- Иги – алгъыш этер, аман – къаргъыш этер.
- Ушамагъан – джукъмаз.
- Ишин билген, аны сыйын чыгъарады.
- Ач – эснер, ат – кишнер.
- Акъылсызны джууукъгъа алма, акъыллыны кенгнге салма.
- Акъыллы башны – тили къысха.
- Джюрекге ариу – кёзге да ариу.
- Айныгъанлы алты кюн, тогъайгъанлы тогъуз кюн.
- Сагъышы джокъ – джукъучу, акъылы джокъ – къаугъачы.
- Тыш элде солтан болгъандан эсе, кесинги элде олтан болгъан игиди!
- Тенги кёбню джау алмаз, акъылы кёбню дау алмаз.
- Джылкъыдан – ат чыгъар, тукъумдан – джаш чыгъар.
- Иги болса, тамадама – махтау, аман болса, меннге – айыб.
- Аджашхан тёгерек айланыр.
- Айтылгъан буйрукъ, сёгюлмез
- Бёрю да ач къалмасын, эчки да ашалмасын.
- Джарлы джети элни сёзюн этер.
- Экеу тутушса, биреу джыгъылыр.
- Къонакъ болсанг, ийнакъ бол.
- Aдам боллукъ, сыфатындан белгили.
- Джырчы джырчыгъа – къарнаш.
- Аш иеси бла татлыды.
- Ётюрюк хапар аякъ тюбю бла джюрюйдю.
- Байлыкъ келсе, акъыл кетер.
- Билгенни къолу къарны джандырыр.
- Айранны сюйген, ийнек тутар.
- Къартны бурнун сюрт да, оноугъа тут.
- Сабыр джетер муратха, сабырсыз къалыр уятха.
- Эки элинги тыйсанг, джети элде махталырса.
- Башы джабылгъан челекге, кир тюшмез.
- Къонакъ кёб келюучю юйню, къазаны отдан тюшмез.
- Тынгылагъан тынгы бузар.
- Иги адамны бир сёзю эки болмаз.
- Кесине гебен этелмеген, биреуге черен эте эди.
- Тилсиз миллет джокъ болур.
- Таугъа чыгъаллыкъ эсенг, тюзде къалма.
- Уллу къашыкъ эрин джыртар.
- Ишленмеген джаш – джюгенсиз ат, ишленмеген къыз – тузсуз хант.
- Айран ичген – къутулду, джугъусун джалагъан – тутулду.
- Борчунг бар эсе, хурджунунга ойлаб узал.
- Суугъа – чабакъ, къаягъа – ыргъакъ.
- Джолда аягъынга сакъ бол, ушакъда тилинге сакъ бол.
- Мухардан ач ычхынмаз.
- Этим кетсе да, сюегим къалыр.
- Узун джолну барсанг, бюгюн келирсе, къысха джолну барсанг, тамбла келирсе.
- Ата Джуртун танымагъан, атасын да танымаз.
- Бетинги сатма, малынгы сат.
- Къумурсхала джыйылсала, пилни да джыгъадыла.
- Тойгъа алгъа да барма, тойда артха да къалма.
- Хазыр ашха – терен къашыкъ.
Ошибка!
Для просмотра темы введите ваши логин и пароль.Пожалуйста, авторизуйтесь: