- Джыйырма къойну юч джыйырма эбзе кюте эди.
- Гугурук къычырмаса да, тангны атары къалмаз.
- Кюлме джашха – келир башха.
- Кюл тюбюндеги от кёрюнмейди.
- Къыйынлы джети элни къайгъысын этер.
- Кюн – узун, ёмюр – къысха.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Чомартны къолун джокълукъ байлар.
- Къарт бла баш аша, джаш бла аякъ аша.
- Айтхан сёзюне табылгъан.
- Ашда – бёрю, ишде – ёлю.
- Чёбню кёлтюрсенг, тюбюнден сёз чыгъар.
- Ачны эсинде – аш.
- Ашхы атаны – джашы ашхы, ашхы ананы – къызы ашхы.
- Биреуню эскиси биреуге джангы болмайды.
- Мал ёлсе, сюек къалыр, адам ёлсе, иши къалыр.
- Кюн кёрмеген, кюн кёрсе, кюндюз чыракъ джандырыр.
- Намысы болмагъанны, сыйы болмаз.
- Акъыллы башны – тили къысха.
- Иги сеники эсе да, сюйген кесимикин этеме.
- Келинни – келгинчи, бёркню кийгинчи кёр.
- Ушамагъан – джукъмаз.
- Ариу джол аджал келтирмез.
- Билим ат болуб да чабар, къуш болуб да учар.
- Аманнга алтын чыдамаз.
- Игини сыйлагъан адетди.
- Байлыкъ тауусулур, билим тауусулмаз.
- Соргъан айыб тюлдю, билмеген айыбды.
- Акъыл бла адеб эгизледиле.
- Бастасын ашагъан, хантусун да ичер.
- Бозанг болмагъан джерге, къалагъынгы сукъма.
- Чомарт къолда мал къалмаз.
- Сибиртки да сыйлы болду, кюрек да кюнлю болду.
- Джахил болса анасы, не билликди баласы?
- Джылкъыдан – ат чыгъар, тукъумдан – джаш чыгъар.
- Сормай – алма, чакъырылмай – барма.
- Эки къатын алгъан – эки ташны ортасына башын салгъан.
- Ач бёрюге мекям джокъ.
- Хазыр ашха – терен къашыкъ.
- Башынга джетмегенни сорма.
- Билмегенинги, билгеннге сор.
- Тёрени джагъы джокъ.
- Бек анасы джыламаз.
- Окъумагъан сокъурду, сокъур ташха абыныр!
- Кютгени беш эчки, сызгъыргъаны уа, джерни джарады.
- Бюгюн дуния кибик, тамбла ахыратды.
- Тилчи бир сагъатха айлыкъ хата этер.
- Абынмазлыкъ аякъ джокъ, джангылмазлыкъ джаякъ джокъ.
- Джол бла сёзню къыйыры джокъ.
- Ойнай билмеген, уруб къачар.
Ошибка!
Для просмотра темы введите ваши логин и пароль.Пожалуйста, авторизуйтесь: