
- Ашын ашагъанынгы, башын да сыйла.
- Тешигини къатында, чычхан да батыр болур.
- Сакъалы текени да бар, мыйыгъы киштикни да бар.
- Ауузу бла къуш тута айланады.
- Кёл ашады да, кеси ашады.
- Ариу сёз аурууунгу алыр.
- Ашхы – джыяр, аман – джояр.
- Кесине оноу эте билмеген, халкъына да эте билмез.
- Ашхы сёз таш тешер.
- Кёб джат да, бек чаб.
- Баргъанынга кёре болур келгенинг.
- Тюзню ётмеги тюзде къалса да, тас болмаз.
- Хоншуну тауугъу къаз кёрюнюр, келини къыз кёрюнюр.
- От этилмеген джерден тютюн чыкъмайды.
- Гырджын – тепсини тамадасы.
- Эшекни не къадар тюйсенг да, ат болмаз.
- Терслик кетер, тюзлюк джетер.
- Мураты болгъанны джюрек тебюую башхады.
- Булут кёкге джарашыу, уят бетге джарашыу.
- Ашлыкъны арба юйге келтирир, чана базаргъа элтир.
- Тамчы таш тешер.
- Къартны бурнун сюрт да, оноугъа тут.
- Накъырда – кертини келечиси.
- Ишге юренсин къоллары, халкъ бла болсун джоллары.
- Джарлы тюеге минсе да, ит къабар.
- Билимли ёлмез, билимсиз кёрмез.
- Окъугъан озар, окъумагъан тозар.
- Ёксюзню тилеги къабыл болур.
- Айранны сюйген, ийнек тутар.
- Дженгил джетерикме деб, узун джолну къоюб, къысхасын барма.
- Иги сеники эсе да, сюйген кесимикин этеме.
- Ёлген эшек бёрюден къоркъмайды.
- Чабакъ башындан чирийди.
Ошибка!
Для просмотра темы введите ваши логин и пароль.Пожалуйста, авторизуйтесь: