- Тёрени джагъы джокъ.
- Айтхан сёзюне табылгъан.
- Эшекге миннген – биринчи айыб, андан джыгъылгъан – экинчи айыб.
- Келлик заман – къартлыкъ келтирир, кетген заман – джашлыкъ ёлтюрюр.
- Адам сёзге тынгыла, акъыл сёзню ангыла.
- Ойнай-ойнай кёз чыгъар.
- Таукел адам тау тешер.
- Къарт болгъан джерде, берекет болур, сабий болгъан джерде, оюн болур.
- Таукелге нюр джауар.
- Дуния малгъа сатылма, кесингден телиге къатылма.
- Айран тёгюлсе, джугъусу къалыр.
- Мал тутхан – май джалар.
- Иги адамны бир сёзю эки болмаз.
- Тилсиз миллет джокъ болур.
- Ашыкъгъанны этеги бутуна чырмалыр.
- Сакъ юйюне сау барыр.
- Байлыкъ адамны сокъур этер.
- Хансыз джомакъ болмаз.
- Шапа кёб болса, аш татымсыз болур.
- Сангырау къулакъ эл бузар.
- Аш иеси бла татлыды.
- Иги бла джюрюсенг, джетерсе муратынга, аман бла джюрюсенг, къалырса уятха.
- Чомарт джарлы болмаз.
- Халкъны юйю – туугъан джери.
- Тёзгеннге, джабылгъан эшик ачылыр.
- Къулакъдан эсе, кёзге ышан.
- Тойгъандан сора, ашны сёкме.
- Элге къуллукъ этмеген, элге ие болмаз.
- Ойнай билмеген, уруб къачар.
- Джылыгъа джылан илешир.
- Кёлсюзден сёзсюз тууар.
- Итли къонакъ джарашмаз.
- Джылар джаш, атасыны сакъалы бла ойнар.
- Чакъырылгъанны аты, чакъырылмагъанны багъасы болур.
- Чабакъ башындан чирийди.
- Баланы адам этген анады.
- Алтыда кюлмеген, алтмышда кюлмез.
- Берекет берсин деген джерде, берекет болур.
- Суу ичген шауданынга тюкюрме.
- Этни да ашады, бетни да ашады.
- Ишин билген, аны сыйын чыгъарады.
- Артына баргъанны, къатына барма.
- Ёлмесенг да, къарт дамы болмазса?
- Адеб этмеген, адеб кёрмез.
- Айтылгъан сёз ызына къайтмаз.
- Эки итни арасына сюек атма, эки адамны арасында сёз чыгъарма.
- Суу кетер, таш къалыр.
- Джолунга кёре – джюрюшюнг, джагъанга кёре – юлюшюнг.
- Кирсизни – саны таза, халалны – къаны таза.
- Уллу атлама – абынырса, уллу къабма – къарылырса.
Ошибка!
Для просмотра темы введите ваши логин и пароль.Пожалуйста, авторизуйтесь: