- Бал – татлы, балдан да бала – татлы.
- Байлыкъдан саулукъ ашхыды.
- Агъач халкъгъа алтынды, иссиликге салкъынды.
- Орундукъ тюбюнде атылсам да, орта джиликме, де да айлан.
- Келлик заман – къартлыкъ келтирир, кетген заман – джашлыкъ ёлтюрюр.
- Аш хазыр болса, иш харам болур.
- Хазыр ашха – терен къашыкъ.
- Кесине гебен этелмеген, биреуге черен эте эди.
- Айтылгъан буйрукъ, сёгюлмез
- Баланы адам этген анады.
- Ач – эснер, ат – кишнер.
- Биреуге аманлыкъны тилеме да, кесинге ашхылыкъны тиле.
- Оюмсуз атлагъан, аджалсыз ёлюр.
- Эл ауузу – элия.
- Юйлю уругъа ит чабмаз.
- Джол бла сёзню къыйыры джокъ.
- Къатын байлыкъны сюер, эр саулукъну сюер.
- Джети тилни билген джети кишиди.
- Мал ёлсе, сюек къалыр, адам ёлсе, иши къалыр.
- Адеби болмагъан къыз – тузсуз хант.
- Чоюнну башы ачыкъ болса, итге уят керекди.
- Сабийликде юретмесенг, уллу болса – тюзелмез.
- Адамны сыфатына къарама, сёзюне къара.
- Экеу тутушса, биреу джыгъылыр.
- Баш болса, бёрк табылыр.
- Къайтырыкъ эшигинги, къаты уруб чыкъма.
- Берекет берсин деген джерде, берекет болур.
- Кийимни бичсенг, кенг бич, тар этген къыйын тюлдю.
- Байдан умут эте, джарлыдан ёгюз багъасы къорады.
- Аууз сакълагъан – джан сакълар.
- Ишин билген, аны сыйын чыгъарады.
- Аш берме да, къаш бер.
- Эри аманны, къатыны – аман.
- Ашарыкъда сайлагъаннга – чий гырджын.
- Ашха уста, юйюнде болсун
- Къонагъынгы артмагъын алма да, алгъышын ал.
- Билмейме деген – бир сёз
- Билимсиз иш бармаз.
- Этим кетсе да, сюегим къалыр.
- Кирсизни – саны таза, халалны – къаны таза.
- Намыс сатылыб алынмайды.
- Ёлюк кебинсиз къалмаз.
- Ата джурт – алтын бешик.
- Джолда аягъынга сакъ бол, ушакъда тилинге сакъ бол.
- Тик ёргени, тик энгишгеси да болады.
- Тили узунну, намысы – къысха.
- Ата Джуртуму башы болмасам да, босагъасында ташы болайым.
- Ашыкъгъанны этеги бутуна чырмалыр.
- Иги адамны бир сёзю эки болмаз.
- Огъурлуну сёзю – суу, огъурсузну сёзю – уу.
Ошибка!
Для просмотра темы введите ваши логин и пароль.Пожалуйста, авторизуйтесь: