- Ёнгкюч къууана барыр, джылай келир.
- Ишленмеклик адамлыкъды.
- Эл элде бирер малынг болгъандан эсе, бирер тенгинг болсун.
- Накъырданы арты керти болур.
- Эрни эр этерик да, къара джер этерик да, тиширыуду.
- Ана – юйню кюн джарыгъы.
- Халкъны джырын джырласанг, халкъ санга эжиу этер.
- Къумурсхала джыйылсала, пилни да джыгъадыла.
- Кёбню кёрген – кёб билир.
- Ана къойну – балагъа джандет.
- Къонакъ хазыр болгъанлыкъгъа, къонакъбай хазыр тюлдю.
- Тура эдим джата, къайдан чыкъды хата?
- Ёлюр джаннга, ёкюл джокъ.
- Ичимден чыкъды хата, къайры барайым сата?
- Тойгъа алгъа да барма, тойда артха да къалма.
- Ариуну – ауруу кёб.
- Суу да къайтады чыкъгъан джерине.
- Окъ къызбайны джокълайды.
- Окъугъан – асыу, окъумагъан – джарсыу.
- Къарыусузгъа кюлме, онгсузгъа тийме.
- Кёкдеги болмаса, джердегин кёрмейди.
- Кимни – тили, тиши онглу, кимни – къолу, иши онглу.
- Бермеген къол, алмайды.
- Ата – билек, ана – джюрек!
- Иги адамны бир сёзю эки болмаз.
- Ишин билген, аны сыйын чыгъарады.
- Къыз келсе, джумуш эте келеди, къатын келсе, ушакъ эте келеди.
- Джаным-тиним – окъуу, билим.
- От этилмеген джерден тютюн чыкъмайды.
- Хар сёзню орну барды.
- Ёзденликни джайгъан – джокълукъ.
- Айранын берсенг, челегин да къызгъанма.
- Кёзню ачылгъаны – иги, ауузну джабылгъаны – иги.
- Къонакъ аман болса, къонакъбай джунчур
- Тойну къарнашы – харс, джырны къарнашы – эжиу.
- Аш кетер да бет къалыр.
- Артына баргъанны, къатына барма.
- Кийимни бичсенг, кенг бич, тар этген къыйын тюлдю.
- Къатын байлыкъны сюер, эр саулукъну сюер.
- Ойнай билмеген, уруб къачар.
- Джарлы эскисин джамаса, къууаныр.
- Кёзден кетген, кёлден да кетеди.
- Бёрю да ач къалмасын, эчки да ашалмасын.
- Тилчи тилден къаныкъмаз.
- Ханы къызы буюгъа-буюгъа киштик болду.
- Ач да бол, токъ да бол – намысынга бек бол.
- Башы джабылгъан челекге, кир тюшмез.
- Айтхан – тынч, этген – къыйын.
- Гырджын – тепсини тамадасы.
- Этек чакъмакълары баш джаргъан, сёлешген сёзлери таш джаргъан.
Ошибка!
Для просмотра темы введите ваши логин и пароль.Пожалуйста, авторизуйтесь: