- Къайгъы тюбю – тенгиз.
- Ауузу бла къуш тута айланады.
- Кёз – сюйген джерде, къол – ауругъан джерде.
- Джаханимни кёрмей, джандетге кёл салмазса.
- Тёгюлген тюгел джыйылмайды.
- Джырына кёре эжиую.
- Ариу сёз – джаннга азыкъ, аман сёз – башха къазыкъ.
- Къарны аманнга къазан такъдырма, къолу аманнга от джакъдырма.
- Аманны эки битли тону болур, бирин сеннге кийдирир, бирин кеси киер.
- Аманнга игилик этсенг, юйюнге сау бармазса.
- Чомарт къонакъ юй иесин сыйлар.
- Бозанг болмагъан джерге, къалагъынгы сукъма.
- Адамны сабийин сюйген джюреги, бычакъча, джитиди.
- Тура эдим джата, къайдан чыкъды хата?
- Рысхы – насыбха къор.
- Джеринден айырылгъан – джети джылар, джуртундан айырылгъан – ёлгюнчю джылар.
- Борчунг бар эсе, хурджунунга ойлаб узал.
- Аш кетер да бет къалыр.
- Ёнгкюч къууана барыр, джылай келир.
- Кюл тюбюндеги от кёрюнмейди.
- Огъурлуну сёзю – суу, огъурсузну сёзю – уу.
- Байлыкъдан саулукъ ашхыды.
- Уллу къазанда бишген эт, чий къалмаз.
- Ашарыкъда сайлагъаннга – чий гырджын.
- Тил – миллетни джаны.
- Аман киши кеси юйюнде – къонакъ.
- Тил – кесген бычакъ, сёз – атылгъан окъ.
- Уруну арты – къуру.
- Кёзю сокъурдан – къоркъма, кёлю сокъурдан – къоркъ.
- Бети – къучакълар, джюреги – бычакълар.
- Кеси юйюмде мен да ханма.
- Алтыда кюлмеген, алтмышда кюлмез.
- Узун джолну барсанг, бюгюн келирсе, къысха джолну барсанг, тамбла келирсе.
- Ётюрюкчюню шагъаты – къатында.
- Биреуню тёрюнден, кесинги эшик артынг игиди.
- Джумушакъ сёз къаты таякъны сындырыр.
- Ичимден чыкъды хата, къайры барайым сата?
- Къайгъыны сюйген, къайгъы табар.
- Эм ашхы къайын ана мамукъ бла башынгы тешер.
- Къонагъы джокъну – шоху джокъ.
- Башсыз урчукъ тюзюне айланмаз.
- Экиндини кеч къылсанг, чабыб джетер ашхам.
- Къонакъ хазыр болгъанлыкъгъа, къонакъбай хазыр тюлдю.
- Джаралыны джастыгъында сау ёлюр.
- Зар адам ашынгы ашар, кесинги сатар.
- Джукъу тёшек сайламайды.
- Хантына кёре тузу, юйюне кёре къызы.
- Тил бла келеди джыр да.
- Ётюрюкню къуйругъу – бир тутум.
- Иги джашны ышаны – аз сёлешиб, кёб тынгылар.
Ошибка!
Для просмотра темы введите ваши логин и пароль.Пожалуйста, авторизуйтесь: