- Шапа кёб болса, аш татымсыз болур.
- Алма терегинден кери кетмез.
- Игини сыйлагъан адетди.
- Ётген ёмюр – акъгъан суу.
- Накъырда – кертини келечиси.
- Байма, деб да, къууанма, джарлыма, деб да, джылама.
- Джюз элде джюз ёгюзюм болгъандан эсе, джюз джууугъум болсун.
- Акъдан къара болмаз.
- Тамбла алтындан бюгюн багъыр ашхы.
- Агъач халкъгъа алтынды, иссиликге салкъынды.
- Ашын ашагъанынгы, башын да сыйла.
- Ёксюзню тилеги къабыл болур.
- Баш – акъыл ючюн, акъылман – халкъ ючюн.
- Эки итни арасына сюек атма, эки адамны арасында сёз чыгъарма.
- Урама да – ёледи, сатама да – келеди.
- Кёб джат да, бек чаб.
- Келинин тута билмеген, къул этер, къызын тута билмеген, тул этер.
- Халкъны джырын джырласанг, халкъ санга эжиу этер.
- Киштикге къанат битсе, чыпчыкъ къалмаз эди.
- Байлыкъдан саулукъ ашхыды.
- Мал тутхан – май джалар.
- Ауругъаннга – кийик саулукъ, джетген къызгъа – чилле джаулукъ.
- Тай асырагъан, атха минер.
- Ач къарным, тынч къулагъым.
- Адебни адебсизден юрен.
- Ариу сёзде ауруу джокъ.
- Адам къыйынлыгъын кёлтюрюр, зауукълугъун кёлтюрмез.
- Ашаса, ашамаса да, бёрюню ауузу – къан.
- Суу кетер, таш къалыр.
- Тил джюрекге джол ишлейди.
- Илму – джашауну джолу.
- Этни бети бла шорпасы.
- Сютню башын джалагъан къутулур, тюбюн ичген тутулур.
- Чомарт бергенин айтмаз.
- Бюгюн дуния кибик, тамбла ахыратды.
- Тойгъандан сора, ашны сёкме.
- Тулпарлыкъ, билекден тюл – джюрекден.
- Бетинги сатма, малынгы сат.
- Джашда акъыл джокъ, къартда къарыу джокъ.
- Эрни эр этерик да, къара джер этерик да, тиширыуду.
- Адам боллукъ, атламындан белгили болур.
- Дуния аламаты сен эсенг да, игиме деб айтма.
- Хансыз джомакъ болмаз.
- Ариу сёз – джаннга азыкъ, аман сёз – башха къазыкъ.
- Аджаллыгъа окъсуз шкок атылыр.
- Гитче джилтин уллу элни джандырыр.
- Узун джолну барсанг, бюгюн келирсе, къысха джолну барсанг, тамбла келирсе.
- Аджал соруб келмез, келсе, къайтыб кетмез.
- Хар сёзню орну барды.
- Кёб джашагъан – кёб билир.
Ошибка!
Для просмотра темы введите ваши логин и пароль.Пожалуйста, авторизуйтесь: