- Байлыкъдан саулукъ ашхыды.
- Тас болгъан бычакъны сабы – алтын.
- Джиби бир къат джетмей эди да, эки къат тарта эди.
- Чакъырылгъанны аты, чакъырылмагъанны багъасы болур.
- Кюл тюбюндеги от кёрюнмейди.
- Иги болса, тамадама – махтау, аман болса, меннге – айыб.
- Уллу суу бла уллу ауруудан башынгы сакъла.
- Сангырау къулакъ эл бузар.
- Адеб базарда сатылмаз.
- Бал чибинни ургъаны – ачы, балы – татлы.
- Бетинги сатма, малынгы сат.
- Адебни адебсизден юрен.
- Акъыллы – эл иеси, тели – эл баласы.
- Тилчи тилден къаныкъмаз.
- Билим къая тешер.
- Суу кетер, таш къалыр.
- Арыгъан къош чамчы болур.
- Хоншуну тауугъу къаз кёрюнюр, келини къыз кёрюнюр.
- Адамны артындан къара сабан сюрме.
- Ашхы сёз таш тешер.
- Экиндини кеч къылсанг, чабыб джетер ашхам.
- Эки итни арасына сюек атма, эки адамны арасында сёз чыгъарма.
- Ач – эснер, ат – кишнер.
- Ёпкелегенни ашы татлы болады.
- Билимли ёлмез, билимсиз кёрмез.
- Хар адамгъа кеси миннген тау кибик.
- Ишни ахырын ойламай, аллын башлама.
- Чакъырылмагъан къонакъ къачан кетерин сормаз.
- Къолу уллу – асыу, аягъы уллу – джарсыу.
- Ичимден чыкъды хата, къайры барайым сата?
- Кёзю сокъурдан – къоркъма, кёлю сокъурдан – къоркъ.
- Кийимни бир кюнню аясанг, минг кюннге джарар.
- Байны оноуу, джарлыгъа джарамаз.
- Ариу сёз джыланны орнундан чыгъарыр.
- Адамны адамлыгъы къыйынлыкъда айгъакъланады.
- Чомартха хар кюн да байрамды.
- Тюзню ётмеги тюзде къалса да, тас болмаз.
- Кёб джашагъан – кёб билир.
- Таукелге нюр джауар.
- Кёбге таш атма.
- Халкъгъа джарагъан, джарлы къалмаз.
- Тёрдеги кюлсе, эшикдеги ышарыр.
- Таш бла ургъанны, аш бла ур.
- Байлыкъ келсе, акъыл кетер.
- Таукел къуру къалмаз.
- Айырылмаз джууугъунга, унутмаз сёзню айтма.
- Къарт болгъан джерде, берекет болур, сабий болгъан джерде, оюн болур.
- Къатын байлыкъны сюер, эр саулукъну сюер.
- Ачны эсинде – аш.
- Таякъ этден ётер, тил сюекден ётер.
Ошибка!
Для просмотра темы введите ваши логин и пароль.Пожалуйста, авторизуйтесь: