- Джарлыны тону джаз битер.
- Тин – байлыгъынг, терен саулугъунг.
- Эте билген, этген этеди, эте билмеген, юретген этеди!
- Чабакъсыз кёлге къармакъ салгъанлыкъгъа, чабакъ тутмазса.
- Нарт сёз – тилни бети.
- Кёбден умут этиб, аздан къуру къалма.
- Къарыусузгъа кюлме, онгсузгъа тийме.
- Сакъламагъан затынга джолукъсанг, не бек къууанаса, не бек ачыйса.
- Ариу сёз джыланны орнундан чыгъарыр.
- Хантына кёре тузу, юйюне кёре къызы.
- Тыш элде солтан болгъандан эсе, кесинги элде олтан болгъан игиди!
- Уллу сёлешме да, уллу къаб.
- Аманнга алтын чыдамаз.
- Ата – билек, ана – джюрек!
- Тойгъан джерге джети къайт.
- Аман адам этегингден тутса, кес да къач.
- Кёзден кетген, кёлден да кетеди.
- Ёзденликни джайгъан – джокълукъ.
- Джумушакъ терекни къурт ашар.
- Акъыл къартда, джашда тюйюлдю – башдады.
- Атынг аманнга чыкъгъандан эсе, джанынг тамагъынгдан чыкъсын.
- Бойнуму джети джерден кессенг да, мен ол ишни этеллик тюлме.
- Тойгъа алгъа да барма, тойда артха да къалма.
- Адамгъа аман кюн соруб келмейди.
- Къарны аманнга къазан такъдырма, къолу аманнга от джакъдырма.
- Тас болгъан бычакъны сабы – алтын.
- Атлыны кёрсе, джаяуну буту талыр.
- Эркишини аманы тиширыуну джылатыр.
- Джарлы тюеге минсе да, ит къабар.
- Накъырда – кертини келечиси.
- Ауурну тюбю бла, дженгилни башы бла джюрюген.
- Аджашхан тёгерек айланыр.
- Хар ишни да аллы къыйынды.
- Алма терегинден кери кетмез.
- Сибиртки да сыйлы болду, кюрек да кюнлю болду.
- Аурууну келиую тынч, кетиую – къыйын.
- Билимден уллу байлыкъ джокъду.
- Ауругъан – джашаудан умутчу.
- Бет бетге къараса, бет да джерге къарар.
- Кирсизни – саны таза, халалны – къаны таза.
- Таукел къуру къалмаз.
- Билгенни къолу къарны джандырыр.
- Ёпкелегенни ашы татлы болады.
- Сабий кёргенин унутмаз.
- Таукелге нюр джауар.
- Суу да къайтады чыкъгъан джерине.
- Атлыны ашхысы, ат тизгининден билинир
- Чомарт къолда мал къалмаз.
- Билмегенинги, билгеннге сор.
- Айырылгъанланы айю ашар, бёлюннгенлени бёрю ашар.
Ошибка!
Для просмотра темы введите ваши логин и пароль.Пожалуйста, авторизуйтесь: