- Халкъны юйю – туугъан джери.
- Ёгюзню мюйюзюнден тутадыла, адамны сёзюнден тутадыла.
- Башы джабылгъан челекге, кир тюшмез.
- Хантына кёре тузу, юйюне кёре къызы.
- Кесине оноу эте билмеген, халкъына да эте билмез.
- Уллу айтханны этмеген – уллаймаз.
- Босагъа таш юйге кирмей эди, тыбыр таш эшикге чыкъмай эди.
- Ёлген эшек бёрюден къоркъмайды.
- Ата Джуртча джер болмаз, туугъан элча эл болмаз.
- Мен да «сен», дейме, сен да «кесим», дейсе.
- Кютгени беш эчки, сызгъыргъаны уа, джерни джарады.
- Къозулугъунда тоймагъан, къойлугъунда тоймаз.
- Тёзген – тёш ашар!
- Окъугъанны бети джарыкъ.
- Тау башында, тау болмаз, джангыз терек, бау болмаз.
- Ата Джуртун танымагъан, атасын да танымаз.
- Хар сёзню орну барды.
- Аман къатын сабий табса, бий болур…
- Тыш элде солтан болгъандан эсе, кесинги элде олтан болгъан игиди!
- Джигер – джаннга къыйынлыкъ.
- Чабакъсыз кёлге къармакъ салгъанлыкъгъа, чабакъ тутмазса.
- Сакъалы текени да бар, мыйыгъы киштикни да бар.
- Къар – келтирди, суу – элтди.
- Гыдай эчки суугъа къараб, мюйюзле кёрмесе, джашма алкъын, дегенди.
- Этим кетсе да, сюегим къалыр.
- Ата Джуртуму башы болмасам да, босагъасында ташы болайым.
- Накъырданы арты керти болур.
- Аууздан келген, къолдан келсе, ким да патчах болур эди.
- Мухарны эси – ашарыкъда.
- Адеби болмагъан къыз – тузсуз хант.
- Аман адамны тепсинге олтуртсанг, къызынгы тилер.
- Бек ашыкъгъан меннге джетсин, дегенди аракъы.
- Ашлыкъны арба юйге келтирир, чана базаргъа элтир.
- Уллу къашыкъ эрин джыртар.
- Магъанасыз сёз – тауушсуз сыбызгъы.
- Сабий кёргенин унутмаз.
- Кимни – тили, тиши онглу, кимни – къолу, иши онглу.
- Кирсизни – саны таза, халалны – къаны таза.
- Ачылгъан эт джабылыр, кёрген кёз унутмаз.
- Ач къарынны, токъ билмез
- Хар адамгъа кеси миннген тау кибик.
- Чомарт бергенин айтмаз.
- Ана – юйню кюн джарыгъы.
- Тойну къарнашы – харс, джырны къарнашы – эжиу.
- Кёлсюзден сёзсюз тууар.
- Кеси юйюмде мен да ханма.
- Адамны сыфатына къарама, сёзюне къара.
- Телиге акъыл салгъандан эсе, ёлгеннге джан салырса.
- Элде адам къалмаса, ит тахтагъа минер.
- Элни кючю – эмеген.
Ошибка!
Для просмотра темы введите ваши логин и пароль.Пожалуйста, авторизуйтесь: